Matsɛmɛ II, 21:5 - BAIBLO ALOO NGMAMI KLƆUKLƆU Ɔ

⁵ Jehanɛ, e puɛ bɔ sami la tɛhi ngɔ ma kue enyɔ ɔmɛ nɛ ngɛ Yawɛ we ɔ a mi, konɛ a ja dodoehi ngɛ lejɛ ɔmɛ.

Matsɛmɛ II, 21:5 ပူးပေါင်းရင်းမြစ်များ

Matsɛmɛ I, 7:12

Matsɛ we mi kue nguaa a, kpɛti kue ɔ nɛ ngɛ Yawɛ we ɔ, kɛ wayoo ɔ nɛ ngɛ agbo ɔ nya a, tɛ nɛ a kó gbaka etɛ, kɛ seda plai gbaka kake nɛ a kɛ pee gbogbo ɔmɛ.

Matsɛmɛ II, 23:12

Bɔ sami la tɛhi nɛ Yuda matsɛmɛ ɔmɛ puɛ ngɔ ma Ahaz hiɔwe tsu ɔ yi mi, kɛ bɔ sami la tɛhi nɛ Manase puɛ ngɔ ma kue enyɔ ɔmɛ a mi ngɛ Yawɛ we ɔ, Matsɛ Yosia ku mɛ dukuduku ngɔ pue si; nɛ e muɔ zu ɔ ya wo Kidron kɔ̃ ɔ mi.

Matsɛmɛ II, 23:4

Enɛ ɔ se ɔ, Matsɛ Yosia fa osɔfo nɔkɔtɔma pe kulaa Hilkia, kɛ osɔfo wawi ɔmɛ, kɛ Yawɛ we ɔ agbo nya buli ɔmɛ ke a ya je níhi tsuo nɛ a kɛ jaa Baal, kɛ yo mawu Ashera, kɛ dodoehi ngɛ Yawɛ we ɔ kɛ ba. Matsɛ ɔ ya sã ní nɛ ɔmɛ tsuo ngɛ Yerusalem ma a nya ngɛ Kidron kɔ̃ ɔ kasa nya, nɛ e ha a muɔ la zu ɔ kɛ ho Betel ya.

Matsɛmɛ I, 6:36

Kue ɔ nɛ Salomo ma ngɛ we ɔ kpɛti ɔ gbogbo ɔmɛ ɔ, tɛ nɛ a kó gbaka etɛ, kɛ seda plai gbaka kake nɛ a kɛ pee lɛ.

Ezekiel 44:19

Ke a maa je kpo kɛ ya agbo nya je kue ɔ mi, kɛ ya he nɛ ma a ngɛ ɔ, a je tade ɔmɛ nɛ a wo kɛ sɔmɔ ɔ kɛ pue tsu klɔuklɔu ɔmɛ a mi. A wo tade kpahi, bɔ nɛ pee nɛ heha ní klɔuklɔu nɛ ɔmɛ ko ye ma a awi.

Ezekiel 43:5

Yawɛ mumi ɔ wo ye nɔ, nɛ e kɛ mi ya ma mi mi je kue ɔ mi. E hɛ mi nyami ɔ hyi we ɔ tɔ.

Ezekiel 42:3

Blɔ nɛ ngɛ tsu nɛ ɔ, kɛ kpo ɔ nɔ je nɔ́ ɔ a kpɛti ji gugue enuɔ, nɛ tsu ɔmɛ ngɛ a sibi a hanɔ. A ka tɛ ngɛ lejɛ ɔ zugba a. Agbo nya tsu nɛ ɔ, a ma lɛ siaudo etɛ, nɛ ablanaa ngɛ eko tsuaa eko hɛ mi.

Ezekiel 40:47

Nyumu ɔ susu kue nɛ ngɛ mi mi je ɔ. Kɔ nya eywiɛ ɔmɛ tsuo sɔ fiee; eko tsuaa eko kami ji gugue nyingmi enyɔ kɛ enuɔ; nɛ bɔ sami la tɛ maa si ngɛ we ɔ hɛ mi.

Ezekiel 40:37

Tsu agbo nɛ ɔ hɛ mi tsɔɔ agbo ɔ nya blɔ. A tɛni tãhi ngɛ gbogbo ɔmɛ a he ngɛ hiɔ nɔ kɛ muɔ nɔ tsuo. A kuɔɔ kpoku kpaanyɔ kɛ yaa agbo nɛ ɔ he.

Ezekiel 40:32

Nyumu ɔ kɛ mi ya gu agbo nɛ ngɛ beleku je ɔ mi kɛ ya sɛ kue nɛ ngɛ we ɔ mi ɔ mi. E susu agbo ɔ, nɛ e ngɛ kaa ekpa amɛ nɔuu.

Ezekiel 40:28

Nyumu ɔ kɛ mi ya gu agbo nɛ ngɛ leneyi je ɔ mi kɛ ya su kue nɛ ngɛ mi mi je ɔ mi. E susu agbo ɔ; enɛ ɔ hu kɛ agbo ɔmɛ nɛ ngɛ kpo nɔ je ɔ sɔ.

Kronika II, 33:15

E je ma se mawu ɔmɛ, kɛ amaga a nɛ e ngɔ ya ma Yawɛ we ɔ kɛ je lejɛ ɔ. Bɔ sami la tɛhi nɛ a pee ha mawuhi nɛ ngɛ yoku ɔ nɔ, he nɛ Yawɛ ɔ we ɔ ngɛ ɔ, kɛ ní nɛmɛ nɛ ngɛ he kpahi ngɛ Yerusalem ɔ, e je mɛ tsuo pɛpɛɛpɛ. E muɔ mɛ kɛ ho ya sake ngɔ pue ma a nya.

Kronika II, 33:5

Jehanɛ e puɛ bɔ sami la tɛhi ngɔ ma kue enyɔ ɔmɛ nɛ ngɛ Yawɛ we ɔ a mi, konɛ a ja dodoehi ngɛ lejɛ ɔmɛ.

Matsɛmɛ II, 23:6

E je amaga a nɛ a puɛ ngɔ ha yo mawu ɔ nɛ a tsɛɛ Ashera a kɛ je Yawɛ we ɔ, nɛ e ya sã lɛ ngɛ Kidron kɔ̃ ɔ mi ngɛ Yerusalem ma a nya. E wɛɛ jakati ɔ nɛ piɛ ɔ bukɔbukɔ kaa la zu, nɛ e ngɔ kɛ ya fĩa gɔ ɔ mi.

Matsɛmɛ II, 23:5

Osɔfohi nɛ Yuda matsɛmɛ ɔmɛ wo nɛ a sãã tsopa kɛ e he via ngɛ jami he ɔmɛ, ngɛ Yuda ma amɛ a mi, kɛ hehi nɛ bɔle Yerusalem kɛ kpe ɔ, Yosia kpa mɛ tsuo pɛpɛɛpɛ. Ni nɛmɛ nɛ sãã tsopa kɛ e he via kɛ haa Baal, pu, hlami, huɛhi, kɛ dodoehi hu e pee mɛ ja nɔuu.

Kronika II, 4:9

A pee kue kɛ ha osɔfo ɔmɛ, kɛ kue ngua a. A kpɛ sinya kɛ wo kue ɔmɛ a nya, nɛ a kɛ akɔblee ha sinya amɛ a he.

Ezekiel 8:16

Lɔ ɔ he ɔ, e kɛ mi ba Yawɛ we ɔ kue ɔ nɛ ngɛ mi mi je ɔ mi. Nyumuhi maa pee nyingmi enyɔ kɛ enuɔ daa si ngɛ kue ɔ, kɛ bɔ sami la tɛ ɔ a kpɛti. A plɛ a se kɛ wo Yawɛ we ɔ; a ngɔ a hɛ mi kɛ kpee beleku je, nɛ a ngɛ pu nɛ te si kɛ ma a jae.