Matsɛmɛ II, 3:3 - BAIBLO ALOO NGMAMI KLƆUKLƆU Ɔ

³ Se kaa bɔ nɛ Matsɛ Yeroboam, Nebat binyumu ɔ pee ɔ, Yehoram hu nyɛɛ Israel hɛ mi kɛ pee yayami nɛ e kpa we.

Matsɛmɛ II, 3:3 ပူးပေါင်းရင်းမြစ်များ

Matsɛmɛ I, 13:33

Ní nɛ ɔmɛ kulaa a se ɔ, Matsɛ Yeroboam kpale we kɛ ji e blɔ yayami ɔmɛ a nɔ; se mohu e hlaa nihi kɛ jeɔ ma a mi he tsuaa he, nɛ e woɔ mɛ osɔfohi kɛ haa ní tsumi ngɛ jami he ɔmɛ. Nɔ tsuaa nɔ nɛ suɔ kaa e maa ye osɔfo ɔ, kɛkɛ Yeroboam wo lɛ osɔfo.

Matsɛmɛ I, 14:16

Yawɛ ma je e nine ngɛ Israel he, ejakaa Yeroboam pee yayami, nɛ e ha nɛ Israel hu ya pee yayami.”

Matsɛmɛ I, 14:9

O pee yayami kulaa pe ni nɛmɛ nɛ ye tsɛ kɛ sɛ o hlami ɔ. O kua mi; O ya pee mawu kpa komɛ, nɛ o puɛ amagahi, nɛ o kɛ nɔ́ nɛ ɔ wo ye mi mi la.

Matsɛmɛ I, 15:26

E ya wo e tsɛ nane, nɛ e pee yayami kɛ si Yawɛ, nɛ e ha Israel hu pee yayami.

Matsɛmɛ I, 15:34

E ya wo e nɛ Yeroboam nane, nɛ e pee yayami kɛ si Yawɛ, nɛ e ha Israel hu pee yayami.

Matsɛmɛ I, 16:31

E pi ha Ahab kaa e maa pee yayami kaa bɔ nɛ Yeroboam pee ɔ kɛkɛ, se e ya nɔ pee yayami kɛ be nɔ. E ya ngɔ Sidon matsɛ, Etbaal biyo Yezebel, nɛ e ya ja Baal.

Matsɛmɛ II, 13:11

Lɛ hu e pee yayami kɛ si Yawɛ. Yayamihi tsuo nɛ Nebat binyumu Yeroboam ha nɛ Israel pee ɔ, Yehoash ngmɛɛ we he; se mohu e tsa nɔ.

Matsɛmɛ II, 13:2

Yehoahaz pee yayami kɛ si Yawɛ. Yayamihi nɛ Nebat binyumu Yeroboam ha nɛ Israel pee ɔ, e ngmɛɛ we he; se e tsa nɔ mohu.

Matsɛmɛ II, 13:6

Se yayamihi nɛ Matsɛ Yeroboam ha nɛ Israel pee ɔ, a ngmɛɛ we he; a tsa nɔ mohu. Jehanɛ, yo mawu Ashera amaga a hu maa si ngɛ Samaria kɛ mwɔɔ.

Matsɛmɛ II, 14:24

E pee yayami kɛ si Yawɛ. Yayamihi tsuo nɛ Yeroboam, Nebat binyumu ɔ ha nɛ Israel pee ɔ, e ngmɛɛ we he.

Matsɛmɛ II, 15:18

E pee yayami kɛ si Yawɛ. E wami be ɔ tsuo ɔ, yayamihi nɛ Nebat binyumu Yeroboam ha nɛ Israel pee ɔ, e ngmɛɛ we a he.

Matsɛmɛ II, 15:9

E pee yayami kɛ si Yawɛ kaa bɔ nɛ matsɛmɛ ɔmɛ nɛ nyɛɛ e hɛ mi ɔ pee ɔ pɛpɛɛpɛ. Yayamihi nɛ Nebat binyumu Yeroboam ha nɛ Israel pee ɔ, e ngmɛɛ we he.

Matsɛmɛ II, 17:21

Benɛ Yawɛ tsɔ́ Israel kɛ je David we ɔ he ɔ, Israel bi ɔmɛ wo Nebat binyumu Yeroboam matsɛ. Yeroboam ha nɛ Israel kpa Yawɛ se nyɛɛmi, nɛ e ngɔ mɛ ya wo yayami agbo mi.

Matsɛmɛ II, 17:22

Israel bi ɔmɛ ya nyɛɛ Yeroboam se, nɛ a pee yayami tsuo nɛ e pee ɔ hluu

Matsɛmɛ II, 17:23

kɛ ya si Yawɛ je e hɛ ngɛ a he kaa bɔ nɛ e de to kɛ gu e tsɔli gbali ɔmɛ a nɔ ɔ. Lɔ ɔ he ɔ, a ngɔ Israel bi ɔmɛ nyɔguɛ kɛ je mɛ nitsɛmɛ a zugba a nɔ kɛ ho Asiria ya; nɛ a ngɛ lejɛ ɔ kɛ ba si mwɔnɛ ɔ.

Matsɛmɛ II, 21:16

Ngɛ yayamihi nɛ Manase ha nɛ Yuda pee kɛ si Yawɛ ɔ se ɔ, e pue nihi babauu nitsɛ nɛ pee we nɔ́ ko a muɔ si; nɛ Yerusalem he tsuaa he hyi kɛ muɔ.

Matsɛmɛ II, 23:15

Jehanɛ, bɔ sami la tɛ ɔ nɛ ngɛ Betel ɔ, kɛ jami he ɔ nɛ Nebat binyumu Yeroboam nɛ ha Israel pee yayami ɔ ma a, Yosia ku jamɛ a bɔ sami la tɛ ɔ; e mɛ jami he ɔ he la, nɛ e ywia tɛ ɔmɛ dukuduku. Amaga a nɛ a puɛ kɛ ha Ashera a hu e mɛ he la.