Matsɛmɛ II, 23:6 - BAIBLO ALOO NGMAMI KLƆUKLƆU Ɔ

⁶ E je amaga a nɛ a puɛ ngɔ ha yo mawu ɔ nɛ a tsɛɛ Ashera a kɛ je Yawɛ we ɔ, nɛ e ya sã lɛ ngɛ Kidron kɔ̃ ɔ mi ngɛ Yerusalem ma a nya. E wɛɛ jakati ɔ nɛ piɛ ɔ bukɔbukɔ kaa la zu, nɛ e ngɔ kɛ ya fĩa gɔ ɔ mi.

Matsɛmɛ II, 23:6 ပူးပေါင်းရင်းမြစ်များ

Kronika II, 34:4

Bɔ sami la tɛhi nɛ ngɛ Baal jami he ɔ, kɛ tsopa kɛ e he via sami la tɛhi nɛ ngɛ lejɛ ɔ, Yosia ha nɛ a ku mɛ tsuo ngɔ pue si ngɛ e hɛ mi. Ashera amaga amɛ, kɛ amaga kpa amɛ tsuo lɛɛ a wɛɛ mɛ mɔnyɔmɔnyɔ kaa la zu, nɛ a ngɔ kɛ fĩa nihi nɛ sã bɔ ha mɛ ɔ a yɔkɔhi a nɔ.

Matsɛmɛ II, 23:15

Jehanɛ, bɔ sami la tɛ ɔ nɛ ngɛ Betel ɔ, kɛ jami he ɔ nɛ Nebat binyumu Yeroboam nɛ ha Israel pee yayami ɔ ma a, Yosia ku jamɛ a bɔ sami la tɛ ɔ; e mɛ jami he ɔ he la, nɛ e ywia tɛ ɔmɛ dukuduku. Amaga a nɛ a puɛ kɛ ha Ashera a hu e mɛ he la.

Yeremia 17:2

Nyɛ bimɛ ɔmɛ jaa amagahi, kɛ yo mawu Ashera amaga amɛ ngɛ bɔ sami la tɛ ɔmɛ a nɔ ngɛ tso kusuu tsuaa tso kusuu sisi, kɛ yoku ɔmɛ

Matsɛmɛ II, 21:7

Ashera amaga a nɛ e pee ɔ, e ngɔ ya ma Yawɛ we ɔ. Yawɛ kɛ David, kɛ e binyumu Salomo tu we nɛ ɔ he munyu hyɛ, nɛ e de ke, “I hla we nɛ ɔ ngɛ Yerusalem kɛ je Israel wɛtso ɔmɛ tsuo a kpɛti ngɔ to kaa he nɛ sa nɛ a ja mi ngɛ daa.

Matsɛmɛ II, 10:27

A ku Baal amaga a ngɔ pue si, nɛ a gbɛ piɛ ɔ; nɛ a ngɔ lejɛ ɔ kɛ pee agbotso kɛ ba si mwɔnɛ ɔ.

Matsɛmɛ I, 16:33

Jehanɛ, e puɛ amaga kɛ ha yo mawu ɔ nɛ a tsɛɛ Ashera a. Ahab pee yayami kɛ wo Yawɛ, Israel Mawu ɔ mi mi la pe Israel matsɛmɛ ɔmɛ tsuo nɛ nyɛɛ e hɛ mi ɔ.

Matsɛmɛ I, 14:23

Mɛ hu a po piɛhi, nɛ a puɛ amagahi ngɛ ma a mi, ngɛ yokuhi a nɔ, kɛ tsohi nɛ bɔ kusuu a sisi; amaga amɛ ekomɛ daa si ha a yo mawu ɔ nɛ a tsɛɛ lɛ Ashera a.

Manyadali 3:7

Israel bi ɔmɛ a hɛ je Yawɛ, a Mawu ɔ nɔ; a pee yayami kɛ si lɛ, nɛ a ya sɔmɔ Baalhi kɛ Ashera.

Mose V, 9:21

Jehanɛ, jamɛ a nɔ́ yaya a nɛ nyɛ sɔ̃, nɛ ji na bi ɔ, i ngɔ, nɛ i sã ngɛ la mi. Lɔ ɔ se ɔ, i ywia lɛ wɔtsɔwɔtsɔ nɛ i wɛɛ lɛ bɔdɔbɔdɔ; e pee kaa tabo zu, nɛ i ya hɛ lɛ ngɔ pue pa a nɛ je yo ɔ nɔ kɛ ngɛ bee ɔ mi.

Mose V, 7:25

Nyɛɛ sã a we amaga amɛ. Nyɛ hɛ ko kɔ̃ a sika hiɔ, loo sika tsu nɔ; nyɛ ko ngɔ ekoeko. Ke nyɛ ngɔ eko ɔ, e maa pee gbenɔ ha nyɛ; ejakaa Yawɛ, nyɛ Mawu ɔ sume amaga jami.

Mose II, 32:20

E wo na bi ɔ nɛ a pee ɔ, nɛ e mɛ he la, nɛ e sile. Lɔ ɔ se ɔ, e wɛɛ lɛ nɛ e pee mamu bukɔbukɔ, nɛ e ngɔ fĩa nyu hɛ mi, nɛ e ngɔ ha Israel bi ɔmɛ nɛ a nu.

Yohane 18:1

Benɛ Yesu sɔle kikɛ nɛ ɔ, e kɛ e kaseli ɔmɛ je kpo, nɛ a pue nɔ kɛ ho ya po Kedron pa a, kɛ ya sɛ abɔɔ ko mi ngɛ lejɛ ɔ.

Matsɛmɛ I, 2:37

Ligbi ɔ nɛ o maa je hiɛ ɔ, nɛ o maa po Kidron pa a, ná nɛ o le kaa ja o gbo, nɛ sɔ̃ ɔ maa tloo mo nitsɛ.”

Matsɛmɛ II, 23:12

Bɔ sami la tɛhi nɛ Yuda matsɛmɛ ɔmɛ puɛ ngɔ ma Ahaz hiɔwe tsu ɔ yi mi, kɛ bɔ sami la tɛhi nɛ Manase puɛ ngɔ ma kue enyɔ ɔmɛ a mi ngɛ Yawɛ we ɔ, Matsɛ Yosia ku mɛ dukuduku ngɔ pue si; nɛ e muɔ zu ɔ ya wo Kidron kɔ̃ ɔ mi.

Kronika II, 33:3

Jami hehi nɛ e tsɛ Hezekia gbɛ ɔ, e kpale po mɛ ekohu. E ma bɔ sami la tɛhi kɛ ha Baal, nɛ e pee amagahi kɛ ha yo mawu ɔ nɛ a tsɛɛ Ashera a. E ja dodoehi hulɔ.

Yeremia 22:18

Lɔ ɔ he ɔ, bɔ nɛ Yawɛ ngɛ dee ngɛ Yuda matsɛ, Yehoyakim, Yosia binyumu ɔ he ji nɛ ɔ nɛ: “Ke e gbo ɔ, nɔ ko nɔ ko be kɔmɔ yee ha lɛ; nɔ ko nɔ ko be dee ke, ‘Ye nyɛmi due! Due!’ Nɔ ko nɔ ko be ya foe ha lɛ ke, ‘Ye nyɔmtsɛ! Ye matsɛ!’

Yeremia 31:40

Nɛ kɔ̃ ɔ tsuo maa pee klɔuklɔu kɛ ha mi: gɔ ɔ, kuku ɔ, kɛ ngmɔ ɔmɛ nɛ ngɛ Kidron pa a yi mi ɔ, hluu kɛ yaa si okpɔngɔ agbo ɔ beleku je. Nɔ ko nɔ ko be ma a ngɔe hu, nɛ a be e hɛ mi kpatae hu gblegbleegble.”

Matsɛmɛ I, 15:13

E na, Maaka po e kpa lɛ manyɛ yemi, ejakaa e puɛ amaga ko nɛ a hiee kɛ ha yo mawu ɔ nɛ a tsɛɛ Ashera a. Asa ywia amaga nɛ ɔ, nɛ e sã lɛ ngɛ Kidron pa a nya.

Matsɛmɛ II, 10:26

nɛ a ya muɔ amagahi nɛ ngɛ lejɛ ɔ, nɛ a sã mɛ.

Kronika II, 15:16

Matsɛ Asa kpa e nyɛ Maaka tete po manyɛ yemi, ejakaa e pee amaga ko nɛ a hiee kɛ ha yo mawu ɔ nɛ a tsɛɛ Ashera a. Asa ku amaga a ngɔ pue si. E wɛɛ lɛ mɔnyɔmɔnyɔ, nɛ e ya sã lɛ ngɛ Kidron kɔ̃ ɔ mi.