Matsɛmɛ II, 23:8 - BAIBLO ALOO NGMAMI KLƆUKLƆU Ɔ

⁸ E ya ngɔ osɔfo ɔmɛ tsuo kɛ je Yuda ma amɛ a mi kɛ ba Yerusalem, nɛ a ba ble jami he ɔmɛ, hehi nɛ a sãã tsopa kɛ e he via ngɛ ɔ, kɛ je Geba kɛ ya si Beersheba. Jehanɛ, e gbɛ jami hehi nɛ ngɛ Yoshua nɛ ye amlaalo ngɛ Yerusalem ɔ e we ɔ agbo ɔ nya a.

Matsɛmɛ II, 23:8 ပူးပေါင်းရင်းမြစ်များ

Matsɛmɛ I, 15:22

Pee se ɔ, Matsɛ Asa ha a fiɛ ngɛ Yuda tsuo ke nɔ tsuaa nɔ nɛ ba, konɛ ma a tsuo ba bua kɛ muɔ tɛhi, kɛ tsohi nɛ Baasha kɛ ba ngɛ Rama mae ɔ kɛ ho. Matsɛ Asa ngɔ ní nɛ ɔmɛ kɛ po Geba ma a ngɛ Benyamin, kɛ Mizpa ma a hulɔ.

Yoshua 21:17

Jehanɛ, a ha osɔfo Aaron nina a ma eywiɛ ngɛ Benyamin zugba a mi: Gibeon, Geba,

Zakaria 14:10

Zugba a tsuo, kɛ je Geba ngɛ omleyi je kɛ yaa su Rimon ngɛ Yerusalem leneyi je ɔ maa pee kplanaa. Se Yerusalem lɛɛ bɔ nɛ e maa si gojoo ɔ, ja nɔuu e maa hi, kɛ je Benyamin agbo ɔ he kɛ ya agbo momo ɔ, kɛ Kɔ nya agbo ɔ he; jehanɛ kɛ je Hananel mɔ ɔ he kɛ ya su matsɛ dã ngami he ɔmɛ tsuo.

Yesaya 10:29

A gu yo kpɛ blɔ ɔ kɛ ya hwɔ Geba nyɔ mi! Nihi nɛ a ngɛ Rama ma a mi ɔ ye gbeye, nɛ Matsɛ Saul ma, Gibea bi ɔmɛ ma fo.

Kronika I, 6:60

A ha Kohat weku ɔ ma nɛ ɔmɛ, kɛ kɔpehi nɛ bɔle ma amɛ kɛ je Benyamin wɛtso ɔ zugba mi: Geba, Alemet, kɛ Anatot. Lɔ ɔ he ɔ, mahi tsuo nɛ a ha Kohat weku ɔ nɛ a hi mi ji nyɔngma kɛ etɛ.

Matsɛmɛ I, 19:3

Eliya tsui po, nɛ e kɛ gbenɔ kɛ kã tu fo kɛ ho Beersheba ya ngɛ Yuda. E kɛ e tsɔlɔ ɔ ho. E ya si e tsɔlɔ ɔ ngɛ lejɛ ɔ.

Manyadali 20:1

Israel ma kpekpemi ɔ tsuo hia, nɛ a ba bua a he nya ngɛ Yawɛ hɛ mi ngɛ Mizpa. A je Dan kɛ ya si Beersheba, kɛ Gilead zugba a hu nɔ.

Mose I, 26:23

Isak je lejɛ ɔ kɛ ho Beersheba ya.

Mose I, 21:31

Enɛ ɔ he nɛ a wo lejɛ ɔ biɛ ke Beersheba a nɛ, ejakaa lejɛ ɔ ji he nɛ mɛ ni enyɔ ɔmɛ ka a he kita ngɛ.

Mose I, 21:14

E nɔ jena mɔtu kpla a, Abraham ha Hagar niye ní, kɛ lohwe he womi tɔ nɛ nyu hyi lɛ. E ngɔ jokuɛ nyumuyo ɔ kɛ wo Hagar se mi, nɛ e wo lɛ blɔ. Hagar je lejɛ ɔ, nɛ e ya wo lalaalo ngɛ Beersheba nga a nɔ.

Ezekiel 44:10

Yawɛ de mi ke, “Levi bi nɛ a kɛ Israel ma nɛ piɛ ɔ kua mi, nɛ a ya ja amagahi ɔ, ma gbla a tue.

Yoshua 18:24

Kefaramoni, Ofni, kɛ Geba. E peeɔ ma nyɔngma kɛ enyɔ kɛ a he kɔpehi.

Amos 5:5

Nyɛ ko ya ja mi ngɛ Beersheba hu. Nyɛ ko ya hla mi ngɛ Betel hu, ejakaa Betel maa pee ma doku, kɛ mumi yayamihi a hi he. Nyɛ ko ya Gilgal, ejakaa a maa nuu Gilgal ma mi bi ɔmɛ nyɔguɛ kɛ je.