Matsɛmɛ II, 2:9 - BAIBLO ALOO NGMAMI KLƆUKLƆU Ɔ

⁹ Benɛ a po pa a, Eliya bi Elisha ke, “Mɛni o suɔ nɛ ma pee ha mo loko a ba ngɔ mi kɛ je o he?” Elisha he nɔ ke, “I kpa mo pɛɛ, ha mi o mumi he wami ɔ totoe enyɔ.”

Matsɛmɛ II, 2:9 ပူးပေါင်းရင်းမြစ်များ

Matsɛmɛ I, 19:16

pɔɔ Nimshi binyumu Yehu nu, nɛ e ye tsɛ ngɛ Israel, nɛ o pɔ Shafat binyumu Elisha nɛ je Abel Mehola hu nu, nɛ e ye gbalɔ ngɛ o se.

Matsɛmɛ I, 3:9

Lɔ ɔ he ɔ, i kpa mo pɛɛ, ha mi nile nɛ ma kɛ ye o ma a nɔ ngɛ dami sane yemi mi; nɛ ma le slɔɔto nɛ ngɛ nɔ́ nɛ da, kɛ nɔ́ nɛ dɛ a kpɛti. Ke pi ja a, lɛɛ kɛ ma pee kɛ ye o ma kpekpemi nɛ ɔmɛ a nɔ kɛɛ?”

La 72:1

Mawu, ngɔɔ o dami sane yemi mumi kɛ wo matsɛ ɔ mi, konɛ o bi, odehe ɔ nɛ kojo pɛpɛɛpɛ!

La 72:20

David, Isai bi ɔ kue fami ɔmɛ a nyagbe ji nɛ ɔ nɛ.

Zakaria 12:8

Ma bu nihi nɛ ngɛ Yerusalem jamɛ a be ɔ a he. A ti nɔ wudɔwudɔ pe kulaa po maa pee kaa David. David nina maa nyɛɛ a hɛ mi kaa Yawɛ bɔfo, loo imi Mawu nitsɛ.

Zakaria 9:12

Nyɛ nihi nɛ a nuu nyɛ nyɔguɛ, jehanɛ lɛɛ nyɛ ngɛ hɛ kɛ nɔ fɔmi. Nyɛɛ kpale kɛ ba nyɛ mɔ ɔ mi. I ngɛ dee jehanɛ ke yayami tsuo nɛ a pee nyɛ ɔ, nyɛ ma na gbaami kɛ bɔ he totoe enyɔ.

Mose IV, 11:17

Ma kple si, nɛ i kɛ mo ma ba tu munyu ngɛ lejɛ ɔ. Ma je mumi nɛ ngɛ o mi ɔ eko kɛ ha mɛ. A maa kpee mo kɛ tloo ma a tlomi ɔ, nɛ mo nɔ kake too pɛ o be tlooe hu.

Mose IV, 11:25

Kɛkɛ nɛ Yawɛ kple si kɛ je bɔku mi kɛ ba, nɛ e kɛ Mose ba tu munyu. E je mumi nɛ ngɛ Mose mi ɔ eko kɛ ha ma nimeli nyingmi kpaago ɔmɛ. Benɛ mumi ɔ ba a nɔ ɔ, a bɔni ngmlaa kpami kaa gbali; se nɔ́ nɛ ɔ se kɛ we.

Yohane 16:7

I ngɛ nyɛ dee anɔkuale mi ke e hi kɛ ha nyɛ mohu kaa ma je, ejakaa ke i ji ɔ, Hepiɛlɔ ɔ be nyɛ ngɔ bae. Ke i je ɔ lɛɛ ma wo lɛ blɔ kɛ ba nyɛ ngɔ.

Ni Tsumi 1:8

se ke Mumi Klɔuklɔu ɔ na ba nyɛ nɔ ɔ, nyɛ ma na he wami kɛ fiɛ, nɛ nyɛ maa ye odase ha mi ngɛ Yerusalem, Yudea, kɛ Samaria tsuo kɛ yaa su je ɔ nyagbe he tɔɔ.”

Ni Tsumi 8:17

Jehanɛ, Petro kɛ Yohane ngɔ a nine pue ni ɔmɛ a nɔ, nɛ a na Mumi Klɔuklɔu ɔ.

1 Korintobi 12:31

Lɔ ɔ he ɔ, nyɛɛ bɔ nike níhi nɛ a he jua wa a a he mɔde. Se nɔ́ nɛ hi pe lɛ tsuo ji nɛ ɔ nɛ.

Mose V, 21:17

E ha e bi nɔkɔtɔma ɔ nɔ́ nɛ e ma ha e bi kaketsɛ ɔ totoe enyɔ. Ejakaa bi nɔkɔtɔma nɛ ɔ ji nyumu ɔ kekleekle binyumu nɛ a fɔ ha lɛ.

Mose V, 34:9

Nun bi, Yoshua nile nya ba bli, ejakaa Mose to lɛ si kaa nɔ nɛ ma ba ye e se. Israel ma a bu Yoshua tue, nɛ a ye mlaa amɛ nɛ Yawɛ wo mɛ kɛ gu Mose nɔ ɔ a nɔ.

1 Timoteo 5:17

Asafo nikɔtɔmahi nɛ tsuɔ ní saminya, titli ni nɛmɛ nɛ fiɛɔ, nɛ a tsɔɔ ní hulɔ ɔ, a hyɛ nɛ a wo a hɛ mi nyami totoe enyɔ.