Matsɛmɛ II, 4:16 - BAIBLO ALOO NGMAMI KLƆUKLƆU Ɔ

¹⁶ nɛ Elisha de lɛ ke, “Hwɔɔ se jeha be nɛ ɔ mi ɔ, o maa hɛɛ binyumu ngɛ o kɔni bɔkɔ mi.” Yo ɔ de lɛ ke, “Dɛbi! Ye nyɔmtsɛ, koo mlɔɔ mi; Mawu nɔmlɔ ji mo!”

Matsɛmɛ II, 4:16 ပူးပေါင်းရင်းမြစ်များ

Mose I, 18:10

Yawɛ de lɛ ke, “Hiɛmɛ nɛ ɔ jeha a, ma kpale kɛ ba o ngɔ ekohu; nɛ o yo Sara ma fɔ binyumu.” Jamɛ a be ɔ mi ɔ, Sara daa si ngɛ bo tsu ɔ sinya a nya ngɛ e huno ɔ se, ngɛ tue bue.

Luka 1:13

Se bɔfo ɔ de lɛ ke, “Zakaria, koo ye gbeye! Mawu nu o kue fami ɔ. O yo Elizabet ma fɔ binyumu ha mo, nɛ o maa wo lɛ biɛ ke Yohane.

Matsɛmɛ II, 4:28

Kɛkɛ nɛ yo ɔ de lɛ ke, “Ye nyɔmtsɛ, anɛ i bi mo ke o ha mi binyumu lo? Anɛ i de we mo ke o ko mlɔɔ mi lo?”

Mose I, 17:21

Se o binyumu Isak nɛ Sara ma fɔ ha mo hiɛmɛ nɛ ɔ jeha a, ma ma ye somi ɔ nɔ mi ha lɛ.”

La 116:11

Benɛ ye tsui po hu i de ke, “E sɛ kaa a ngɔɔ hɛ kɛ fɔɔ nɔmlɔ adesa ko kulaa nɔ.”

Matsɛmɛ II, 2:19

Ligbi ko ɔ, Yeriko ma mi bi ɔmɛ ba de Elisha ke, “Wa nyɔmtsɛ! Kaa bɔ nɛ o le ɔ, wa ma nɛ ɔ ngɛ fɛu saminya. Se mohu ɔ, wa nyu ɔ hí; e haa yihi a mi saneɔ.”

Matsɛmɛ I, 17:18

Kɛkɛ nɛ yo ɔ de Eliya ke, “Mawu nɔmlɔ, mɛni he je o pee mi nɔ́ nɛ ɔ? Pe o ba hiɛ ɔ nɛ o ba kai Mawu ye he yayami ɔmɛ, konɛ ye binyumu ɔ nɛ gbo lo?”

Matsɛmɛ I, 18:9

Obadia he nɔ ke, “Mɛni yayami i pee loko o ngɛ hlae nɛ o ngɔ mi kɛ wo Matsɛ Ahab dɛ mi nɛ e gbe mi ɔ?

Matsɛmɛ II, 4:15

Elisha de Gehazi ke, “De yo ɔ ke e ba.” Yo ɔ ba nɛ e ba da si ngɛ sinya a nya,

Matsɛmɛ II, 4:17

Se yo ɔ na mi, nɛ benɛ jeha ke e suu ɔ, e fɔ binyumu kaa bɔ nɛ Elisha de lɛ ɔ.

Matsɛmɛ I, 17:24

Yo ɔ he nɔ ke, “Kpaako loko i na kaa Mawu nɔmlɔ ji mo, nɛ Yawɛ tuɔ munyu kɛ guɔ o nɔ niinɛ!”