Matsɛmɛ II, 22:9 - BAIBLO ALOO NGMAMI KLƆUKLƆU Ɔ

⁹ Kɛkɛ nɛ Shafan, matsɛ pɛdiyo ɔ ho nɛ e ya bɔ Matsɛ Yosia amaniɛ ke, “O tsɔli ɔmɛ ya muɔ sika nɛ a na ngɛ we ɔ, nɛ a tu ngɔ wo ní tsuli ɔmɛ nɛ ngɛ Yawɛ we ɔ nɔ hyɛe ɔ a dɛ mi.”

Matsɛmɛ II, 22:9 ပူးပေါင်းရင်းမြစ်များ

Ezekiel 8:11

Israel ma nimeli nyingmi kpaago, kɛ Yaazania, Shafan bi ɔ daa si ngɛ lejɛ ɔ. A ti nɔ tsuaa nɔ hɛɛ ngɛyu kɛ e mi tsopa kɛ e he via nɛ la su ku ngɛ mi jee kɛ yaa hiɔwe.

Yeremia 41:2

Ishmael kɛ nyumuhi nyɔngma nɛ piɛ e he ɔ hia klaate wo Gedalia he, nɛ a gbe lɛ.

Yeremia 40:11

Israel bi tsuo nɛ ngɛ Moab, Amon, Edom kɛ zugba kpa amɛ a nɔ ɔ ba nu kaa Babilonia matsɛ ɔ si Israel bi komɛ ngɛ Yuda, nɛ e ngɔ Shafan bi Ahikam bi Gedalia ngɔ to a nya kaa amlaalo.

Yeremia 39:14

ba ngɔ mi kɛ je tsu ɔ mi ngɛ matsɛ we ɔ. A ngɔ mi kɛ wo Shafan bi Ahikam bi Gedalia dɛ, konɛ e hyɛ nɛ ma ya su we mi. Nɛ i hi ye ma mi bi ɔmɛ a kpɛti.

Yeremia 29:3

I ngɔ womi ɔ kɛ mane Elasa, Shafan bi ɔ, kɛ Gamaria, Hilkia bi ɔ. Mɛ ji nihi nɛ Yuda matsɛ, Zedekia tsɔ mɛ Babilonia matsɛ, Nebukadnezar ngɔ ɔ nɛ. Nɔ́ nɛ ngɛ womi ɔ mi ji nɛ ɔ nɛ:

Yeremia 26:24

Se Shafan bi Ahikam, matsɛ pɛdiyo ɔ, fa ye he. Enɛ ɔ he je ɔ, a ngɔɛ mi kɛ wui ma a dɛ mi nɛ a ya gbe mi.

Matsɛmɛ II, 25:22

Babilonia matsɛ, Nebukadnezar wo Ahikam binyumu Gedalia, Shafan bibi ɔ amlaalo ngɛ Yuda; nɛ e ngɔ lɛ ngɔ to nihi nɛ a si ngɛ lejɛ ɔ, nɛ a ngɔɛ mɛ kɛ yɛ Babilonia a a nya.

Matsɛmɛ II, 22:12

nɛ e fa osɔfo Hilkia, kɛ Ahikam, Shafan binyumu ɔ, Akbor, Mikaya binyumu ɔ, Shafan, matsɛ pɛdiyo ɔ, kɛ Asaya, matsɛ tsɔlɔ ɔ ke,

Matsɛmɛ II, 22:3

Matsɛ Yosia yi nɔ jeha nɛ ji nyɔngma kɛ kpaanyɔ ɔ mi ɔ, e tsɔ e womi ngmalɔ Shafan, Meshulam bi Azalia binyumu ɔ Yawɛ we ɔ; nɛ e de lɛ ke,

Matsɛmɛ II, 18:18

Benɛ a bi Matsɛ Hezekia si ɔ, matsɛ ɔ tsɔli etɛ je kpo nɛ a kɛ mɛ ba kpe. Mɛ ji Eliakim, Hilkia binyumu ɔ nɛ hyɛɛ matsɛ we ɔ nɔ ɔ, Shebna, matsɛ pɛdiyo ɔ, kɛ Yoa, Asaf binyumu ɔ nɛ ngmaa sanehi kɛ too ɔ.

Matsɛmɛ II, 22:8

Benɛ matsɛ pɛdiyo Shafan ngɔ matsɛ sɛ gbi ɔ ya ha Hilkia a, Hilkia de lɛ ke, “I na mlaa womi ɔ ngɛ Yawɛ we ɔ.” Hilkia ngɔ womi ɔ kɛ ha Shafan nɛ e kane.

Matsɛmɛ II, 22:10

Shafan ya nɔ nɛ e de matsɛ ɔ ke, “Osɔfo Hilkia kɛ womi nɛ ɔ ha mi.” Nɛ Shafan kane womi ɔ kɛ ha matsɛ ɔ.