Matsɛmɛ II, 21:2 - BAIBLO ALOO NGMAMI KLƆUKLƆU Ɔ

² Je ma amɛ nɛ Yawɛ fie kɛ je Israel bi ɔmɛ a blɔ mi ɔ, Manase ya nyɛɛ a ní yayami ɔmɛ a se, nɛ e pee yayami kɛ si Yawɛ.

Matsɛmɛ II, 21:2 ပူးပေါင်းရင်းမြစ်များ

Ezekiel 16:51

“Samaria pee we yayamihi nɛ o pee ɔ a mi fa tete po; ní yayamihi nɛ o pee ɔ hiɛ babauu pe e ní ɔmɛ. Ke a ngɔ mo kɛ to o nyɛmiyi ɔmɛ a he ɔ, ní yayamihi tsuo nɛ o pee ɔ ha nɛ e peeɔ kaa nɔ́ nɛ o nyɛmimɛ ɔmɛ yeɔ nguɔ!

Yeremia 15:4

Nɔ́ nɛ Yuda matsɛ, Manase, Hezekia bi ɔ pee benɛ e ngɛ tsɛ yee ngɛ Yerusalem he je ɔ, ma gbla a tue wawɛɛ nitsɛ, nɛ nɔ́ nɛ ɔ ma ha nɛ je ma amɛ tsuo maa ye gbeye.”

Kronika II, 36:14

Jehanɛ se hu, Yuda ma nimeli ɔmɛ, osɔfo ɔmɛ, kɛ ma a tsuo pee yayami kɛ si Yawɛ. A ya sɔmɔ je ma amɛ nɛ bɔle mɛ ɔ a mawu ɔmɛ, nɛ a kɛ nɔ́ nɛ ɔ ble Yawɛ we ɔ nɛ lɛ Yawɛ ɔ nitsɛ pee klɔuklɔu ngɛ Yerusalem ɔ.

Matsɛmɛ II, 22:17

A kua mi, nɛ a ya sã tsopa kɛ e he via kɛ ha mawu kpahi. A kɛ níhi nɛ a pee nɛ ɔ tsuo wo ye mi mi la wawɛɛ nitsɛ, nɛ e nya be si bae.

Matsɛmɛ II, 21:16

Ngɛ yayamihi nɛ Manase ha nɛ Yuda pee kɛ si Yawɛ ɔ se ɔ, e pue nihi babauu nitsɛ nɛ pee we nɔ́ ko a muɔ si; nɛ Yerusalem he tsuaa he hyi kɛ muɔ.

Matsɛmɛ II, 21:7

Ashera amaga a nɛ e pee ɔ, e ngɔ ya ma Yawɛ we ɔ. Yawɛ kɛ David, kɛ e binyumu Salomo tu we nɛ ɔ he munyu hyɛ, nɛ e de ke, “I hla we nɛ ɔ ngɛ Yerusalem kɛ je Israel wɛtso ɔmɛ tsuo a kpɛti ngɔ to kaa he nɛ sa nɛ a ja mi ngɛ daa.

Mose V, 12:31

Nyɛ ko ja Yawɛ, nyɛ Mawu ɔ kaa a jaa a mawu ɔmɛ; ejakaa ngɛ a mawu ɔmɛ a jami mi ɔ, a peeɔ níhi nɛ a hĩɔ, nɛ́ Yawɛ sume ɔ tsuo. A bimɛ po a sãã ngɛ la mi ngɛ bɔ sami la tɛ ɔmɛ a nɔ.

Matsɛmɛ II, 21:11

“Yuda matsɛ, Manase tsu musu ní; e pee yayami nɛ nya wa kulaa pe níhi tsuo nɛ Kanaan bi ɔmɛ pee ɔ. Jehanɛ se hu, e ha nɛ Yuda ya ja amaga, nɛ a pee yayami.

Matsɛmɛ II, 21:20

Amon pee yayami kɛ si Yawɛ kaa bɔ nɛ e tsɛ Manase pee ɔ.

Matsɛmɛ II, 23:32

E ya wo e nɛmɛ ɔmɛ a nane, nɛ e pee yayami kɛ si Yawɛ.

Matsɛmɛ II, 24:9

Yehoyakin ya wo e tsɛ nane, nɛ e pee yayami kɛ si Yawɛ.

Fiɛlɔ 9:18

Nile hi pe ta hwumi níhi. Se yayami peelɔ kake kpataa ní kpakpahi babauu a hɛ mi.

Yesaya 66:4

Lɔ ɔ he ɔ, imi hu ma ha amanehlu nɛ a ngɛ gbeye yee ɔ maa ba a nɔ. Ejakaa i tsɛ mɛ, se nɔ ko nɔ ko he we nɔ; i tu munyu, se a bui tue fɛɛ. Yayami mohu a pee ngɛ ye hɛ mi; nɛ níhi nɛ sɛ ye hɛ mi ɔ, lɔ ɔmɛ mohu a he a nya.”

Matsɛmɛ II, 17:2

E pee yayami kɛ si Yawɛ, se e yayami ɔ sui Israel matsɛmɛ ɔmɛ nɛ nyɛɛ e hɛ mi ɔ a nɔ́ ɔ.

Matsɛmɛ II, 21:21

E ya wo e tsɛ nane ngɛ nɔ́ tsuaa nɔ́ mi, nɛ e ja amagahi nɛ e tsɛ ja a.

Ezekiel 11:12

Kɛkɛ ɔ, nyɛ maa le kaa imi ji Yawɛ; ejakaa nyɛ yi ye mlaa amɛ, kɛ blɔ nya tomi ɔmɛ a nɔ; je ma amɛ nɛ bɔle nyɛ kɛ kpe ɔ, mɛ mohu a mlaahi a nɔ nyɛ yeɔ.”

Ezekiel 22:3

De lɛ ke bɔ nɛ imi, Nyɔmtsɛ Yawɛ i ngɛ dee ji, mo ma nɛ o pue muɔ si babauu, nɛ o puɛ amagahi nɛ o ja mɛ kɛ ble o he, o be ɔ su ta.