Matsɛmɛ II, 24:16 - BAIBLO ALOO NGMAMI KLƆUKLƆU Ɔ

¹⁶ Jehanɛ, Babilonia matsɛ ɔ ngɔ ta buli kpakpahi akpe kpaago, kɛ ga ní tsuli, kɛ sɔli hu akpe kɛ ho. Katsɛmɛ kɛ nihi nɛ su ta yami nya ji nimli nɛ ɔmɛ tsuo kulaa.

Matsɛmɛ II, 24:16 ပူးပေါင်းရင်းမြစ်များ

Yeremia 52:28

Nihi tsuo nɛ Nebukadnezar ngɔ nyɔguɛ kɛ ho ɔ, a hiɛmi ji nɛ ɔ nɛ: benɛ e ye jeha kpaago ngɛ matsɛ sɛ ɔ nɔ ɔ, e ngɔ Yuda bi 3,023 kɛ ho;

Yeremia 29:2

Benɛ i ngma womi nɛ ɔ, jamɛ a be ɔ, nimli nɛ ɔmɛ je Yerusalem momo. Mɛ ji Matsɛ Yehoyakin, e nyɛ, matsɛ we ɔ tsɔli ɔmɛ, ma nimeli ɔmɛ nɛ ngɛ Yuda kɛ Yerusalem, ga ní tsuli ɔmɛ, kɛ sɔli ɔmɛ.

Matsɛmɛ II, 24:14

Nebukadnezar ngɔ Yerusalem ma mi bi ɔmɛ, ganɔ ɔmɛ, kɛ katsɛmɛ ɔmɛ tsuo nyɔguɛ kɛ je; mɛ tsuo pɛpɛɛpɛ a yibɔ ji akpe nyɔngma. E nuu ga ní tsuli, kɛ sɔli tsuo kɛ je; nimli gu ɔmɛ nɛ be nɔ́ ko mi ɔ pɛ ji ni nɛmɛ nɛ piɛ ngɛ Yuda.

Yeremia 22:25

nɛ ma ngɔ mo kɛ wo nihi nɛ o ngɛ gbeye yee, kɛ ni nɛmɛ nɛ ngɛ mo hlae nɛ a gbe ɔ a dɛ mi. Ma ngɔ mo kɛ wo Babilonia matsɛ, Nebukadnezar, kɛ e ta buli ɔmɛ a dɛ mi.

Ezekiel 17:13

E ngɔ matsɛ ɔ bi ko, nɛ e kɛ lɛ so; e ha e ka lɛ kita ke e maa ye lɛ anɔkuale. Kɛkɛ nɛ e ngɔ zugba a nɔ nihi nɛ a buu mɛ ɔ kɛ ho,

Matsɛmɛ II, 25:12

Se e si nimli gu komɛ nɛ be nɔ́ ko mi ɔ ngɛ Yuda, konɛ a hu ngmɔ, nɛ a tsu ní ngɛ wai abɔɔ ɔmɛ a mi.

Kronika I, 9:1

A kane Israel ma a tsuo weku nya weku nya, nɛ a ngma kɛ wo Israel Matsɛmɛ ɔmɛ a Womi ɔ mi. Yuda bi ɔmɛ lɛɛ, a ba nuu mɛ kɛ ho Babilon ya, ejakaa a yi Mawu anɔkuale.

Ezekiel 17:3

nɛ o de mɛ ke bɔ nɛ imi Nyɔmtsɛ Yawɛ i ngɛ dee ji nɛ ɔ nɛ: Kɔle agbo ko hi si. E ngɛ pɛli agbohi, kɛ tsɛli pinopino nɛ hɛɛ asasa su. Ligbi ko ɔ, kɔle ɔ te kɛ ba Lebanon yo ɔmɛ a nɔ, nɛ e ba ma seda tso ko yi mi. E kplɔ tso ɔ he kɔnihi nɛ e je ɔ yi mi mlɔmlɔɔmlɔ ɔ.