Matsɛmɛ II, 24:2 - BAIBLO ALOO NGMAMI KLƆUKLƆU Ɔ

² Yawɛ tsɔ Babilonia, Siria, Moab, kɛ Amon ta buli kɛ ho Yehoyakim ngɔ ya, konɛ a ya kpata Yuda zugba a hɛ mi kaa bɔ nɛ Yawɛ gu e tsɔli gbali ɔmɛ a nɔ de to ke e maa pee ɔ.

Matsɛmɛ II, 24:2 ပူးပေါင်းရင်းမြစ်များ

Matsɛmɛ II, 20:17

be ma nɛ a ma ba muɔ o we ɔ mi nɔ́ tsuaa nɔ́, kɛ níhi tsuo nɛ o nɛmɛ bua nya ngɔ to kɛ ba si mwɔnɛ ligbi nɛ ɔ kɛ ho Babilonia ya; a be nɔ́ ko nɔ́ ko sie. Yawɛ lɛ de.

Matsɛmɛ II, 22:16

sɛ gbi nɛ ɔ nɛ je Yawɛ ngɔ ɔ ya ha lɛ: “Ma gbla Yerusalem, kɛ ma mi bi ɔmɛ tsuo a tue kaa bɔ nɛ a ngma ngɛ womi nɛ matsɛ ɔ kane ɔ mi ɔ.

Matsɛmɛ II, 23:27

Yawɛ de ke, “Ma kpata Yuda hɛ mi kaa bɔ nɛ i pee Israel ɔ; nɛ ma kua Yerusalem, ma nɛ i hla a, kɛ we ɔ nɛ i de ke lejɛ ɔ ji he nɛ i to nɛ a ja mi ngɛ ɔ.”

Matsɛmɛ II, 6:23

Kɛkɛ nɛ Israel matsɛ ɔ ngmɛ mɛ okplɔɔ agbo. Benɛ a ye ní nɛ a nu nɔ́ ko ɔ, e wo mɛ blɔ; nɛ a kpale kɛ ho Siria matsɛ ɔ ngɔ ya. Kɛ je lɔ ɔ se ɔ, Siria bi ɔmɛ ya tua we Israel zugba a hu.

Kronika II, 33:11

Enɛ ɔ he je ɔ, Yawɛ ha nɛ Asiria tabo ɔ asafoatsɛmɛ ɔmɛ ba tua Yuda. A kɛ gbowehi nu Manase nɛ a wo lɛ kɔsɔkɔsɔ, nɛ a ngɔ lɛ kɛ ho Babilon ya.

Hiob 1:17

E nya na we nɛ e nɔ si nɛ tsɔlɔ kpa ba nɛ e ba de ke, “Kaldea ní hali a kuu etɛ ba tua wɔ. A gbe o tsɔli ɔmɛ tsuo, nɛ a ngɔ afukpɔngɔ ɔmɛ kɛ je. Imi nɔ kake too lɛ i je mi, nɛ i ba konɛ ma ba bɔ mo amaniɛ.”

Yesaya 13:5

A je tsitsaa je mi nyagbe he ɔmɛ tsuo kɛ ma. Yawɛ kɛ e mi mi fumi ɔ ma kpata zugba a tsuo hɛ mi.

Yesaya 28:19

E maa ba nyɛ nɔ nɔtonɔto daa mɔtu. Nyɛ maa na amanehlu nyɔ kɛ pia. Sɛ gbi he tsuaa sɛ gbi he nɛ maa je Mawu ngɔ kɛ ba a maa wo nyɛ he gbeye wawɛɛ.

Yesaya 7:17

“Yawɛ ma ha haomi be ko ma ba na mo, kɛ o ma mi bi ɔmɛ, kɛ matsɛ weku ɔ tsuo. Kɛ je be nɛ Israel kɛ Yuda mi gba nɛ ɔ, be yaya kaa enɛ ɔ eko bɛ hyɛ. Asiria matsɛ ɔ ji haomi nɛ Yawɛ maa ngɔ kɛ ba a nɛ.

Yeremia 12:9

Ma nɛ i je blɔ hla a, a ngɛ kaa lohwe pɛlitsɛmɛ nɛ kayohi ba tua kɛ je he slɔɔtohi. Nyɛ yá kpee pu mi lohwehi tsuo kɛ ba, nɛ a kɛ mɛ ba tsɔtslɔɔ e mi.

Yeremia 25:1

Yuda matsɛ, Yehoyakim, Yosia bi ɔ yi nɔ jeha nɛ ji eywiɛ ɔ mi ɔ, i ná sɛ gbi ko kɛ je Yawɛ ngɔ nɛ kɔɔ Yuda ma a tsuo he. Jamɛ a be ɔ mi ɔ, Babilonia matsɛ, Nebukadnezar hu na jeha kake ngɛ e sɛ ɔ nɔ.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 26:20

Nyumu ko hu gba ngɛ Yawɛ biɛ mi kɛ si ma nɛ ɔ, kɛ zugba a kaa bɔ nɛ Yeremia gba a pɛpɛɛpɛ. E biɛ ji Uria, Shemaya nɛ je Kiriat Yearim bi ɔ.

Yeremia 26:6

Lɔ ɔ he ɔ, i ngɛ nyɛ dee ke, ke nyɛ wa tue kɛ mwɔɔ ɔ, lɛɛ ma pee we nɛ ɔ kaa bɔ nɛ i pee Shilo ɔ. Nɛ ma ha nɛ ma nɛ ɔ ma plɛ pee gbiɛmi nɔ́ ko kɛ ha je ma amɛ tsuo.”

Yeremia 32:28

Ma ngɔ ma nɛ ɔ kɛ wo Babilonia matsɛ, Nebukadnezar kɛ e tabo ɔ a dɛ mi; a maa ngɔ ma a,

Yeremia 35:11

Se benɛ Matsɛ Nebukadnezar ba tua zugba a, wa ya ye Babilonia kɛ Siria bi ɔmɛ a tabo ɔmɛ gbeye, nɛ wa pee wa yi mi kaa wa maa tu fo kɛ je a nya kɛ ba Yerusalem. Enɛ ɔ he je lɛ wa ba ngɛ Yerusalem ɔ nɛ.”

Yeremia 52:28

Nihi tsuo nɛ Nebukadnezar ngɔ nyɔguɛ kɛ ho ɔ, a hiɛmi ji nɛ ɔ nɛ: benɛ e ye jeha kpaago ngɛ matsɛ sɛ ɔ nɔ ɔ, e ngɔ Yuda bi 3,023 kɛ ho;

Kɔmɔ Yemi 1:17

“Imi Zion, i wo ye nine nɔ, konɛ a ye bua mi, se balɔ ko ba ji ngmlaa ha mi. Yawɛ ha nɛ mahi nɛ bɔle imi Yakob, ba pee ye he nyɛli. Yerusalem ba pee nɔ́ nɛ a hiee.

Ezekiel 19:8

Lɔ ɔ he ɔ, je ma amɛ tsuo tsɔ lɛ klamahi kɛ bɔle lɛ kɛ kpe. A bli a ya a mi ngɔ pue e nɔ. A tsua muɔ kɛ tsɔ lɛ klama; e nɔ mi, nɛ e du.

Ezekiel 23:23

Ma ngɔ Babilonia bi ɔmɛ tsuo, kɛ Kaldea bi ɔmɛ, nihi nɛ je Pekod, Shoa, kɛ Koa kɛ ba; Asiria bi ɔmɛ tsuo maa ba. Amlaalohi, kɛ asafoatsɛmɛ, mɛ tsuo nihewi nɛ a he ngɛ fɛu, tsɔli nikɔtɔmahi, kɛ ta buli, mɛ tsuo a maa hi okpɔngɔhi a nɔ kɛ ba.

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.

Habakuk 1:6

Babilonia bi ɔmɛ hia ta kɛ ngɛ je ɔ mi tsuo kpae kɛ yaa ngɔ zugbahi nɛ pi a nɔ. A he ngɛ gbeye, nɛ a he sɔɔ kɛ ní puɛmi. Ma ha nɛ a maa te si kɛ wo nyɛ.