Matsɛmɛ II, 3:17 - BAIBLO ALOO NGMAMI KLƆUKLƆU Ɔ

¹⁷ Kɔɔhiɔ be fiae, nɛ hiɔmi hu be nɛe; se kɛ̃ ɔ, nyu dɔ nɛ ɔ ma hyi tɔ kɛ nyu. Nɛ nyɛɛ kɛ nyɛ we mi lohwehi, kɛ lohwehi nɛ tlooɔ tlomi ma na nyu maa nu.’ ”

Matsɛmɛ II, 3:17 ပူးပေါင်းရင်းမြစ်များ

La 107:35

Yawɛ ha nga kplanaa plɛ pee taku kɛ e mi nyu babaaba; nɛ zugba gbigbli plɛ pee he nɛ nyu hɛngmɛhi hia si ngɛ.

Yesaya 48:21

Benɛ Yawɛ kɛ e ma a nyɛɛ nga kplanaa a nɔ ɔ, kuma yi mɛ; ejakaa e ha nyu je tɛ sa mi ha mɛ; tɛ sa a mi gba, kɛkɛ nɛ nyu je mi kaa pa.

La 84:6

Ke a ya gu ya fomi kɔ̃ ɔ mi kɛ be kɛkɛ lejɛ ɔ plɛ pee pa nɛ gbiɛ nyu hyi lɛ tɔ.

Mose II, 17:6

O nɛ, ma da o hɛ mi ngɛ tɛ sa a nɔ ngɛ Sinai yo ɔ nɔ. Ngɔɔ tso ɔ kɛ fia tɛ sa a, nɛ nyu maa je mi kɛ ba ha ma a nɛ a nu.” Nɛ Mose pee ja ngɛ Israel ma nimeli ɔmɛ a hɛ mi.

Matsɛmɛ II, 3:16

nɛ e de ke, “Bɔ nɛ Yawɛ de ji nɛ ɔ nɛ: ‘Ma ha nyu ma hyi nyu dɔ nɛ gbli nɛ ɔ.