Matsɛmɛ II, 24:1 - BAIBLO ALOO NGMAMI KLƆUKLƆU Ɔ

¹ Benɛ Yehoyakim ngɛ tsɛ yee ɔ, Babilonia matsɛ, Nebukadnezar hia ta ba tua Yuda. Yehoyakim sɔmɔ lɛ jeha etɛ, nɛ lɔ ɔ se ɔ, e tsɔ atuã.

Matsɛmɛ II, 24:1 ပူးပေါင်းရင်းမြစ်များ

Daniel 1:1

Yuda matsɛ, Yehoyakim yi nɔ jeha nɛ ji etɛ ɔ mi ɔ, Babilonia matsɛ, Nebukadnezar ba tua Yerusalem, nɛ e sá ma a yi.

Yeremia 25:1

Yuda matsɛ, Yehoyakim, Yosia bi ɔ yi nɔ jeha nɛ ji eywiɛ ɔ mi ɔ, i ná sɛ gbi ko kɛ je Yawɛ ngɔ nɛ kɔɔ Yuda ma a tsuo he. Jamɛ a be ɔ mi ɔ, Babilonia matsɛ, Nebukadnezar hu na jeha kake ngɛ e sɛ ɔ nɔ.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 46:2

e je sisi kɛ je Egipt nɔ. Egipt matsɛ, Neko tabo ɔ nɛ Babilonia matsɛ, Nebukadnezar ye a nɔ ngɛ Karkemish, ngɛ Yufrate pa a nya a, bɔ nɛ Yawɛ de ngɛ a he ji nɛ ɔ nɛ. Sane nɛ ɔ ba ngɛ Yuda matsɛ, Yehoyakim yi nɔ jeha eywiɛne ɔ mi.

Matsɛmɛ II, 17:5

Enɛ ɔ se ɔ, Asiria matsɛ ɔ ya tua Israel zugba a tsuo; nɛ benɛ e su Samaria a, e sa ma a yi jeha etɛ.

Yeremia 35:1

Yuda matsɛ, Yehoyakim, Yosia bi ɔ yi nɔ ɔ, Yawɛ de mi ke,

Yeremia 35:11

Se benɛ Matsɛ Nebukadnezar ba tua zugba a, wa ya ye Babilonia kɛ Siria bi ɔmɛ a tabo ɔmɛ gbeye, nɛ wa pee wa yi mi kaa wa maa tu fo kɛ je a nya kɛ ba Yerusalem. Enɛ ɔ he je lɛ wa ba ngɛ Yerusalem ɔ nɛ.”

Yeremia 36:1

Yuda matsɛ, Yehoyakim yi nɔ jeha eywiɛne ɔ mi ɔ, Yawɛ kɛ mi tu munyu nɛ e de ke,

Yeremia 45:1

Yuda matsɛ, Yehoyakim, Yosia bi ɔ yi nɔ jeha nɛ ji eywiɛ ɔ mi ɔ, Neria bi Baruk ngma munyu ɔ nɛ i de lɛ ke e ngma a. Kɛkɛ nɛ i de lɛ ke,

Yeremia 50:17

Bɔ nɛ Yawɛ de ji nɛ ɔ nɛ: “Israel bi ngɛ kaa tohi nɛ jatahi fie mɛ, nɛ a gbɛ mɛ ngɔ fĩa. Kekleekle ɔ, Asiria matsɛ ba tua mɛ, nɛ e ye mɛ; lɔ ɔ se ɔ, Babilonia matsɛ, Nebukadnezar ba kpe a wuhi.

Ezekiel 21:14

“Lɔ ɔ he ɔ, nɔmlɔ adesa, gbaa nɛ o fia o dɛ mi. Fɔ̃ klaate ɔ si etɛ. Klaate nɛ gbeɔ nɔ ji nɛ ɔ nɛ. Klaate nɛ kpataa nɔ hɛ mi lɛ ngɛ e he poe kɛ ngɛ ma a bɔlee ɔ nɛ.

Daniel 1:2

Nyɔmtsɛ ɔ ngɔ Matsɛ Yehoyakim ngɔ wo e dɛ, nɛ Nebukadnezar muɔ june nɛ ngɛ Yawɛ we ɔ ekomɛ kɛ je kɛ ho. Babilon ya. June nɛ e muɔ ngɛ Mawu we ɔ e kɛ ya to e mawu ɔmɛ a nito he ɔ.

Matsɛmɛ II, 24:20

Yawɛ mi mi fu Yuda ma a, kɛ nihi nɛ ngɛ Yerusalem ɔ wawɛɛ nitsɛ kɛ ya si e je e hɛ ngɛ a nɔ.

Kronika II, 36:1

Yuda ma a hla Yosia binyumu Yehoahaz, nɛ a pɔ lɛ nu, nɛ a wo lɛ matsɛ ngɛ Yerusalem.

Ezra 4:12

Nɛnɛ, wa ngɛ hae nɛ o le kaa Yuda bi ɔmɛ nɛ je o ngɔ kɛ ba a ba to si ngɛ Yerusalem, nɛ a bɔni jamɛ a atuã tsɔli, kɛ yiwutsotsɛmɛ a ma a mami ekohu. A bɔni gbogbo ɔmɛ fiami, nɛ e be kɛe kulaa nɛ a maa po ma a kɛ gbe nya.

Yesaya 36:5

E bi lɛ ke, “Anɛ o susuu kaa nya puu peemi ji ga kɛ he wami nɛ a kɛ hwuɔ ta lo? Mɛnɔ nɔ po o ngɔ o hɛ kɛ fɔ loko o tsɔ ye hɛ mi atuã a?

Ezekiel 19:8

Lɔ ɔ he ɔ, je ma amɛ tsuo tsɔ lɛ klamahi kɛ bɔle lɛ kɛ kpe. A bli a ya a mi ngɔ pue e nɔ. A tsua muɔ kɛ tsɔ lɛ klama; e nɔ mi, nɛ e du.

Habakuk 1:6

Babilonia bi ɔmɛ hia ta kɛ ngɛ je ɔ mi tsuo kpae kɛ yaa ngɔ zugbahi nɛ pi a nɔ. A he ngɛ gbeye, nɛ a he sɔɔ kɛ ní puɛmi. Ma ha nɛ a maa te si kɛ wo nyɛ.