Matsɛmɛ II, 21:9 - BAIBLO ALOO NGMAMI KLƆUKLƆU Ɔ

⁹ Se Yuda ma a bui Yawɛ tue, nɛ Manase mlɔɔ mɛ nɛ a ya pee yayami nɛ kle kulaa pe yayami nɛ je ma amɛ pee loko Yawɛ kpata a hɛ mi kɛ je Israel bi ɔmɛ a blɔ mi ɔ po.

Matsɛmɛ II, 21:9 ပူးပေါင်းရင်းမြစ်များ

Abɛ Womi 29:12

Nɔ yelɔ nɛ lakpa munyu tue e buɔ ɔ, e tsɔli tsuo peeɔ yiwutsotsɛmɛ.

Kpojemi 2:20

Se kɛ̃ ɔ, i kɛ mo ngɛ sane. O ngmɛ blɔ nɛ Yezebel, jamɛ a yo ɔ nɛ tsɛɔ e he gbalɔ ɔ ngɛ ye ma a ní tsɔɔe. E kɛ tsɔɔmi nɛ ɔ sisi mɛ, nɛ a ya ngɛ yo kɛ nyumu yakayaka fiɛmi fiɛe; nɛ a ngɛ wɔ nya ní hu yee.

Yakobo 4:17

Lɔ ɔ he ɔ, nɔ nɛ le nɔ́ kpakpa nɛ e pee we ɔ, yayami e pee ɔ nɛ.

Yohane 15:22

Kaa i bɛ nɛ i kɛ mɛ ba tu munyu ɔ, jinɛ a ko yi fɔ kaa a pee yayami. Se jehanɛ lɛɛ a be nya jemi ko kulaa ngɛ yayami nɛ a pee ɔ he.

Luka 13:34

“Yerusalem Yerusalem! O gbe gbali ɔmɛ, nɛ nihi nɛ a tsɔ mɛ o ngɔ ɔ, o fia mɛ tɛ! Hyɛ si abɔ nɛ i hla kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya ngɔ woɔ e pɛli sisi; se nyɛ kplɛɛ we!

Hosea 5:11

Israel ngɛ nɔ́ nae; a gbla e tue wawɛɛ, ejakaa e ya nyɛɛ yakayaka níhi a se.

Daniel 9:6

O tsɔli ɔmɛ, nɛ ji gbali ɔmɛ nɛ o tu munyu kɛ gu a nɔ kɛ tsɔɔ wa matsɛmɛ ɔmɛ, wa ganɔ ɔmɛ, wa nɛmɛ ɔmɛ, kɛ wa ma a tsuo ɔ, wa bui mɛ tue fɛɛ.

Nehemia 9:26

“Se enɛ ɔmɛ tsuo a se ɔ, o ma a tsɔ o hɛ mi atuã, nɛ a bui mo tue; a sake o mlaa a ngɔ fɔ a tue se. A gbe gbali ɔmɛ nɛ ka a hɛ mi, nɛ de mɛ ke a kpale kɛ ba o ngɔ ɔ; kɛ nɔ a bɔ musu babauu.

Kronika II, 36:16

Se mɛɛ lɛɛ, Mawu tsɔli ɔmɛ a he fɛu mohu a yeɔ; a bui Mawu munyu ɔ tue, nɛ e gbali ɔmɛ hu muɔ sɔuu a hii mɛ muɔe hluu kɛ ya si be nɛ Yawɛ mi mi ba fu e ma a wawɛɛ nitsɛ nɛ nɔ́ ko hi peemi ngɛ he hu.

Kronika II, 33:9

Se Manase mlɔɔ Yuda kɛ Yerusalem ma mi bi ɔmɛ, nɛ a ya pee yayami nɛ kle kulaa pe yayami nɛ je ma amɛ nɛ Yawɛ fie kɛ je Israel bi ɔmɛ a blɔ mi ɔ pee ɔ po.

Matsɛmɛ I, 14:16

Yawɛ ma je e nine ngɛ Israel he, ejakaa Yeroboam pee yayami, nɛ e ha nɛ Israel hu ya pee yayami.”

Ezekiel 16:47

Pi kaa o ya wo o nyɛmiyi ɔmɛ a nane ngɛ yayamihi nɛ a pee ɔ a mi kɛkɛ, se e yi be ko kulaa nɛ o ba puɛ wawɛɛ pe mɛ ngɛ blɔ tsuaa blɔ nɔ ngɛ o je mi bami tsuo mi.”

La 81:10

Imi ji Yawɛ, nyɛ Mawu ɔ, nɔ nɛ je nyɛ kɛ je Egipt zugba a nɔ ɔ nɛ. Nyɛɛ pa nyɛ nya mi hatoo, nɛ ma lɛ nyɛ.

Matsɛmɛ II, 21:10

Yawɛ tu munyu kɛ gu e tsɔli nɛ ji gbali ɔmɛ a nɔ, nɛ e de ke,

Ezekiel 5:7

Lɔ ɔ he ɔ, Yerusalem, bu tue; bu nɔ́ nɛ imi Nyɔmtsɛ Yawɛ, i ngɛ mo dee ɔ tue. Akɛnɛ o tue gbo pe je ma amɛ nɛ bɔle mo ɔ, nɛ ye blɔ nya tomi ɔmɛ, kɛ mlaa amɛ hu, o yi a nɔ, se mohu je ma amɛ a kusumi níhi o peeɔ ɔ,

Samuel I, 8:19

Se ma a bui Samuel tue; mohu ɔ, a de ke, “Dɛbi, ja wa ná matsɛ nɛ ye wa nɔ

Matsɛmɛ II, 16:3

se mohu e ya wo Israel matsɛmɛ ɔmɛ a nane. E ngɔ lɛ nitsɛ e binyumu po kɛ sã sami bɔ kaa bɔ nɛ je ma amɛ nɛ Yawɛ fie kɛ je Israel bi ɔmɛ a blɔ ɔ nɔ ɔ a kusumi yayami ɔmɛ ngɛ ɔ.

Ezekiel 5:6

Se Yerusalem tsɔ atuã; e yi ye mlaa amɛ a nɔ, mohu e pee yayamihi nɛ nya wa babauu pe je ma kpa amɛ nɛ bɔle lɛ ɔ. E wa tue, nɛ e bui nɔ́ ko nɔ́ ko. Yerusalem yi ye mlaa amɛ a nɔ.

Ezekiel 11:12

Kɛkɛ ɔ, nyɛ maa le kaa imi ji Yawɛ; ejakaa nyɛ yi ye mlaa amɛ, kɛ blɔ nya tomi ɔmɛ a nɔ; je ma amɛ nɛ bɔle nyɛ kɛ kpe ɔ, mɛ mohu a mlaahi a nɔ nyɛ yeɔ.”

Ezekiel 22:3

De lɛ ke bɔ nɛ imi, Nyɔmtsɛ Yawɛ i ngɛ dee ji, mo ma nɛ o pue muɔ si babauu, nɛ o puɛ amagahi nɛ o ja mɛ kɛ ble o he, o be ɔ su ta.