Matsɛmɛ II, 22:11 - BAIBLO ALOO NGMAMI KLƆUKLƆU Ɔ

¹¹ Benɛ Matsɛ Yosia nu mlaa womi ɔ mi munyuhi nɛ a ngɛ kanee ɔ, e kɛ aywilɛho hía e tade ɔmɛ,

Matsɛmɛ II, 22:11 ပူးပေါင်းရင်းမြစ်များ

Kronika II, 34:19

Benɛ matsɛ ɔ nu mlaa womi ɔ mi munyu ɔmɛ nɛ a ngɛ kanee ɔ, e hía e tade ɔmɛ ngɛ e he,

Yoel 2:13

Nyɛ ha nɛ e hao nyɛ ngɛ nyɛ tsui mi; se pi kaa nyɛ ma hía nyɛ tadehi ngɛ nyɛ he kɛkɛ.” Nyɛɛ kpale kɛ ba Yawɛ, nyɛ Mawu ɔ ngɔ, ejakaa e mi mi jɔ, nɛ e naa mɔbɔ; e toɔ e tsui si; e yeɔ e siwo nɔ; e mi mi fu we mla, se mohu e kɛ nɔ́ paa.

Yeremia 36:24

Se matsɛ ɔ jio, ma nimeli ɔmɛ nɛ nu sane nɛ ɔ jio, nɔ ko nɔ ko yi gbeye; nɔ ko nɔ ko hu hía we e tade kɛ tsɔɔ kaa nɔ́ ɔ hao lɛ.

Matsɛmɛ II, 22:19

nɛ o pia o he, nɛ o ba o he si ha mi. Benɛ o nu bɔ nɛ i to nɛ ma gbla Yerusalem, kɛ ma mi bi ɔmɛ a tue, kɛ bɔ nɛ i to nɛ ma pee ma a ma doku, nɛ a ma tsɛ ma a biɛ kɛ gbiɛ nɔ ɔ, o kɛ aywilɛho hía o tade ɔmɛ, nɛ o fo ya. Kue nɛ o fa ha mi ɔ, i nu.

Yoshua 7:6

Kɛkɛ nɛ Yoshua kɛ Israel ma nimeli ɔmɛ kɛ aywilɛho hía a tade ɔmɛ ngɛ a he, nɛ a ya bu si ngɛ Yawɛ somi daka a hɛ mi kɛ a yi mi zu kɛ ye kɔmɔ kɛ ya si gbɔkuɛ.

Mose I, 37:34

Kɛkɛ nɛ Yakob kɛ aywilɛho hía e he tade ɔmɛ, nɛ e bu kpekpe ya bo; nɛ e nyɛ ya ha e bi ɔ ligbi babauu.

Matsɛmɛ II, 22:10

Shafan ya nɔ nɛ e de matsɛ ɔ ke, “Osɔfo Hilkia kɛ womi nɛ ɔ ha mi.” Nɛ Shafan kane womi ɔ kɛ ha matsɛ ɔ.

Amos 2:4

Yawɛ ke, “Yuda ma mi bi ɔmɛ pee yayamihi nɔtonɔto babauu. A yi imi Yawɛ, ye mlaa amɛ a nɔ fɛɛ. Yaka mawuhi nɛ a nɛmɛ ɔmɛ sɔmɔ ɔ, jamɛ a mawu ɔmɛ nɔuu a se lɛ a ya nyɛɛ. Enɛ ɔ he je ɔ, ja i gbla a tue kokooko.

La 119:120

O he sawale nu mi, nɛ ye he ngɛ doe blibliibli; ejakaa o kojomi ɔmɛ ngɛ gbeye.

Yesaya 66:2

Ye nine nya níhi ji ni nɛ ɔmɛ tsuo, lɔ ɔ he ɔ, ye níhi ji mɛ tsuo. Nihi nɛ baa a he si, nɛ a naa a he yayami nɛ a tsakeɔ a tsui, nihi nɛ yeɔ mi gbeye, nɛ a buɔ mi tue ɔ, mɛ ji nihi nɛ i suɔ.

Yeremia 36:16

Benɛ a nu munyu ɔmɛ tsuo ɔ, a tsui po. Mɛ tsuo a plɛ hyɛ a sibi a hɛ mi, nɛ a de Baruk ke, “E hia kaa wa ya sɛɛ ní nɛ ɔ ha matsɛ ɔ.”