Matsɛmɛ II, 3:12 - BAIBLO ALOO NGMAMI KLƆUKLƆU Ɔ

¹² Yehoshafat de ke, “Gbalɔ kpakpa ji lɛ.” Kɛkɛ nɛ matsɛmɛ etɛ ɔmɛ pue nɔ kɛ ho Elisha ngɔ ya.

Matsɛmɛ II, 3:12 ပူးပေါင်းရင်းမြစ်များ

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’

Yesaya 49:23

Matsɛmɛ ma plɛ pee tsɛmɛ kɛ ha mo, nɛ manyɛmɛ ma plɛ pee nyɛmɛ kɛ ha mo. A ma kpla si ha mo, nɛ a maa wo o hɛ mi nyami. A maa ba a he si ha mo, nɛ a maa bu mo. Kɛkɛ ɔ, o maa le kaa imi ji Yawɛ niinɛ. Nihi nɛ ngɔɔ a hɛ ngɔ fɔɔ ye nɔ ɔ, zo be mɛ gbee.”

Matsɛmɛ II, 5:15

Lɔ ɔ se ɔ, e kɛ e we bi ɔmɛ tsuo kpale kɛ ho Mawu nɔmlɔ ɔ ngɔ ya, nɛ e ya de lɛ ke, “Kpaako loko i na kaa Mawu ko Mawu ko be je ɔ mi he ko he ko kaa ja Israel Mawu ɔ ngɛ hiɛmɛ nɛ ɔ. Lɔ ɔ he ɔ, ye nyɔmtsɛ, i kpa mo pɛɛ, nike ní bɔɔ ko nɛ i hɛɛ kɛ ba ha mo ji nɛ ɔ nɛ.”

Matsɛmɛ II, 2:21

nɛ e je kpo kɛ ho he nɛ nyu ɔ jeɔ kɛ baa a ya, nɛ e ya plɛ ngo ɔ ngɔ pue pa a mi. E de ke, “Bɔ nɛ Yawɛ de ji nɛ ɔ nɛ: ‘I tsukɔ nyu nɛ ɔ he; kɛ je mwɔnɛ ɔ kɛ yaa a, gbenɔ, aloo mi sanemi ko be mi jee kɛ ba hu.’ ”

Matsɛmɛ II, 3:11

Yehoshafat bi ke, “Anɛ Yawɛ gbalɔ ko be hiɛmɛ nɛ ɔ nɛ wa ma bi Yawɛ ga womi ngɛ e ngɔ lo?” Israel matsɛ tsɔli ɔmɛ a ti nɔ kake he nɔ ke, “Shafat binyumu Elisha, Eliya tsɔlɔ ɔ ngɛ hiɛ ɔ.”

Matsɛmɛ II, 3:13

Elisha de Israel matsɛ ɔ ke, “Mɛni sane i kɛ mo ngɛ? Yaa o tsɛ kɛ o nyɛ a gbali ɔmɛ a ngɔ.” Israel matsɛ ɔ de lɛ ke, “Dɛbi, Yawɛ ji nɔ nɛ ngɔ wɔ matsɛmɛ etɛ nɛ ɔmɛ kɛ wo Moab matsɛ ɔ dɛ mi ɔ nɛ.”

Yeremia 37:17

Be ko se ɔ, Matsɛ Zedekia tsɔ nɛ a ba ngɔ mi kɛ ba e ngɔ. Nɛ e bi mi ngɛ laami mi zaa ngɛ matsɛ we ɔ mi ke, “Anɛ sɛ gbi ko je Yawɛ ngɔ lo?” I he nɔ ke, “Ee, sɛ gbi ko ba!” I ya nɔ nɛ i de lɛ ke, “A maa ngɔ mo kɛ wo Babilonia matsɛ ɔ dɛ mi.”