Matsɛmɛ II, 22:20 - BAIBLO ALOO NGMAMI KLƆUKLƆU Ɔ

²⁰ Lɔ ɔ he ɔ, tue gblami nɛ i kɛ maa ba Yerusalem nɔ ɔ, moo lɛɛ o be nae kɛ o hɛngmɛ; ma ha nɛ o ma gbo, nɛ a maa pu mo ngɛ he jɔmi mi loko tue gblami nɛ ɔ maa ba.” Tsɔli ɔmɛ kpale a se, nɛ a kɛ sɛ gbi nɛ ɔ ya ha Matsɛ Yosia.

Matsɛmɛ II, 22:20 ပူးပေါင်းရင်းမြစ်များ

La 37:37

Moo to nɔmlɔ kpakpa he hɛ; hyɛ dalɔ saminya, nɔmlɔ nɛ he jɔ ɔ, hwɔɔ se ɔ, e maa hi si ngɛ tue mi jɔmi mi.

Kronika I, 17:11

Ke o gbo, nɛ a ya dla mo ngɛ o nɛmɛ ɔmɛ a hwɔ he ɔ, ma wo mo nitsɛ o mi mi bimɛ ɔmɛ a ti nɔ kake matsɛ ngɛ o se, nɛ ma ha e matsɛ yemi ɔ maa ya nɔ.

Yeremia 22:10

Yuda ma, nyɛ ko fo ya ha Matsɛ Yosia; nyɛ ko ye e gbenɔ ɔ he kɔmɔ. Nyɛɛ wo yana kɛ ha e binyumu Yoahaz mohu; ejakaa nɛ a ngɔ lɛ kɛ yaa nɛ ɔ, e be kpalee kɛ ba hu gblegbleegble; zugba nɛ a fɔ lɛ ngɛ nɔ ɔ, e be nae hu.

Kronika II, 34:28

Enɛ ɔ he je ɔ, tue gblami nɛ i to nɛ e ba ma nɛ ɔ, kɛ ma mi bi ɔmɛ a nɔ ɔ, i be hae nɛ o na kɛ o hɛngmɛ. O ma ba gbo nɛ a maa pu mo ngɛ he jɔmi mi loko ma pee nɔ́ nɛ ɔ.” Kɛkɛ nɛ ni ɔmɛ kpale a se nɛ a kɛ sɛ gbi nɛ ɔ ba ha Matsɛ Yosia.

Mose V, 31:16

Yawɛ de Mose ke, “E be kɛe nɛ o ma gbo; nɛ o gbenɔ se ɔ, Israel ma a be mi anɔkuale yee hu; a be somi nɛ i kɛ mɛ so ɔ nɔ yee. A maa je ye se ya ja ma se mawuhi nɛ ngɛ zugba a nɔ he nɛ a yaa a.

Matsɛmɛ II, 20:19

Se Matsɛ Hezekia susu kaa munyu nɛ ɔ tsɔɔ kaa he jɔmi kɛ tue mi jɔmi maa ba ngɛ lɛɛ e yi nɔ. Lɔ ɔ he ɔ, e de Yesaya ke, “Yawɛ sɛ gbi ɔ nɛ o ngɔ ba ha mi ɔ hi.”