Matsɛmɛ II, 20:3 - BAIBLO ALOO NGMAMI KLƆUKLƆU Ɔ

³ “Yawɛ lee, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

Matsɛmɛ II, 20:3 ပူးပေါင်းရင်းမြစ်များ

Nehemia 13:22

Kɛkɛ nɛ i fa Levi bi ɔmɛ ke a tsukɔ a he, nɛ a ya bu agbo ɔmɛ a nya, bɔ nɛ pee nɛ a ye Hejɔɔmi ligbi ɔ klɔuklɔu. Ye Mawu lee, mo kai mi ngɛ enɛ ɔ hu he, nɛ o baa ye yi ngɛ o suɔmi agbo nɛ ngɛ daa a he.

Nehemia 13:14

Mawu, i kpa mo pɛɛ, mo kai ní nɛ ɔmɛ tsuo nɛ i pee ɔ. Ni kpakpahi tsuo nɛ i pee kɛ ha o we ɔ, kɛ bɔ nɛ i sɔmɔ mo ɔ, o hɛ ko je nɔ.

Nehemia 5:19

Mawu lee, i ngɛ mo pɛɛ kpae, mo kai nɛ o gbaa mi ngɛ níhi tsuo nɛ i pee kɛ ha ma nɛ ɔ he.

Nehemia 13:31

I to blɔ nya, konɛ a ngɔ lɛ́ nɛ a kɛ maa sã bɔ ɔ kɛ ba ngɛ be nɔ. I to be hu nɛ a maa ngɔ a kekleekle ngmɔ niba ní ɔmɛ kɛ ba. Ye Mawu, mo kai ní nɛ ɔmɛ tsuo, nɛ o ha nɛ e hi ha mi.

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

Matsɛmɛ I, 8:61

Nyɛ, e ma a, nyɛɛ ye Yawɛ, wa Mawu ɔ anɔkuale daa, nɛ nyɛɛ ye e mlaa amɛ, kɛ blɔ nya tomi ɔmɛ tsuo a nɔ kaa bɔ nɛ nyɛ ngɛ pee mwɔnɛ nɛ ɔ.”

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

Yohane 1:47

Benɛ Yesu na Natanael nɛ ma e ngɔ ɔ, e de ke, “Israel no ngmingmiingmi ji nɛ ɔ nɛ; sé ko be e he.”

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Yesaya 63:11

Kɛkɛ nɛ ma a kai blema, Yawɛ tsɔlɔ Mose be ɔ, nɛ a bi ke, “Yawɛ nɛ́ je ma a, kɛ a hɛ mi nyɛɛli ɔmɛ kɛ je wo ɔ mi ɔ, jije e ngɛ? Jije nɔ nɛ ngɔ e mumi klɔuklɔu ɔ kɛ wo a mi ɔ ngɛ?

Yesaya 38:14

Ye gbi mia, he wami ko be hu. I ngɛ kɛmɛe kaa beleku lahuɛ. I hyɛ hiɔwe hluu kɛ ya si pɔ tɔ ye hɛngmɛ he. Nyɔmtsɛ, i kpa mo pɛɛ, e fi mi; jé mi kɛ je haomi nɛ ɔ mi.

La 145:18

Nɔ tsuaa nɔ nɛ tsɛɔ Yawɛ ngɛ anɔkuale mi ɔ, Yawɛ hɛɛ lɛ kɛ suu e he.

La 119:49

Mo kai si nɛ o wo imi, o tsɔlɔ ɔ; ejakaa i ngɔ ye hɛ kɛ fɔ nɔ.

La 102:9

Ye niye ní ɔ, la zu sɔuu; nɔ nɛ i nuɔ ɔ, vo nyu futu mi,

La 89:50

Nyɔmtsɛ, ahlua nɛ a ngɛ o tsɔli ɔmɛ bɔe ɔ, o hɛ ko je nɔ. Jɛmihi tsuo nɛ a ngɛ mi jɛe ɔ, i ma ye nya ngɔ to nɔ.

La 89:47

Mo kai kaa ye wami be ɔ ngɛ kuku. Mɛni he je lɛ o bɔ nɔmlɔ adesa yaka gu ɔ?

La 32:2

A gbaa nɔ nɛ Yawɛ nɛ yayami ko ngɛ e he; nɔ nɛ sisi we nɔ.

La 25:7

Yawɛ, yayamihi nɛ i pee, kɛ tɔmihi nɛ i tɔ ngɛ ye nihe mi ɔ, ko kai hu. Mohu ɔ, o suɔmi nɛ ngɛ daa, kɛ kpakpa nɛ o peeɔ he je ɔ, o hɛ ko je ye nɔ.

La 6:6

Kɔmɔ yemi sɔuu ha nɛ i gbɔjɔ; daa nyɔ mi ɔ, ye sa pɔɔ kɛ vo nyu sɔuu; daa nyɔ mi ɔ, i foɔ ya kɛ pɔɔ ye sɔne.

Hiob 1:8

Yawɛ bi lɛ ke, “Anɛ o to ye tsɔlɔ Hiob he hɛ kaa nɔ ko nɔ ko be je ɔ mi nɛ da, nɛ yeɔ anɔkuale kɛ lɛ sɔ lo? E jaa mi, nɛ e pee we nɔ́ nɛ dɛ blɔ kɔkɔɔkɔ.”

Hiob 1:1

Nyumu ko hi si ngɛ Uz zugba a nɔ; e biɛ ji Hiob. E jaa Mawu, nɛ e yeɔ lɛ anɔkuale. Nyumu nɛ ɔ, nɔmlɔ kpakpa ji lɛ; e pee we nɔ́ nɛ dɛ blɔ kɔkɔɔkɔ.

Kronika II, 16:9

Yawɛ hɛngmɛ ngɛ je ɔ tsuo he; nihi nɛ yeɔ lɛ anɔkuale ɔ, e woɔ mɛ he wami. O je kuasia. Lɔ ɔ he ɔ, kɛ je mwɔnɛ ɔ kɛ yaa a, ta maa nyɛɛ o se daa nɛ.”

Matsɛmɛ I, 15:14

E ngɛ mi kaa Asa puɛ we wɔ jami he ɔmɛ tsuo lɛɛ, se e nyɛɛ Yawɛ se kɛ pi si e wami be ɔ tsuo.

Matsɛmɛ I, 11:4

nɛ benɛ e ba bwɔ ɔ, a ha nɛ e bɔni mawu kpahi jami. Salomo yi Yawɛ, e Mawu ɔ anɔkuale kɛ pi si kaa bɔ nɛ e tsɛ David pee ɔ.

Matsɛmɛ I, 3:6

Salomo he nɔ ke, “O na tsaatsɛ David, o tsɔlɔ ɔ mɔbɔ babauu; ejakaa e ye mo anɔkuale, nɛ e pee nɔ́ nɛ da, nɛ e kɛ mo hi si saminya kɛ tsui mi faa. O mɔbɔ nami nɛ se pui nɛ ɔ tsa nɔ kɛ ba si o ha lɛ binyumu nɛ ba ngɛ tsɛ yee ngɛ e se mwɔnɛ nɛ ɔ.

Matsɛmɛ I, 2:4

Ke o bu Yawɛ tue ɔ, si ko nɛ e wo benɛ e de mi ke, ke ye binyumu ɔmɛ maa hyɛ a he nɔ saminya, nɛ a maa ye e mlaa amɛ a nɔ anɔkuale mi kɛ a tsui tsuo, kɛ a klaa tsuo ɔ, lɛɛ nɔ nɛ maa hi Israel matsɛ sɛ ɔ nɔ be mi bɔe ɔ, Yawɛ hu maa ye jamɛ a e siwo ɔ nɔ.

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

Mose I, 8:1

Mawu kai Noa kɛ lohwe ɔmɛ tsuo nɛ e kɛ mɛ ngɛ lɛ ɔ mi ɔ; Mawu ha nɛ kɔɔhiɔ ko ba fia, nɛ nyu ɔ bɔni miimi.

Mose I, 5:24

Enok kɛ Mawu hi si saminya e wami be ɔ tsuo. Lɔ ɔ se ɔ, a nɛ lɛ hu; ejakaa Mawu ba ngɔ lɛ kɛ ho.

Mose I, 5:22

Nɛ́ a fɔ Metusela se ɔ, Enok kɛ Mawu hi si saminya jeha 300. E fɔ binyumuhi kɛ biyi kpahi,

Hebribi 5:7

Benɛ Yesu ngɛ he lo mi ɔ, ngmlaa, kɛ hɛ mi vo nyu nɛ e kɛ kpa Mawu, nɔ pɛ nɛ ma nyɛ je lɛ kɛ je gbenɔ mi ɔ pɛɛ. Akɛnɛ e yeɔ Mawu gbeye he je ɔ, Mawu hu bu lɛ tue.

Matsɛmɛ I, 9:4

Ke o ma sɔmɔ mi kɛ o tsui tsuo, nɛ o maa ye mi anɔkuale kaa bɔ nɛ o tsɛ David pee ɔ; nɛ o maa ye ye mlaa amɛ a nɔ, nɛ o maa pee nɔ́ tsuaa nɔ́ nɛ i fa mo ke o pee ɔ;

Matsɛmɛ II, 20:2

Hezekia plɛ e hɛ mi ngɔ wo gbogbo nɛ e fa kue ha Yawɛ nɛ e de ke,

Matsɛmɛ II, 20:4

Yesaya je matsɛ ɔ he. Se benɛ e na we nɛ e je kpo ngɛ matsɛ we ɔ kpɛti kue ɔ mi ɔ, Yawɛ de lɛ ke

La 26:1

Yawɛ, wo mi nguɔ, ejakaa i peeɔ nɔ́ nɛ da; i ngɔ ye hɛ kɛ fɔ o nɔ kulaa.

La 26:3

Ejakaa o suɔmi nɛ ngɛ daa a lɛ kpakaa mi; o we anɔkuale ɔ lɛ tsɔɔ mi blɔ.

Matsɛmɛ I, 8:23

nɛ e sɔle ke, “Yawɛ, Israel Mawu lee, mawu ko mawu ko be hiɔwe, loo zugba nɛ ngɛ kaa mo! Somi nɛ o kɛ o ma a so ɔ, o yeɔ nɔ; nɛ ke a bu mo tue kɛ a tsui tsuo ɔ, o jeɔ o suɔmi nɛ se pui ɔ kpo ngɔ tsɔɔ mɛ.

Hiob 4:6

Tse o jaa Mawu! Anɛ lɔ ɔ wui mo bua lo? O peeɔ nɔ́ nɛ da blɔ! Anɛ lɔ ɔ ha we mo hɛ nɔ kami lo?

Hiob 16:20

Ye huɛmɛ ɔmɛ yeɔ ye he fɛu, se i faa kue haa Mawu kɛ vo nyu.

La 6:7

Ye he nyɛli ɔmɛ haoɔ mi. Kɔmɔ yemi sɔuu puɛ ye hɛngmɛ, nɛ i hyɛ we nɔ́ kpakpa ko hu.

La 39:13

Ngmɛɛ ye he nɛ ma na bua jɔmi, loko ma je hiɛmɛ nɛ ɔ nɛ i pa be wami nɛ ɔ mi hie hu ɔ.

La 119:26

I jaje níhi nɛ i pee ɔ tsuo kɛ tsɔɔ mo, nɛ o he mi nɔ; tsɔɔ mi o mlaa amɛ.

Amos 5:4

Bɔ nɛ Yawɛ ngɛ Israel ma a dee ji nɛ ɔ nɛ: “Nyɛɛ kpale kɛ ba nɛ nyɛ ba pee ye ma ekohu, konɛ nyɛ yi nɛ na wami.