Matsɛmɛ II, 4:26 - BAIBLO ALOO NGMAMI KLƆUKLƆU Ɔ

²⁶ Tuu fo nɛ o kɛ lɛ ya kpe, nɛ o bi lɛ ke e ngɛ saminya lo. Bi lɛ ke e huno ɔ kɛ e binyumuyo ɔ hu ngɛ saminya lo.” Yo ɔ de Gehazi ke mɛ tsuo a ngɛ saminya,

Matsɛmɛ II, 4:26 ပူးပေါင်းရင်းမြစ်များ

Ni Tsumi 15:36

Pee se ɔ, Paulo de Barnaba ke, “Ha waa kpale wa se kɛ ya mahi tsuo nɛ wa fiɛ Nyɔmtsɛ ɔ sɛ gbi ɔ ngɛ a mi ɔ. Wa ya slaa nyɛmimɛ ɔmɛ nɛ ngɛ lejɛ ɔmɛ, nɛ waa hyɛ bɔ nɛ a ngɛ nɔ yae ha.”

Samuel I, 17:18

Jehanɛ, moo hɛɛ wagasi nyɔngma nɛ ɔmɛ kɛ ya ha tatsɛ nɔkɔtɔma nɛ ngɛ a nya a. Slaa o nyɛmimɛ ɔmɛ nɛ o hyɛ bɔ nɛ a ngɛ, nɛ o kɛ okadi ko nɛ je a ngɔ kɛ ba.

La 39:9

Ma ma ye nya nɛ ma pee dii, ejakaa mo lɛ o ha nɛ i na nɔ́ kikɛ nɛ ɔ nɛ.

Matsɛmɛ II, 4:23

E huno ɔ bi lɛ ke, “Mɛni he je o yaa Mawu nɔmlɔ ɔ ngɔ mwɔnɛ ɔ? Tsa pi Nyɔhiɔhe nyami be, aloo Hejɔɔmi ligbi ji mwɔnɛ ɔ.” E he nɔ ke, “E pee we nɔ́ ko!”

Samuel I, 3:18

Lɔ ɔ he ɔ, Samuel de lɛ nɔ́ tsuaa nɔ́; e si we nɔ́ ko nɛ e de we lɛ. Eli de ke, “Lɛ ji Yawɛ ɔ nɛ; nɔ́ tsuaa nɔ́ nɛ sa e hɛ mi ɔ, e pee!”

Mose I, 37:14

E tsɛ ɔ de lɛ ke, “Yaa nɛ o ya slaa o nyɛmimɛ ɔmɛ, nɛ o hyɛ kaa to ɔmɛ hu nɔ́ ko be a he lo, nɛ o ba de mi.” Kɛkɛ nɛ e tsɛ ɔ wo lɛ blɔ kɛ je Hebron kɔ̃ ɔ mi. Benɛ e ba su Shekem ɔ,

Mose I, 29:6

E pa bi mɛ ke, “E ngɛ saminya lo?” A he nɔ ke, “Ee, e ngɛ saminya. Hyɛ, e biyo Rahel nɛ kpaka e to ɔmɛ kɛ ma a nɛ!”

Zakaria 2:4

Kekle bɔfo ɔ de e nyɛmi ɔ ke, “Tú fo nɛ o ya de niheyo ɔ nɛ hɛɛ nɔ́ susumi kpa a ke nimlihi kɛ nahi babauu maa ba Yerusalem, nɛ e he be hiae kaa a fia gbogbo kɛ wo ma a he.

Mose III, 10:3

Kɛkɛ nɛ Mose de Aaron ke, “Enɛ ɔ ji nɔ́ nɛ Yawɛ de ɔ nɛ. E ke, ‘Nihi nɛ hɛ mɛ kɛ su ye he ɔ, ma tsɔɔ mɛ bɔ nɛ i ngɛ klɔuklɔu ha, nɛ a maa wo ye hɛ mi nyami ngɛ ma a tsuo hɛ mi.’ ” Se Aaron de we nɔ́ ko.

Samuel II, 18:29

Matsɛ ɔ bi lɛ ke, “Niheyo Absalom ɔ ngɛ saminya lo?” Ahimaaz he nɔ ke, “Benɛ o tsɔlɔ Yoab tsɔ mi ɔ, i na kaa lejɛ ɔ pee gidigidi wawɛɛ nitsɛ; se i li nɔ́ nɛ ba.”

Matsɛmɛ II, 4:25

Yo ɔ pue nɔ kɛ ho Karmel yo ɔ nɔ he nɛ Elisha ngɛ ɔ ya. Benɛ Mawu nɔmlɔ ɔ na yo ɔ nɛ ma ngɛ tsitsaa a, e de e tsɔlɔ Gehazi ke, “Hyɛ, Shunem yo ɔ lɛ ma a nɛ!

Matsɛmɛ II, 4:27

se benɛ e ba su Mawu nɔmlɔ ɔ ngɔ ngɛ yo ɔ nɔ ɔ, e nu Mawu nɔmlɔ ɔ nane. Nɛ jinɛ Gehazi ka kaa e ma tsitsɛɛ lɛ kɛ je lejɛ ɔ, se Elisha de lɛ ke, “Moo ngmɛɛ e he; o nɛ kaa nɔ́ ko ngɛ lɛ haoe lo? Nɛ Yawɛ kɛ nɔ́ nɛ ɔ laa mi, nɛ e de we mi.”

Matsɛmɛ II, 5:22

Gehazi he nɔ ke, “Dɛbi! I hɛɛ we sane yobu ko. Ye nyɔmtsɛ ɔ lɛ tsɔ mi ke ma ba de mo ke amlɔ nɛ ɔ nɔuu nɛ gbali a kuu ɔ mi nihewi enyɔ je Efraim yo ɔ nɔ kɛ ba e ngɔ. Lɔ ɔ he ɔ, e kpa mo pɛɛ nɛ o ha mɛ sika hiɔ yi akpe etɛ, kɛ he dlami tade saminyawiiwi enyɔ.”

Mose I, 43:27

E bi mɛ ke a ngɛ saminya lo, nɛ lɔ ɔ se ɔ, e de ke, “Nyɛɛ kɛ mi nɛ sɛɛ nyɛ tsɛ nɔmoyo ɔ he ní; kɛ e ngɛ kɛɛ? Anɛ e ngɛ je mi kɛ mwɔɔ lo? E ngɛ saminya lo?”