Matsɛmɛ II, 23:5 - BAIBLO ALOO NGMAMI KLƆUKLƆU Ɔ

⁵ Osɔfohi nɛ Yuda matsɛmɛ ɔmɛ wo nɛ a sãã tsopa kɛ e he via ngɛ jami he ɔmɛ, ngɛ Yuda ma amɛ a mi, kɛ hehi nɛ bɔle Yerusalem kɛ kpe ɔ, Yosia kpa mɛ tsuo pɛpɛɛpɛ. Ni nɛmɛ nɛ sãã tsopa kɛ e he via kɛ haa Baal, pu, hlami, huɛhi, kɛ dodoehi hu e pee mɛ ja nɔuu.

Matsɛmɛ II, 23:5 ပူးပေါင်းရင်းမြစ်များ

Hosea 10:5

Samaria bi maa ye gbeye, nɛ a maa ye kɔmɔ ngɛ sika tsu na ku ɔ nɛ ngɛ Betel nɛ a kpata e hɛ mi ɔ he. A kɛ lakpa osɔfo ɔmɛ tsuo ma nya awe kaa amaga a hɛ mi nyami ɔ laa mɛ.

Matsɛmɛ II, 21:5

Jehanɛ, e puɛ bɔ sami la tɛhi ngɔ ma kue enyɔ ɔmɛ nɛ ngɛ Yawɛ we ɔ a mi, konɛ a ja dodoehi ngɛ lejɛ ɔmɛ.

Kronika II, 33:3

Jami hehi nɛ e tsɛ Hezekia gbɛ ɔ, e kpale po mɛ ekohu. E ma bɔ sami la tɛhi kɛ ha Baal, nɛ e pee amagahi kɛ ha yo mawu ɔ nɛ a tsɛɛ Ashera a. E ja dodoehi hulɔ.

Kronika II, 34:4

Bɔ sami la tɛhi nɛ ngɛ Baal jami he ɔ, kɛ tsopa kɛ e he via sami la tɛhi nɛ ngɛ lejɛ ɔ, Yosia ha nɛ a ku mɛ tsuo ngɔ pue si ngɛ e hɛ mi. Ashera amaga amɛ, kɛ amaga kpa amɛ tsuo lɛɛ a wɛɛ mɛ mɔnyɔmɔnyɔ kaa la zu, nɛ a ngɔ kɛ fĩa nihi nɛ sã bɔ ha mɛ ɔ a yɔkɔhi a nɔ.

Ezekiel 8:6

Mawu de mi ke, “Nɔmlɔ adesa, tse o na ní hiemi ní nguanguahi nɛ Israel bi ɔmɛ peeɔ ngɛ hiɛ ɔ; a peeɔ enɛ ɔmɛ konɛ ma je ye he klɔuklɔu ɔ kɛ ya se lokoo? Se o maa na ní hiemi ní nguangua kpahi pe enɛ ɔ.”

Zefania 1:4

“Ma gbla nihi nɛ ngɛ Yerusalem ma a mi, kɛ Yuda zugba a nɔ tsuo a tue. Baal jali nɛ piɛ ɔ, ma kpata mɛ tsuo a hɛ mi, nɛ nɔ ko nɔ ko be Baal wɔnɔ ɔmɛ kaie hu.

Hiob 38:32

Anɛ o ma nyɛ maa tsɔɔ dodoehi blɔ ngɛ a be mi lo? O ma nyɛ maa tsɔɔ Je kpaago kɛ e bimɛ ɔmɛ blɔ lo?