Matsɛmɛ II, 21:3 - BAIBLO ALOO NGMAMI KLƆUKLƆU Ɔ

³ Jami hehi nɛ e tsɛ Hezekia gbɛ ɔ, e kpale dla mɛ ekohu. E ma bɔ sami la tɛhi kɛ ha Baal, nɛ e puɛ amaga kɛ ha yo mawu ɔ nɛ a tsɛɛ Ashera a kaa bɔ nɛ Israel matsɛ, Ahab pee ɔ. E ja dodoehi hulɔ.

Matsɛmɛ II, 21:3 ပူးပေါင်းရင်းမြစ်များ

Matsɛmɛ II, 18:4

E gbɛ jami he ɔmɛ, nɛ e ywia amaga a nɛ a puɛ kɛ ha yo mawu ɔ nɛ a tsɛɛ Ashera a, kɛ amaga kpa amɛ tsuo. Akɔblee sinɔ ɔ nɛ Mose pee, nɛ a tsɛɛ lɛ Nehushtan ɔ, lɔ ɔ hu e ywia lɛ tsɔkɔtsɔkɔ; ejakaa kɛ ba si jamɛ a be ɔ mi ɔ, Israel bi ɔmɛ jɔɔ we tsopa kɛ e he via sami kɛ ha akɔblee sinɔ ɔ.

Matsɛmɛ II, 17:16

Mlaahi nɛ Yawɛ, a Mawu ɔ wo mɛ ɔ, a yi ekoeko nɔ; se mohu a ngɔ dade nɛ a sle kɛ pee na bi enyɔ kɛ ha a he. A pee Ashera, nɛ a ja hiɔwe níhi tsuo; a ja Baal hulɔ.

Mose V, 17:3

lɔ ɔ ji kaa e ya ja mawu kpahi, pu, nyɔhiɔ kɛ dodoehi, nɛ e sɔmɔ mɛ, nɛ e kɛ tɔ̃ Yawɛ mlaa a nɔ.

Mose V, 4:19

Nyɛ ko ha níhi nɛ nyɛ ngɛ hyɛe ngɛ hiɔwe ɔ, pu, nyɔhiɔ, kɛ dodoehi babauu nɛ ha si ngɛ hiɔwe nɛ ɔ nɛ gbla nyɛ juɛmi kɛ ya ja mɛ, nɛ nyɛ sɔmɔ mɛ. Ejakaa Yawɛ, nyɛ Mawu ɔ ngɔ mɛ ngɔ ha ma amɛ tsuo nɛ ngɛ je ɔ mi ɔ.

Mika 6:16

Ní nɛ ɔmɛ maa ba mi, ejakaa nyɛ ya ye Matsɛ Omri mlaa amɛ a nɔ, nɛ níhi nɛ e bi Ahab pee ɔ, nyɛ hu nyɛ pee jamɛ a ní ɔmɛ nɔuu. Nyɛ ya nyɛɛ a blɔ yayami ɔmɛ a nɔ. Enɛ ɔ he je ɔ, ma kpata nyɛ hɛ mi pɛsɛpɛsɛ. Je ma amɛ ma li nyɛ, nɛ a maa ye nyɛ he fɛu; nɔ tsuaa nɔ nɛ maa na nyɛ ɔ maa hie nyɛ.” Yawɛ lɛ de.

Hiob 31:26

Pu nɛ tsoɔ saminyayoo, kɛ nyɔhiɔ nɛ kpɛɔ saminyayoo nɛ ɔ, i ja we mɛ hyɛ.

Kronika II, 34:3

Yosia matsɛ yemi be ɔ jeha nɛ ji kpaanyɔ ɔ mi ɔ, be mi nɛ e wɛ saasaa a, e bɔni e nɛ̃ David Mawu ɔ jami. Jeha nɛ ji nyɔngma kɛ enyɔ ɔ mi ɔ, e bɔni jami he ɔmɛ nɛ ngɛ Yerusalem kɛ Yuda a gbɛmi; e ywia yo mawu ɔ nɛ a tsɛɛ Ashera a we amaga amɛ, kɛ amaga kpa amɛ tsuo.

Kronika II, 32:12

Anɛ pi Hezekia nɛ ɔ nɔuu nɛ ku Yawɛ jami he ɔmɛ, kɛ bɔ sami la tɛ ɔmɛ ngɔ pue si, nɛ pee se ɔ, e de Yuda bi ɔmɛ, kɛ Yerusalem bi ɔmɛ ke a ja Yawɛ, nɛ a sã tsopa kɛ e he via ha lɛ ngɛ bɔ sami la tɛ kake pɛ nɔ lo?

Matsɛmɛ II, 18:22

Asiria asafoatsɛ ɔ ya nɔ nɛ e de ke, “Aloo o ma de mi ke o ngɔ o hɛ ngɔ fɔ Yawɛ, o Mawu ɔ nɔ? Anɛ pi Yawɛ jami he ɔmɛ, kɛ bɔ sami la tɛ ɔmɛ nɛ Hezekia ywia, benɛ e de Yuda kɛ Yerusalem ke a ya ja Mawu ngɛ bɔ sami la tɛ ɔ nɛ ngɛ Yerusalem ɔ pɛ e hɛ mi ɔ lo?

Matsɛmɛ II, 8:27

Ahazia ngatsɛ ji matsɛ Ahab. Nɛ kaa bɔ nɛ Ahab we ɔ pee ɔ, Ahazia hu ya wo Israel matsɛmɛ ɔmɛ a nane, nɛ e pee yayami kɛ si Yawɛ.

Matsɛmɛ II, 8:18

E ngɔ Ahab biyo; nɛ kaa bɔ nɛ Ahab we ɔ pee ɔ, lɛ hu e ya wo Israel matsɛmɛ ɔmɛ a nane, nɛ e pee yayami kɛ si Yawɛ.

Matsɛmɛ I, 18:26

A nu na ku ɔ nɛ a ha mɛ ɔ, nɛ a pee lɛ kaa bɔ nɛ Eliya de mɛ ɔ; a fa kue ha Baal kɛ je mɔtu kɛ ya si piani. A kpa huhui ke, “Baal lee, moo bu wɔ tue oo!” Jamɛ a be ɔ mi ɔ, a ngɛ hlue kɛ ngɛ bɔ sami la tɛ ɔ nɛ a puɛ ɔ bɔlee. Se nɔ ko he we nɔ.

Matsɛmɛ I, 18:21

Eliya hɛ lɛ kɛ su ma a he, nɛ e bi mɛ ke, “Kɛ yaa si mɛni be loko nyɛ maa pee nyɛ juɛmi ngɛ nɔ́ enyɔ nɛ ɔmɛ a he? Ke Yawɛ ji Mawu ɔ, nyɛ ja lɛ; ke Baal ji Mawu ɔ, nyɛ ja lɛ.” Se ma a ha we lɛ heto.

Mose V, 16:21

“Ke nyɛ ma bɔ sami la tɛ ha Yawɛ, nyɛ Mawu ɔ, nyɛ ko ngɔ yo Ashera a mawu we amaga nɛ a kɛ tso kpɛ kɛ ma e kasa nya.

Mose V, 17:2

“Alini, nyɛ maa nu ngɛ nyɛ ma amɛ nɛ Yawɛ, nyɛ Mawu ɔ ngɔ kɛ ngɛ nyɛ hae ɔ ekomɛ a mi kaa nyumu ko, loo yo ko pee yayami kɛ si Yawɛ, nyɛ Mawu ɔ; e ya yi Yawɛ somi ɔ nɔ, nɛ e tɔ̃;

Mose V, 20:18

Gbee mɛ, konɛ a ko ba tsɔɔ mo a musu ní ɔmɛ nɛ a peeɔ nɛ a kɛ jaa mawu kpahi ɔ, nɛ o kɛ enɛ ɔ ba pee yayami kɛ si Yawɛ, o Mawu ɔ.

Yeremia 7:30

“Yuda bi ɔmɛ pee yayami. A ngɔ a we amagahi nɛ i hiee ɔ ba to ye we ɔ nɛ a kɛ ble we ɔ.

Matsɛmɛ II, 13:6

Se yayamihi nɛ Matsɛ Yeroboam ha nɛ Israel pee ɔ, a ngmɛɛ we he; a tsa nɔ mohu. Jehanɛ, yo mawu Ashera amaga a hu maa si ngɛ Samaria kɛ mwɔɔ.

Yesaya 65:11

“Se nyɛ nihi nɛ kuaa imi Yawɛ, nɛ nyɛ hɛ jeɔ ye yo klɔuklɔu ɔ nɔ ɔ, nyɛɛ lɛɛ nyɛ nɔ́ maa slo. Nyɛ nihi nɛ nyɛ ngmɛɔ okplɔɔ kɛ haa mawu nɛ haa nɔ siade, kɛ nyɛ nihi nɛ nyɛ ngɔɔ wai nɛ a futu kɛ sãã bɔ ha mawu nɛ tsɔɔ nyɛ nɔ́ nɛ maa ba nyɛ nɔ ngɛ je mi,