Matsɛmɛ II, 21:4 - BAIBLO ALOO NGMAMI KLƆUKLƆU Ɔ

⁴ Yawɛ we ɔ ngɛ Yerusalem, he nɛ Yawɛ ke a ja lɛ pɛ ngɛ ɔ, Manase puɛ bɔ sami la tɛhi ngɛ lejɛ ɔ.

Matsɛmɛ II, 21:4 ပူးပေါင်းရင်းမြစ်များ

Matsɛmɛ I, 8:29

We nɛ ɔ, he nɛ o hla ngɔ to kaa a ja mo ngɛ ɔ, moo bu he nyɔ kɛ pia, konɛ ke i ba hiɛmɛ nɛ ɔ ba sɔle ɔ, o nu.

Samuel II, 7:13

Lɛ ji nɔ nɛ ma ba po we kɛ wo ye biɛ ɔ hɛ mi nyami; nɛ ma ha e matsɛ yemi ɔ maa hi si kɛ maa ya neneene.

Yeremia 32:34

We ɔ nɛ a ma nɛ a ja mi ngɛ mi ɔ tete po a ngɔ a we amagahi nɛ i hiee ɔ ya to lejɛ ɔ nɛ a kɛ ble we ɔ.

Matsɛmɛ I, 9:3

Yawɛ de lɛ ke, “I nu o kue fami ɔ. I pee we nɛ o po nɛ a ja mi ngɛ mi nɛ ɔ klɔuklɔu kɛ yaa neneene. Ma hyɛ we ɔ nɔ, nɛ ma bu he daa.

Mose V, 12:5

Yawɛ, nyɛ Mawu ɔ maa hla he kake ngɛ nyɛ wɛtso ɔmɛ tsuo a mi, nɛ e maa ngɔ e biɛ kɛ wo lejɛ ɔ kaa e si himi he nɛ a ja lɛ ngɛ.

Mose II, 20:24

Nyɛɛ ngɔ zu kɛ puɛ bɔ sami la tɛ ha mi, nɛ nyɛɛ ngɔ jijɔ, kɛ na kɛ pee sami bɔ, kɛ tue mi jɔmi bɔ ngɛ nɔ. He tsuaa he nɛ i fa nyɛ ke nyɛ ja mi ngɛ ɔ, ma ba lejɛ ɔ nɛ ma ba gbaa nyɛ.

Yeremia 32:31

Kɛ je be nɛ a bɔ ma nɛ ɔ, ye mi mi la sɔuu lɛ ma mi bi ɔmɛ ngɛ woe. I to kaa ma kpata ma a hɛ mi,

Ezekiel 23:38

Nɔ́ nɛ a pee kɛ si mi hu ji, ligbi ɔ nɛ a ble ye we klɔuklɔu ɔ, jamɛ a ligbi ɔ nɔuu a ble ye Hejɔɔmi ligbi ɔ.

Matsɛmɛ II, 23:12

Bɔ sami la tɛhi nɛ Yuda matsɛmɛ ɔmɛ puɛ ngɔ ma Ahaz hiɔwe tsu ɔ yi mi, kɛ bɔ sami la tɛhi nɛ Manase puɛ ngɔ ma kue enyɔ ɔmɛ a mi ngɛ Yawɛ we ɔ, Matsɛ Yosia ku mɛ dukuduku ngɔ pue si; nɛ e muɔ zu ɔ ya wo Kidron kɔ̃ ɔ mi.

Matsɛmɛ II, 23:27

Yawɛ de ke, “Ma kpata Yuda hɛ mi kaa bɔ nɛ i pee Israel ɔ; nɛ ma kua Yerusalem, ma nɛ i hla a, kɛ we ɔ nɛ i de ke lejɛ ɔ ji he nɛ i to nɛ a ja mi ngɛ ɔ.”

Kronika II, 6:5

‘Kɛ je be nɛ i jé ye ma Israel kɛ je Egipt ɔ, i hla we ma ko ma ko kɛ ji Israel wɛtso ko mi nɛ a po we ha mi, nɛ a ja mi ngɛ lejɛ ɔ; nɛ i hla we nɔ ko nɔ ko nɛ ba ye ganɔ ngɛ ye ma Israel ɔ nɔ.

Kronika II, 6:6

Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”

Yeremia 7:30

“Yuda bi ɔmɛ pee yayami. A ngɔ a we amagahi nɛ i hiee ɔ ba to ye we ɔ nɛ a kɛ ble we ɔ.

Yeremia 32:35

A ya ma bɔ sami la tɛhi ha Baal ngɛ Hinom kɔ̃ ɔ mi, konɛ a ngɔ a binyumu ɔmɛ, kɛ a biyi ɔmɛ kɛ sã bɔ ha mawu ɔ nɛ a tsɛɛ lɛ Molek ɔ. I wui mɛ mlaa ke a pee nɔ́ ko kaa kikɛ nɛ ɔ; e bɛ ye yi mi po hyɛ kaa a maa pee nɔ́ ko kaa kikɛ nɛ ɔ nɛ a kɛ ha nɛ Yuda ma a nɛ pee yayami.”

Ezekiel 23:39

Ejakaa benɛ a gbe ye bimɛ ɔmɛ ha a we amaga amɛ ɔ, a ba ye he klɔuklɔu ɔ jamɛ a ligbi ɔ nɔuu, nɛ a ba ble lejɛ ɔ!