Matsɛmɛ II, 20:10 - BAIBLO ALOO NGMAMI KLƆUKLƆU Ɔ

¹⁰ Hezekia he nɔ ke, “E wɛ kulaa kaa o ma ha nɛ nini ɔ nɛ ya e hɛ mi nane hiami nyɔngma; ha nɛ e ba se nane hiami nyɔngma.”

Matsɛmɛ II, 20:10 ပူးပေါင်းရင်းမြစ်များ

Yohane 14:12

I ngɛ nyɛ dee anɔkuale mi ke, nɔ tsuaa nɔ nɛ heɔ mi yeɔ ɔ, níhi nɛ i tsuɔ kɛ toɔ okadi ɔ, lɛ hu e ma tsu. Ee, e maa pee níhi nɛ pe enɛ ɔmɛ tete po, ejakaa i je kɛ yaa Tsaatsɛ ngɔ.

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

Matsɛmɛ II, 3:18

Elisha ya nɔ nɛ e de ke, “Nɔ́ nɛ ɔ peemi pi nɔ́ ko kulaa nɛ he wa ha Yawɛ. Yawɛ maa ngɔ Moab bi ɔmɛ hu kɛ wo nyɛ dɛ mi.

Matsɛmɛ II, 2:10

Eliya de lɛ ke, “O bi nɔ ko nɛ he wa; se kɛ̃ ɔ, ke o na nɛ a ngɔ mi kɛ je o ngɔ kɛ yaa a, nɔ́ nɛ o bi ɔ maa ba mi ha mo. Se ke o nɛ mi ɔ, lɛɛ e be mi bae.”

Matsɛmɛ II, 20:9

Yesaya he nɔ ke, “Yawɛ ma ha mo okadi nɛ e kɛ tsɔɔ kaa si nɛ e wo mo ɔ, e maa ye nɔ. Anɛ o suɔ kaa nini ɔ nɛ ngɛ pu ngmlɛ ɔ nɔ ɔ nɛ ya e hɛ mi nane hiami nyɔngma, aloo e ba se nane hiami nyɔngma lo?”

Matsɛmɛ II, 20:11

Gbalɔ Yesaya fa kue ha Yawɛ, nɛ Yawɛ ha nɛ nini ɔ nɛ ngɛ pu ngmlɛ ɔ nɛ Matsɛ Ahab pee ɔ nɔ ɔ kpale kɛ ba se nane hiami nyɔngma.

Yoshua 10:12

Jamɛ a ligbi ɔ nɛ́ Yawɛ ha Israel ye Amor bi ɔmɛ a nɔ kunimi ɔ, Yoshua kɛ Yawɛ tu munyu ngɛ Israel bi ɔmɛ a hɛ mi, nɛ e de ke, “Pu, da si ngɛ Gibeon, nɛ mo nyɔhiɔ hu, da si ngɛ Aiyalon kɔ̃ ɔ mi.”

Yoshua 10:13

Kɛkɛ nɛ pu ɔ da si, nɛ nyɔhiɔ ɔ hu mimiɛ we e he kɛ ya su be nɛ Israel ma a ye a he nyɛli ɔmɛ a nɔ. A ngma nɔ́ nɛ ɔ ngɛ Yashar Womi ɔ mi. Pu ɔ da si ngɛ hiɔwe ligbi mluku kake, nɛ e ya nɔɛ si.