Matsɛmɛ II, 3:13 - BAIBLO ALOO NGMAMI KLƆUKLƆU Ɔ

¹³ Elisha de Israel matsɛ ɔ ke, “Mɛni sane i kɛ mo ngɛ? Yaa o tsɛ kɛ o nyɛ a gbali ɔmɛ a ngɔ.” Israel matsɛ ɔ de lɛ ke, “Dɛbi, Yawɛ ji nɔ nɛ ngɔ wɔ matsɛmɛ etɛ nɛ ɔmɛ kɛ wo Moab matsɛ ɔ dɛ mi ɔ nɛ.”

Matsɛmɛ II, 3:13 ပူးပေါင်းရင်းမြစ်များ

Matsɛmɛ I, 22:6

Kɛkɛ nɛ Ahab ya kpee gbali ɔmɛ kɛ ba, maa pee nimli lafa eywiɛ, nɛ e bi mɛ ke, “Ma ya nɛ ma ya tua Ramot Gilead, loo ma ko ya?” A he nɔ ke, “Yaa, Yawɛ maa ngɔ ma a kɛ wo o dɛ mi.”

Matsɛmɛ I, 18:19

Lɔ ɔ he ɔ, moo tsɔ nɛ a ya bua Israel ma a tsuo nya nɛ a kɛ mi ba kpe ngɛ Karmel yo ɔ nɔ. Ngɔɔ Baal gbali lafa eywiɛ kɛ nyingmi enuɔ ɔmɛ, kɛ yo mawu Ashera gbali lafa eywiɛ ɔmɛ nɛ a nyɛɛɔ Manyɛ Yezebel se ɔ hu kɛ ba.”

Matsɛmɛ II, 3:10

Kɛkɛ nɛ Israel matsɛ ɔ de ke, “Akuanyɛ! Yawɛ ngɔ wɔ matsɛmɛ etɛ nɛ ɔmɛ kɛ wo Moab dɛ mi!”

2 Korintobi 6:15

Kɛ Kristo kɛ Abosiami maa ye kɛɛ? Nɔ nɛ heɔ yeɔ, mɛni mi e kɛ nɔ nɛ he we yi ɔ ngɛ?

2 Korintobi 5:16

Kɛ je be nɛ ɔ mi kɛ yaa a, wa kojo we nɔ kaa bɔ nɛ adesa to blɔ nya a hu. E ngɛ mi kaa be ko nɛ be ɔ, jã lɛ wa kojo Kristo; se piɔ lɛɛ wa pee we jã hu.

Yohane 2:4

Se Yesu he nɔ ke, “Maa, mɛni he je o ngɛ ye nya dooe? Be nɛ ma tsu ní ɔ sui lolo.”

Mateo 8:29

Si kake too ɔ, mumi yayami ɔmɛ kpa ngmlaa ke, “Mo Mawu Bi, mɛni sane waa kɛ mo ngɛ? Anɛ o ba hiɛ ɔ nɛ o ba gbla wa tue loko be ɔ nɛ su lo?”

Hosea 6:1

Ma a ma de ke, “Nyɛ ha nɛ waa kpale kɛ ba Yawɛ ngɔ! E tsɔtslɔɔ wa mi, se e ma tsa wɔ kɛ̃. E plaa wɔ, se lɛ nɔuu lɛ e maa fi pa amɛ a nɔ ha wɔ!

Abɛ Womi 1:28

jamɛ a be ɔ mi ɔ, nyɛ ma tsɛ mi, se i be nɔ hee. Nyɛ ma hla ye se blɔ kɛ hɛdɔ, nɛ nyɛ be mi nae.

Rut Womi 1:15

Lɔ ɔ he ɔ, Naomi de lɛ ke, “O nɛ, o hunongua yo ɔ kpale e se kɛ ho e weku li kɛ e mawu ɔmɛ a ngɔ ya. Mo hu, kpale o se nɛ o kɛ lɛ nɛ ho!”

Manyadali 10:14

Nyɛɛ ya nɛ nyɛ ya kpa ngmlaa kɛ tsɛ mawu ɔmɛ nɛ nyɛ hla kɛ ha nyɛ he ɔ; nyɛ ha nɛ a he nyɛ yi wami ngɛ nyɛ we amanehlu be nɛ ɔ mi!”

Matsɛmɛ I, 17:18

Kɛkɛ nɛ yo ɔ de Eliya ke, “Mawu nɔmlɔ, mɛni he je o pee mi nɔ́ nɛ ɔ? Pe o ba hiɛ ɔ nɛ o ba kai Mawu ye he yayami ɔmɛ, konɛ ye binyumu ɔ nɛ gbo lo?”

Matsɛmɛ II, 3:12

Yehoshafat de ke, “Gbalɔ kpakpa ji lɛ.” Kɛkɛ nɛ matsɛmɛ etɛ ɔmɛ pue nɔ kɛ ho Elisha ngɔ ya.

Yeremia 37:19

O gbali ɔmɛ nɛ de mo ke Babilonia matsɛ ɔ be bae nɛ e ba tua mo, loo zugba nɛ ɔ, jije a ngɛ?