Matsɛmɛ II, 3:19 - BAIBLO ALOO NGMAMI KLƆUKLƆU Ɔ

¹⁹ Nyɛ maa ngɔ a ma kpakpa amɛ, kɛ mahi nɛ a fia gbogbo kɛ wo a he ɔ tsuo. Nyɛ maa poo tso kpakpa tsuaa tso kpakpa; nyɛ maa tsi nyu vu ɔmɛ tsuo, nɛ nyɛ maa ngɔ tɛ kɛ ha a zugba kpakpa amɛ tsuo a hɛ mi.”

Matsɛmɛ II, 3:19 ပူးပေါင်းရင်းမြစ်များ

Matsɛmɛ II, 13:17

nɛ e de lɛ ke, “Bli saflɛ ɔ nɛ hyɛɛ beleku je ɔ!” Nɛ e pee ja. Jehanɛ Elisha de lɛ ke, “Tsɛ̃ kɛ̃ɛ̃ ɔ!” Benɛ matsɛ ɔ tsɛ̃ kɛ̃ɛ̃ ɔ pɛ kɛkɛ nɛ Elisha de ke, “Yawɛ kɛ̃ɛ̃ mi bi nɛ e kɛ maa ye Siria nɔ kunimi ji nɛ ɔ nɛ! O kɛ Siria bi ɔmɛ maa hwu ta ngɛ Afek hluu kɛ yaa si o ma kpata a hɛ mi butuu!”

Matsɛmɛ II, 3:25

nɛ a kpata a ma amɛ a hɛ mi. Zugba kpakpa amɛ lɛɛ nɔ tsuaa nɔ fɔ tɛ kɛ pue a nɔ, kɛ ya si tɛ ɔmɛ ha zugba amɛ a nɔ A tsi nyu vu ɔmɛ tsuo, nɛ a poo tso kpakpa amɛ hulɔ. Kir Heres nɛ ji ma ngua a pɛ nɛ a si; se amlami tɛ fiali ɔmɛ ya sa jamɛ a ma a po yi nɛ a tua lɛ.

Samuel I, 23:2

Lɔ ɔ he ɔ, David bi Yawɛ ke, “Ma ya nɛ ma ya tua Filisti bi ɔmɛ lo?” Yawɛ he nɔ ke, “Ee, yaa nɛ o ya tua mɛ nɛ o kɛ he Keila yi wami.”

Samuel I, 15:3

Yaa nɛ o ya tua Amalek bi ɔmɛ, nɛ o kpata a nɔ́ tsuaa nɔ́ hɛ mi. Ko si nɔ́ ko nɔ́ ko; se mohu o gbe nyumuhi kɛ yihi, jokuɛwi kɛ bimwɔwi, nahi kɛ tohi, kɛ afukpɔngɔhi kɛ tejihi tsuo pɛpɛɛpɛ.”

Manyadali 6:16

Se Yawɛ de lɛ ke, “Ma piɛ o he; o maa fia Midian bi ɔmɛ nɔ nɛ o maa gbe mɛ kaa a gbeɔ nɔ kake.”

Mose IV, 24:17

I na lɛ, se e he kɛ; I ngɛ lɛ hyɛe, se e sui hiɛ ɔ lolo. Dodoe ko maa je Yakob mi kɛ ba; Matsɛ tso ko maa je Israel; E maa fia Moab ma nimeli ɔmɛ ní, nɛ e ma kpata Set bi ɔmɛ a hɛ mi.

Mose I, 21:19

Kɛkɛ nɛ Mawu bli Hagar hɛngmɛ nɛ e na vu ko. E ho nɛ e ya yɛ nyu kɛ wo lohwe he womi tɔ ɔ mi nɛ e hyi, nɛ e ha e bi ɔ nyu ɔ eko nɛ e nu.