Matsɛmɛ II, 20:12 - BAIBLO ALOO NGMAMI KLƆUKLƆU Ɔ

¹² Jamɛ a be ɔ mi nɔuu ɔ, Babilonia matsɛ, Merodak Baladan, Baladan binyumu ɔ nu kaa Hezekia be he wami. Lɔ ɔ he ɔ, e ngma womi ngɔ piɛ nike ní he nɛ e tsɔ ke a ngɔ ya ha lɛ.

Matsɛmɛ II, 20:12 ပူးပေါင်းရင်းမြစ်များ

Kronika II, 32:31

Benɛ ni ɔmɛ nɛ Babilonia ganɔ ɔmɛ tsɔ kɛ ba Hezekia ngɔ ba bi lɛ sane ngɛ nyakpɛ níhi nɛ ba zugba a nɔ ɔ a he pohu ɔ, Mawu ngmɛɛ Hezekia jemi he ngɔ ha lɛ. Mawu pee kikɛmɛ a nɔ́ nɛ ɔ konɛ e kɛ ka lɛ, nɛ e kɛ na nɔ́ tsuaa nɔ́ nɛ ngɛ e tsui mi.

Yesaya 14:4

Ke Yawɛ pee enɛ ɔ, nyɛ Israel bi ɔmɛ hu nyɛ maa ye Babilonia matsɛ ɔ he fɛu ke, “Matsɛ yiwutsotsɛ ɔ nɔ si! E be nɔ ko nɔ ko yi mi wae hu.

Yesaya 13:19

Babilonia nɔ yemi ɔ ji nɔ yemi ko nɛ hɛ mi ngɛ nyami pe kulaa; nɛ lɔ ɔ he ɔ, e mi bi ɔmɛ fĩaa. Se imi Yawɛ, ma kpata Babilon hɛ mi pɛsɛpɛsɛ kaa bɔ nɛ i pee Sodom kɛ Gomora a!

Yesaya 13:1

Sɛ gbi nɛ kɔɔ Babilon tue gblami he nɛ Mawu ngɔ ha Yesaya, Amoz bi ɔ, ngɛ nina mi ji nɛ ɔ nɛ.

Samuel II, 8:10

e tsɔ e binyumu Yoram ya nga David, nɛ e ha lɛ ayekoo kaa e kɛ Hadadezer hwu ta nɛ e ye e nɔ kunimi; ejakaa lɛ Toi ɔ nitsɛ e kɛ Hadadezer hwu ta hluu. Yoram hɛɛ sika hiɔ, sika tsu, kɛ akɔblee nike níhi kɛ ho.

Mose I, 11:9

A wo ma a biɛ ke Babilon, ejakaa lejɛ ɔ Yawɛ tsaka ni ɔmɛ a gbi ɔ ngɛ, nɛ e gbɛ mɛ ngɔ fĩa je ɔ mi tsuo.

Mose I, 10:10

Kekleekle ɔ, Nimrod nɔ yemi he ɔmɛ ji Babilon, Erek, kɛ Akad ngɛ Babilonia zugba a nɔ.

Kronika II, 32:25

Se kpakpa nɛ ɔ nɛ a pee Hezekia a, e nɛ Yawɛ si, nɛ e je we Yawɛ yi kɛ to nane mi; mohu ɔ, e wo e he nɔ. Enɛ ɔ he je ɔ, Yawɛ mi mi fu lɛ, kɛ Yuda, kɛ Yerusalem.