Matsɛmɛ II, 22:10 - BAIBLO ALOO NGMAMI KLƆUKLƆU Ɔ

¹⁰ Shafan ya nɔ nɛ e de matsɛ ɔ ke, “Osɔfo Hilkia kɛ womi nɛ ɔ ha mi.” Nɛ Shafan kane womi ɔ kɛ ha matsɛ ɔ.

Matsɛmɛ II, 22:10 ပူးပေါင်းရင်းမြစ်များ

Yeremia 36:21

Matsɛ ɔ tsɔ Yehudi ke e ya nɛ e ya ngɔ womi kpo ɔ kɛ ba. Yehudi ya ngɔ womi kpo ɔ ngɛ Elishama tsu ɔ mi kɛ ba, nɛ e ba kane ha matsɛ ɔ, kɛ ma nimeli ɔmɛ tsuo nɛ daa si ngɛ matsɛ ɔ kasa nya a.

Yeremia 36:15

Benɛ Baruk ba a, a de lɛ ke, “Hii si, nɛ o kane womi ɔ nɛ waa nu.” Nɛ Baruk pee ja.

Yeremia 36:6

Se ma suɔ nɛ moo lɛɛ o ya lejɛ ɔ be mi nɛ ni ɔmɛ ngɛ hwɔ hae. Yaa kane womi kpo ɔ, ngɛ lejɛ ɔ nɛ́ ma a tsuo nɛ nu nɔ́ tsuaa nɔ́ nɛ Yawɛ de mi, nɛ imi hu i tsɛ ha mo nɛ o ngma a. Kane womi kpo ɔ ngɛ lejɛ ɔ, konɛ Yuda bi nɛ je a ma amɛ a mi kɛ ba a, mɛ hu a nu.

Yeremia 13:18

Yawɛ de mi ke, “De matsɛ ɔ kɛ e nyɛ ɔ ke, a ba a he si, ejakaa a jlasi saminyawiiwi ɔmɛ je a yi nɔ si.

Nehemia 13:1

Benɛ a ngɛ mlaa a kanee, nɛ ma a tsuo ngɛ tue bue ɔ, a na he nɛ a ngma ngɛ ke a ko ngmɛ Amon no, loo Moab no ko blɔ nɛ e ba futu Mawu ma a mi bi ɔmɛ kɔkɔɔkɔ ɔ.

Nehemia 8:18

Kɛ je kekleekle ligbi ɔ nɔ kɛ ya si be nɛ a gbe nyami be ɔ nya a, a kaneɔ Mawu mlaa a fa ko daa ligbi. A ye Gbasisihimi nyami be nɛ ɔ ligbi kpaago, nɛ ligbi kpaanyɔne ɔ, a pee nyagbe kpe kaa bɔ nɛ mlaa a tsɔɔ ɔ.

Kronika II, 34:18

Shafan ya nɔ nɛ e de matsɛ ɔ ke, “Osɔfo Hilkia ha mi womi ko; womi ɔ ji nɛ ɔ nɛ.” Kɛkɛ nɛ Shafan kane womi ɔ kɛ ha matsɛ ɔ.

Matsɛmɛ II, 22:9

Kɛkɛ nɛ Shafan, matsɛ pɛdiyo ɔ ho nɛ e ya bɔ Matsɛ Yosia amaniɛ ke, “O tsɔli ɔmɛ ya muɔ sika nɛ a na ngɛ we ɔ, nɛ a tu ngɔ wo ní tsuli ɔmɛ nɛ ngɛ Yawɛ we ɔ nɔ hyɛe ɔ a dɛ mi.”

Matsɛmɛ II, 22:11

Benɛ Matsɛ Yosia nu mlaa womi ɔ mi munyuhi nɛ a ngɛ kanee ɔ, e kɛ aywilɛho hía e tade ɔmɛ,

Yeremia 36:13

Mikaya bɔ mɛ níhi tsuo nɛ e nu nɛ Baruk kane kɛ je womi kpo ɔ mi kɛ ha ma a.

Yesaya 66:2

Ye nine nya níhi ji ni nɛ ɔmɛ tsuo, lɔ ɔ he ɔ, ye níhi ji mɛ tsuo. Nihi nɛ baa a he si, nɛ a naa a he yayami nɛ a tsakeɔ a tsui, nihi nɛ yeɔ mi gbeye, nɛ a buɔ mi tue ɔ, mɛ ji nihi nɛ i suɔ.

Yesaya 66:5

Nyɛ ni nɛmɛ nɛ nyɛ yeɔ Yawɛ gbeye, nɛ nyɛ buɔ lɛ, nyɛ ta tue, “Akɛnɛ nyɛ yeɔ mi anɔkuale ɔ, nyɛ ma mi bi ɔmɛ ekomɛ nyɛɔ nyɛ, nɛ a kɛ nyɛ pee we nɔ́ ko nɔ́ ko, se nyɛ he fɛu mohu a yeɔ. A deɔ ke, ‘Yawɛ nɛ je e he wami kpo nɛ e he nyɛ yi wami, konɛ waa na bɔ nɛ nyɛ ma nya ha.’ Se mɛ nitsɛmɛ a hɛ mi si mohu a ma pue!