Matsɛmɛ II, 4:13 - BAIBLO ALOO NGMAMI KLƆUKLƆU Ɔ

¹³ Elisha de Gehazi ke, “Mo bi yo ɔ ke dengme nɛ ɔ tsuo nɛ e ngɛ gboe ngɛ wa he ɔ, mɛni e suɔ kaa ma pee ha lɛ? Anɛ e ngɛ sane ko nɛ e maa suɔ nɛ ma kɛ ya fɔ matsɛ, loo asafoatsɛ hɛ mi ha lɛ lo?” Yo ɔ he nɔ ke, “Nɔ́ ko nɔ́ ko he hia we mi; imi nitsɛ ye ma mi bi a kpɛti nɛ i ngɛ.”

Matsɛmɛ II, 4:13 ပူးပေါင်းရင်းမြစ်များ

Hebribi 6:10

Mawu yi tue gbogboe sane. Ní nɛ nyɛ tsu, kɛ suɔmi nɛ nyɛ je kpo ha lɛ ɔ, e hɛ be nɔ jee gblegbleegble. Nyɛ pee enɛ ɔ kɛ sɔmɔ ní klɔuklɔu ɔmɛ, nɛ nyɛ ngɛ pee kɛ mwɔɔ.

Hebribi 13:5

Nyɛ ko di sika se; nɔ́ tsuaa nɔ́ nɛ nyɛ ngɛ ɔ, nyɛ bua nɛ jɔ he. Ejakaa Mawu de ke, “I be mo sie, nɛ i be mo kuae gblegbleegble.”

Romabi 16:6

I biɔ Maria; lɛ hu e gbo nyɛ he dengme wawɛɛ nitsɛ.

Romabi 16:2

Nyɛ he lɛ hɛmuɔ ngɛ Nyɔmtsɛ ɔ biɛ mi bɔ nɛ sa ni klɔuklɔu ɔmɛ. Nɔ́ tsuaa nɔ́ nɛ he maa hia lɛ ɔ, nyɛ ha lɛ, ejakaa e pee kpakpa ha nihi babauu, kɛ imi nitsɛ hulɔ.

La 37:3

Ngɔɔ o hɛ ngɔ fɔ Yawɛ nɔ nɛ o pee kpakpa, konɛ o hi zugba a nɔ ngɛ he jɔmi mi.

Samuel II, 19:13

David sɛ mɛ ke a ya de Amasa hu ke, “Ye nyɛmi tutuutu ji mo. Kɛ je mwɔnɛ ɔ kɛ yaa a, i pee mo ye tabo ɔ nyatsɛ ngɛ Yoab nane mi. Mawu nɛ fia mi nɔ nɛ e gbe ke i pee we nɔ́ nɛ ɔ!”

Matsɛmɛ II, 9:5

Benɛ e su lejɛ ɔ, asafoatsɛmɛ ɔmɛ ngɛ kpe; nɛ e de ke, “Asafoatsɛ, i hɛɛ sɛ kɛ ha mo.” Yehu bi lɛ ke, “Wa ti mɛnɔ?” Nɛ e he nɔ ke, “Mo asafoatsɛ!”

Matsɛmɛ II, 8:1

Elisha de Shunem yo ɔ nɛ e binyumu ɔ gbo, nɛ lɛ, Elisha a tle lɛ si ɔ ke, “Moo mia nɛ o kɛ o we mi bi ɔmɛ nyɛɛ ho nɛ nyɛ ya to nubwɔ ngɛ he tsuaa he nɛ nyɛ ma na; ejakaa Yawɛ ma ha nɛ hwɔ maa ba zugba a nɔ jeha kpaago.”

Matsɛmɛ I, 2:32

Yawɛ maa wo Yoab hiɔ ngɛ nihi nɛ e gbe nɛ tsaatsɛ David li he nɔ́ ko ɔ a he. Yoab gbe nyumuhi enyɔ nɛ a da pe lɛ yaka gu. Mɛ ji Israel tatsɛ Abner, Ner binyumu ɔ, kɛ Yuda tatsɛ Amasa, Yeter binyumu ɔ.

Mose I, 14:24

Imi nitsɛ i be nɔ́ ko nɔ́ ko ngɔe; nɔ́ nɛ nihewi ɔmɛ ye ɔ kɛkɛ hiɛ. Se nyumu ɔmɛ nɛ kɛ mi ya a, mɛɛ lɛɛ ha mɛ a blɔ fa mi ní. Mɛ ji Aner, Eshkol, kɛ Mamre.”

Matsɛmɛ II, 4:12

E tsɔ e tsɔlɔ Gehazi ke e ya tsɛ Shunem yo ɔ kɛ ba. Nɛ yo ɔ ba da si ngɛ Elisha hɛ mi.

Matsɛmɛ II, 4:14

Elisha bi Gehazi ke, “Lɛɛ mɛni ma pee ha lɛ mɔ?” E he nɔ ke, “Anɔkuale mi ɔ, e be binyumu; nɛ e huno ɔ hu bwɔ.”