Matsɛmɛ II, 4:29 - BAIBLO ALOO NGMAMI KLƆUKLƆU Ɔ

²⁹ Elisha de Gehazi ke, “Esɔ! Moo mia! Ngɔɔ ye dɛma tso ɔ nɛ o ho! Ke o kɛ nɔ ko kpe ngɛ blɔ ɔ nɔ ɔ, ko nga lɛ; ke nɔ ko nga mo ɔ, ko he nɔ. Yaa tɛɛ, nɛ o ya wo ye dɛma tso ɔ nɔ ngɛ jokuɛ ɔ hɛ mi.”

Matsɛmɛ II, 4:29 ပူးပေါင်းရင်းမြစ်များ

Matsɛmɛ II, 2:14

E kɛ Eliya tade ɔ fia nyu ɔ mi, nɛ e bi ke, “Jije Yawɛ, Eliya Mawu ɔ ngɛ?” E ngɔ tade ɔ kɛ fia nyu ɔ mi ekohu, nɛ nyu ɔ mi gba kɛ ya hiɛ kɛ hiɛ; nɛ e nyɛɛ kɛ be.

Matsɛmɛ I, 18:46

Yawɛ ha Eliya he wami; e fi e tade ɔ ngɔ wo e mlɛ mi, nɛ e gbɔ fo kɛ ya be Ahab he kɛ ho Yezreel ya tɔɔ.

Mose II, 14:16

Wo o tso ɔ nɔ nɛ o kpã o nine mi ngɛ wo ɔ nɔ, nɛ o dla e mi enyɔ, konɛ Israel bi ɔmɛ nɛ a nyɛɛ zugba gbigbli nɔ kɛ po wo ɔ.

Luka 10:4

Nyɛ ko hɛɛ sika kpɛɛ, loo ní balɔ kotoku, loo tokota; nyɛ ko puɛ be kɛ hi nihi ngae ngɛ blɔ ɔ nɔ.

Matsɛmɛ II, 9:1

Gbalɔ Elisha tsɛ gbali a kuu ɔ mi no kake, nɛ e de lɛ ke, “Mo dla o he nɛ o hɛɛ nu kɛ tɔ nɛ ɔ kɛ ya Ramot ngɛ Gilead.

Ni Tsumi 19:12

A ngɔɔ dukuhi, kɛ tade hɛ mi hami bohi tete nɛ Paulo he sa he kɛ ya haa hiɔtsɛmɛ a nɔ, kɛkɛ ɔ, hiɔ taa; nɛ mumi yayami ɔmɛ jee a mi.

Ni Tsumi 3:16

E he wami nya nɛ a tsa glɔtsɛ nɛ ɔ nɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ná le nɛ ɔ, a nyɛ́ pee akɛnɛ a heɔ lɛ yeɔ. E he Yesu ye, lɔ ɔ he nɛ e na he wami kaa bɔ nɛ nyɛ tsuo nyɛ ngɛ hyɛe ɔ nɛ.

Matsɛmɛ II, 2:8

Kɛkɛ nɛ Eliya je e tade ɔ, nɛ e koklo lɛ, nɛ e kɛ fia nyu ɔ mi. Nyu ɔ mi gba kɛ ya hiɛ kɛ hiɛ; nɛ mɛ ni enyɔ ɔmɛ tsuo a nyɛɛ zugba gbigbli nɔ kɛ be.

Mose II, 4:17

Moo hɛɛ o tso ɔ, nɛ lɔ ɔ ji nɔ́ nɛ o kɛ maa pee nyakpɛ ní ɔmɛ ɔ nɛ.”

1 Petro 1:13

Lɔ ɔ he ɔ, nyɛɛ pee nyɛ juɛmi klaalo kɛ ha ní tsumi. Nyɛ hɛ nɛ ka si, nɛ nyɛɛ ngɔ nyɛ hɛ ngɔ fɔ dloomi nɛ Mawu ma ha nyɛ ligbi ɔ nɛ Yesu Kristo maa ba ekohu ɔ nɔ.

Efesobi 6:14

Lɔ ɔ he ɔ, nyɛɛ da si nɛ nyɛ ha anɔkuale nɛ miaa nyɛ kaa mlɛ mi fimi nɔ́, nɛ dami sane yemi nɛ pee kaa dama ngɛ nyɛ gugue mi.

Matsɛmɛ II, 4:12

E tsɔ e tsɔlɔ Gehazi ke e ya tsɛ Shunem yo ɔ kɛ ba. Nɛ yo ɔ ba da si ngɛ Elisha hɛ mi.

Abɛ Womi 31:17

E tsuɔ ní kpakpataa; e nine si wa kɛ ní tsumi.