Matsɛmɛ II, 20:1 - BAIBLO ALOO NGMAMI KLƆUKLƆU Ɔ

¹ Jamɛ a be ɔ mi ɔ, Hezekia ba nu hiɔ, nɛ e miɔ nɛ e ma gbo. Kɛkɛ nɛ gbalɔ Yesaya, Amoz binyumu ɔ ya nɛ e ya de lɛ ke, “Bɔ nɛ Yawɛ de ji nɛ ɔ nɛ: ‘Moo to o níhi blɔ nya ngɛ o we ɔ, ejakaa o yi be wami nae; o ma gbo.’ ”

Matsɛmɛ II, 20:1 ပူးပေါင်းရင်းမြစ်များ

Filipibi 2:27

Niinɛ, e nu hiɔ wawɛɛ, nɛ e piɛ nguɛ nya nɛ e gbo. Se Mawu na lɛ mɔbɔ; pi lɛ kɛkɛ, se mohu imi hulɔ; e je mi kɛ je kɔmɔ yemi babauu mi.

Matsɛmɛ II, 19:20

Kɛkɛ nɛ Amoz binyumu Yesaya tsɔ ke a ya de Hezekia ke, “Yawɛ, Israel Mawu ɔ ke, kue nɛ o fa ha lɛ ngɛ Asiria matsɛ, Senakerib he ɔ, e nu.

Samuel II, 17:23

Benɛ Ahitofel na kaa a yi ga nɛ e wo ɔ nɔ ɔ, e wo e teji nɔ ní, nɛ e je kɛ ho lɛ nitsɛ e ma mi ya. Benɛ e to e níhi a blɔ nya gbe nya a, e ho nɛ e ya wo e kuɛ kpa; nɛ a pu lɛ ngɛ e tsɛ yɔkɔ ɔ mi.

Filipibi 2:30

Ejakaa Kristo ní tsumi ɔ he ɔ, e piɛ nguɛ nya nɛ e sake e he lo ngɔ fɔ he. Se e pee enɛ ɔ tsuo kɛ sɔmɔ mi ngɛ nyɛ nane mi.

Matsɛmɛ II, 19:2

E tsɔ Eliakim, matsɛ we ɔ nɔ hyɛlɔ ɔ, kɛ Shebna, matsɛ pɛdiyo ɔ, kɛ osɔfo nikɔtɔma amɛ kɛ ya gbalɔ Yesaya, Amoz binyumu ɔ ngɔ. Mɛ hu a bu kpekpe ya bo.

Matsɛmɛ II, 20:2

Hezekia plɛ e hɛ mi ngɔ wo gbogbo nɛ e fa kue ha Yawɛ nɛ e de ke,

Mose V, 31:14

Enɛ ɔ se ɔ, Yawɛ de Mose ke, “O gbenɔ be su ta. Mo tsɛ Yoshua nɛ o kɛ lɛ nɛ ba bo tsu ɔ mi, konɛ ma tsɔɔ lɛ bɔ nɛ e pee.” Mose kɛ Yoshua ya bo tsu ɔ mi.

Mose V, 31:16

Yawɛ de Mose ke, “E be kɛe nɛ o ma gbo; nɛ o gbenɔ se ɔ, Israel ma a be mi anɔkuale yee hu; a be somi nɛ i kɛ mɛ so ɔ nɔ yee. A maa je ye se ya ja ma se mawuhi nɛ ngɛ zugba a nɔ he nɛ a yaa a.

Matsɛmɛ II, 1:4

Nyɛɛ ya nɛ nyɛ ya de matsɛ ɔ ke, Yawɛ ke, ‘Plaami ɔ nɛ o plaa a, o yi be wami nae; o ma gbo!’ ” Eliya pee kaa bɔ nɛ Yawɛ de lɛ ɔ,

Matsɛmɛ II, 1:16

nɛ e ya de lɛ ke, “Yawɛ ke, ‘Akɛnɛ o tsɔ ya bi ní ngɛ Ekron mawu Baalzebub ɔ ngɔ, kaa nɔ́ nɛ Mawu be Israel nɛ a ma bi lɛ ga womi he je ɔ, o yi be wami nae; o ma gbo!’ ”