Matsɛmɛ II, 4:1 - BAIBLO ALOO NGMAMI KLƆUKLƆU Ɔ

¹ Gbali ɔmɛ a kuu ɔ mi no ko e yo ya fa kue ha Elisha, nɛ e de lɛ ke, “O tsɔlɔ, nɛ ji imi lɛɛ ye huno ɔ, e gbo. Nɛ kaa bɔ nɛ o le ɔ, o tsɔlɔ ɔ yeɔ Yawɛ gbeye. Se nyumu ko nɛ e ya pa sika ngɛ e dɛ ɔ ba nu ye binyumuwi enyɔ ɔmɛ kɛ pee e nyɔguɛhi.”

Matsɛmɛ II, 4:1 ပူးပေါင်းရင်းမြစ်များ

Mateo 18:25

Se akɛnɛ e nyɛ we nɛ e wo hiɔ ɔ, e nyɔmtsɛ ɔ fa ke a jua lɛ, kɛ e yo, kɛ e bimɛ, kɛ níhi tsuo nɛ e ngɛ ɔ nɛ a kɛ wo hiɔ ɔ.

Matsɛmɛ II, 2:3

Kɛkɛ nɛ gbali a kuu ɔ nɛ ngɛ Betel ɔ ba Elisha ngɔ, nɛ a ba bi lɛ ke, “Anɛ o le kaa mwɔnɛ ligbi nɛ ɔ, Yawɛ maa ngɔ o nyɔmtsɛ ɔ kɛ je o he lo?” Elisha he nɔ ke, “Ee, i le; nyɛ ma nyɛ nya!”

Kpojemi 19:5

Enɛ ɔ se ɔ, gbi ko pɛ kɛ je matsɛ sɛ ɔ he, nɛ e de ke, “Nyɛ je wa Mawu ɔ yi, nyɛ e tsɔli tsuo! Nyɛ nihi nɛ nyɛ yeɔ lɛ gbeye, nimli wawi, kɛ nimli nguahi tsuo, nyɛ je e yi!”

Mateo 18:30

Se lɛɛ e kplɛɛ we; mohu ɔ, e ya wo lɛ tsu kɛ yaa si e maa wo lɛ hiɔ ɔ.

Malaki 4:2

Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi.

Malaki 3:16

Kɛkɛ nɛ nihi nɛ yeɔ Yawɛ gbeye ɔ kɛ a sibi tu munyu, nɛ Yawɛ bu tue nɛ e nu nɔ́ nɛ a ngɛ dee ɔ. Ngɛ e hɛ mi ɔ, a ngma nihi tsuo nɛ a yeɔ Yawɛ gbeye, nɛ a buɔ lɛ ɔ a biɛ.

La 147:11

Se nihi nɛ yeɔ lɛ gbeye, nɛ ngɔɔ a hɛ kɛ fɔɔ e nɔ kaa e maa na mɛ mɔbɔ daa a, mɛɛ e naa a he bua jɔmi.

La 103:17

Se Yawɛ suɔmi nɛ be nyagbe ɔ ngɛ kɛ ha nihi nɛ yeɔ lɛ gbeye. A weku kɛ nina hu Yawɛ maa pee mɛ kpakpa daa,

La 103:11

Se mohu ɔ, nihi nɛ yeɔ lɛ gbeye ɔ, e naa mɛ mɔbɔ babauu nɛ hi kalemi kaa bɔ nɛ hiɔwe kɛ zugba a kpɛti blɔ ɔ hí kalemi ɔ.

Samuel I, 22:2

Ni kpa komɛ hu ba piɛ David he. Mɛ ji nihi nɛ a ngɛ mɛ yi mi wae, nihi nɛ hɛɛ hiɔ, kɛ ni nɛmɛ nɛ a pee mɛ nidɔ níhi, nɛ David pee a nyatsɛ. Nihi nɛ nyɛɛ e se ɔ a yibɔ maa pee lafa eywiɛ.

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Ni Tsumi 13:26

“Ye nyɛmimɛ Abraham nina Israel bi, kɛ nyɛ ma je li nɛ nyɛ jaa Mawu, nɛ nyɛ ba bua nyɛ he nya ngɛ hiɛ ɔ, wɔ a kɛ kikɛmɛ a yi wami hemi munyu nɛ ɔ ba ha.

Mateo 18:35

Yesu de kɛ gbe nya ke, “Ke nyɛ ngɔɛ nyɛ nyɛmimɛ a tɔmi ngɔ pɛ mɛ kɛ je nyɛ tsui mi ɔ, bɔ nɛ Tsaatsɛ nɛ ngɛ hiɔwe ɔ maa pee nyɛ ti nɔ tsuaa nɔ ji nɛ ɔ nɛ.”

Yeremia 34:14

daa jeha kpaago ɔ, a ti nɔ tsuaa nɔ nyɛmi Hebri no nyɔguɛ ko nɛ sɔmɔ lɛ jeha ekpa a, e ha nɛ e ye e he. Se nyɛ nɛmɛ ɔmɛ bui mi tue fɛɛ, nɛ munyu nɛ i kɛ mɛ tu ɔ hu a ngɔɛ.

Fiɛlɔ 12:13

Nyagbe ɔ, nɔ́ nɛ ma de kɛkɛ ji kaa moo ye Mawu gbeye, nɛ o ye e mlaa amɛ a nɔ. Ní tsumi nɛ ngɛ kɛ ha nimli adesahi tsuo ji nɛ ɔ nɛ.

Fiɛlɔ 8:12

Yayami peelɔ peeɔ yayami si lafa, nɛ e gbo we. Se kɛ̃ ɔ, i le kaa nihi nɛ yeɔ Mawu gbeye anɔkuale mi ɔ, e hii ha mɛ.

Nehemia 10:31

Ke nibwɔhi ba jua niye ní, loo nɔ́ kpa ko ha wɔ ngɛ Hejɔɔmi ligbi ɔ nɔ, loo nyami be kpa ko mi ɔ, wa be hee. Daa jeha kpaago ɔ, wa be ngmɔ hue. Jehanɛ hu, hiɔhi nɛ nihi hɛɛ wɔ ɔ tsuo wa be jee hu; wa maa ngɔ kɛ ke mɛ.

Nehemia 7:2

I ngɔ nihi enyɔ ngɔ to Yerusalem kaa ma a nɔ hyɛli. Mɛ ji ye nyɛmi Hanani, kɛ Hanania, mɔ nɔ hyɛlɔ nɔkɔtɔma a. Hanania yeɔ anɔkuale, nɛ e yee Mawu gbeye pe nihi tsuo.

Matsɛmɛ II, 4:38

Benɛ Elisha kpale e se kɛ ba Gilgal ɔ, jamɛ a be ɔ mi ɔ, hwɔ ba zugba a nɔ. Ligbi ko, benɛ gbali a kuu ɔ hii si ngɛ e hɛ mi nɛ e ngɛ mɛ ní tsɔɔe ɔ, e de e tsɔlɔ ɔ ke, “Ngɔɔ pɔ buɛ agbo ɔ kɛ ma la nɔ, nɛ o pee ní ha gbali a kuu ɔ nɛ a ye.”

Matsɛmɛ II, 2:5

Kɛkɛ nɛ gbali a kuu ɔ nɛ ngɛ Yeriko ɔ ba Elisha ngɔ, nɛ a ba bi lɛ ke, “Anɛ o le kaa mwɔnɛ ligbi nɛ ɔ, Yawɛ maa ngɔ o nyɔmtsɛ ɔ kɛ je o he lo?” Elisha he nɔ ke, “Ee, i le; nyɛ ma nyɛ nya!”

Matsɛmɛ I, 20:35

Ngɛ Yawɛ fami nya a, gbali a kuu ɔ mi no ko de e nyɛmi gbalɔ ko ke e fia lɛ nɔ. Se e nyɛmi ɔ kua.

Matsɛmɛ I, 18:3

lɔ ɔ he ɔ, Ahab tsɛ Obadia, matsɛ we ɔ nɔ hyɛlɔ ɔ. (Obadia yeɔ Yawɛ gbeye wawɛɛ nitsɛ.

Mose III, 25:48

Ke e jua e he se ɔ, he blɔ ngɛ kaa e kpɔ e he ekohu. E nyɛminyumu ko,

Mose I, 22:12

Yawɛ bɔfo ɔ de lɛ ke, “O nine nɛ ko sa niheyo ɔ he; koo pee lɛ nɔ́ ko nɔ́ ko. Jehanɛ lɛɛ i na kaa o yeɔ Mawu gbeye, ejakaa o bi kake too ɔ he nɔ́ dɔɛ mo kaa o kɛ lɛ ma ha Mawu.”

La 115:13

E maa gbaa nihi tsuo nɛ yeɔ lɛ Yawɛ ɔ gbeye, ni wawihi kɛ ni nguahi tsuo.

Matsɛmɛ II, 6:9

Se Mawu nɔmlɔ ɔ tsɔ ya naa Israel matsɛ ɔ nane nɔ ke e ko ya lejɛ ɔ; ejakaa Siria bi ɔmɛ ma ya wo ka ngɛ lejɛ ɔ.

Yesaya 50:1

Yawɛ ke, “Anɛ nyɛ susuɔ kaa i ha ye ma a je ye he kɛ ho kaa bɔ nɛ nyumu kɛ e yo poɔ gba mi, nɛ e haa yo ɔ gba mi pomi womi ɔ lo? Ke ja nyɛ susu ɔ, jije gba mi pomi womi ɔ ngɛ mɔ? Anɛ nyɛ susuɔ kaa i jua nyɛ kɛ ho ma se ya kaa bɔ nɛ a juaa bimɛ kaa nyɔguɛhi lo? Dɛbi, nyɛ yayami ɔmɛ a he nɛ a jua nyɛ ɔ nɛ; nyɛ mlaa tɔmi ɔmɛ a he a fie nyɛ kɛ ho ɔ nɛ.

Rut Womi 1:3

Elimelek ba gbo, nɛ e piɛ e yo Naomi kɛ e binyumu enyɔ ɔmɛ.

Matsɛmɛ II, 2:7

nɛ gbali a kuu ɔ mi nihi nyingmi enuɔ nyɛɛ a se. Eliya kɛ Elisha ya da si ngɛ Yordan pa a nya, nɛ gbali nyingmi enuɔ ɔmɛ hu ho ya da si ngɛ a se, nɛ blɔ bɔɔ ngɛ a kpɛti.

Matsɛmɛ II, 2:15

Benɛ gbali a kuu ɔ nɛ ngɛ Yeriko ɔ na lɛ ɔ, a de ke, “Eliya mumi ɔ ba Elisha nɔ.” A ya nɛ a ya kpee lɛ, nɛ a kpla si ngɛ e hɛ mi;

Abɛ Womi 22:7

Niatsɛ nyɔguɛ ji ohiatsɛ. Ke o pa sika ngɛ nɔ ko dɛ kɛkɛ o plɛ pee e nyɔguɛ.