Matsɛmɛ II, 24:7 - BAIBLO ALOO NGMAMI KLƆUKLƆU Ɔ

⁷ Jehanɛ Egipt matsɛ ɔ pa nyɛ we nɛ e hia ta kɛ je Egipt hu, ejakaa Babilonia matsɛ ɔ kpɔ zugba amɛ tsuo ngɛ e dɛ, kɛ je Egipt Taku ɔ nya hluu kɛ ya si Yufrate pa a nya.

Matsɛmɛ II, 24:7 ပူးပေါင်းရင်းမြစ်များ

Yeremia 46:2

e je sisi kɛ je Egipt nɔ. Egipt matsɛ, Neko tabo ɔ nɛ Babilonia matsɛ, Nebukadnezar ye a nɔ ngɛ Karkemish, ngɛ Yufrate pa a nya a, bɔ nɛ Yawɛ de ngɛ a he ji nɛ ɔ nɛ. Sane nɛ ɔ ba ngɛ Yuda matsɛ, Yehoyakim yi nɔ jeha eywiɛne ɔ mi.

Mose I, 15:18

Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya.

Mose IV, 34:5

Jehanɛ, huzu ɔ maa dɔ e yi kɛ je Azmon kɛ ba Egipt pa a he, nɛ e nya maa sɛ Mediterenia wo ɔ mi.

Yesaya 27:12

Israel bi, nyɛ na nɛ nyɛɛ le kaa jamɛ a ligbi ɔ, kɛ je Yufrate pa a nya kɛ yaa si Egipt huzu ɔ nya a, Yawɛ ma bua e ma a nya kɛ je je ma amɛ a mi kakaaka kaa nɔ ko nɛ ngɛ ngma mi sae, nɛ e ngɛ ngma nitsɛ ɔ hlae kɛ je tsakati ɔ mi.

Matsɛmɛ I, 4:21

Nɛ Salomo ye tsɛ ngɛ ma amɛ tsuo a nɔ, kɛ je Yufrate pa a nya kɛ ya si Filisti bi ɔmɛ a zugba a, kɛ ya pue Egipt bi ɔmɛ a huzu ɔ nya tɔɔ. Je ma nɛ ɔmɛ wo tó ha lɛ, nɛ a sɔmɔ lɛ e wami be ɔ tsuo.

Yoshua 15:4

E tsa nɔ kɛ ho Azmon ya, kɛ ya gu Egipt pa a nya, hluu kɛ ya pi Mediterenia wo ɔ, nɛ e nya ya ta ngɛ lejɛ ɔ. Yuda huzu ɔ nɛ ngɛ beleku je ɔ ji lɔ ɔ nɛ.

Ezekiel 30:22

Lɔ ɔ he ɔ, bɔ nɛ imi Nyɔmtsɛ Yawɛ, i ngɛ dee ji, i kɛ Egipt matsɛ ɔ ná. Ma kplɔ e kɔni enyɔ ɔmɛ tsuo. Ma ku kake ɔ kɛ piɛ nɔ́ nɛ ku momo ɔ he; kɛkɛ ɔ, e klaate ɔ maa je e dɛ kɛ nɔ si.

Yeremia 46:6

Nihi nɛ a he sɔɔ wawɛɛ po, a he be mi jee; ta buli kpanakpanaa amɛ hu, ja nɔuu. A ma tɛ nɔ́, nɛ a maa nɔɔ si ngɛ omleyi je, ngɛ Yufrate pa a nya.

Ezekiel 30:21

E de mi ke, “Nɔmlɔ adesa, i ku Egipt matsɛ ɔ kɔni. Nɔ ko nɔ ko to we nɔ tsopa; a fi we hulɔ, konɛ e kɔni ɔ nɛ tsa, nɛ́ e na he wami nɛ e kɛ pɛtɛ klaate he ekohu.