Matsɛmɛ II, 2:5 - BAIBLO ALOO NGMAMI KLƆUKLƆU Ɔ

⁵ Kɛkɛ nɛ gbali a kuu ɔ nɛ ngɛ Yeriko ɔ ba Elisha ngɔ, nɛ a ba bi lɛ ke, “Anɛ o le kaa mwɔnɛ ligbi nɛ ɔ, Yawɛ maa ngɔ o nyɔmtsɛ ɔ kɛ je o he lo?” Elisha he nɔ ke, “Ee, i le; nyɛ ma nyɛ nya!”

Matsɛmɛ II, 2:5 ပူးပေါင်းရင်းမြစ်များ

Matsɛmɛ II, 2:3

Kɛkɛ nɛ gbali a kuu ɔ nɛ ngɛ Betel ɔ ba Elisha ngɔ, nɛ a ba bi lɛ ke, “Anɛ o le kaa mwɔnɛ ligbi nɛ ɔ, Yawɛ maa ngɔ o nyɔmtsɛ ɔ kɛ je o he lo?” Elisha he nɔ ke, “Ee, i le; nyɛ ma nyɛ nya!”

Ni Tsumi 1:11

Nyumu ɔmɛ bi ke, “Nyɛ Galilea bi mɛni he je nyɛ daa si ngɛ kɔɔhiɔ mi hyɛe kikɛ nɛ ɔ? Yesu ɔ nɛ a ngɔ kɛ ho hiɔwe ya nɛ ɔ, e maa kpale kɛ ba ja nɔuu kaa bɔ nɛ nyɛ na lɛ nɛ e yaa a.”

Ni Tsumi 1:2

kɛ ya su ligbi nɛ a ngɔ lɛ kɛ ho hiɔwe ya. Loko a ngɔ lɛ kɛ ho hiɔwe ya a, e gu Mumi Klɔuklɔu ɔ nɔ nɛ e tsɔɔ bɔfohi nɛ e hla a mlaa nɛ a ye nɔ.

Luka 24:51

Benɛ e ngɛ mɛ gbae ɔ, e je a he, [nɛ a ngɔ lɛ kɛ ho hiɔwe ya.

Habakuk 2:20

Yawɛ ngɛ e we klɔuklɔu ɔ; nɔ tsuaa nɔ nɛ ngɛ je ɔ mi ɔ, e pee dii ngɛ e hɛ mi.

Yesaya 41:1

Mawu ke, “Nyɛ, wo nya mahi, nyɛɛ pee dii, nɛ nyɛɛ bu mi tue! Nyɛ dla nyɛ he saminya, konɛ waa hyɛ sane ɔ mi! Nyɛɛ hɛ nyɛ kɛ ba, konɛ nyɛ ba je nyɛ nya, nɛ waa hyɛ nɔ nɛ nɔ́ da.

Fiɛlɔ 3:7

Be ngɛ nɛ a híaa nɔ́, nɛ be ngɛ nɛ a kpɛɔ nɔ́. Dii peemi be ngɛ, nɛ munyu tumi be ngɛ.

Mose I, 48:19

Se e tsɛ ɔ kplɛɛ we. E tsɛ ɔ de ke, “I le, ye bi, i le. Manase ɔ, lɛ hu e nina ma ba pee ma agbo hwɔɔ se. Se mohu ɔ, e senɔ ɔ ma ba pee nɔmlɔ agbo pe lɛ, nɛ e senɔ ɔ nina ma ba pee je ma nguanguahi.”

Ni Tsumi 26:25

Paulo he nɔ ke, “Nɛnɛ Festo, i nui godo; anɔkuale ɔ i ngɛ tue ɔ nɛ.

Samuel I, 10:5

Lɔ ɔ se ɔ, nyɛ maa ya Mawu yo ɔ nɔ ngɛ Gibea, he nɛ Filisti bi ɔmɛ a ta a pueɔ si ngɛ ɔ. Nyɛ ma a mi sɛmi pɛ nyɛɛ kɛ gbali a kuu ko maa kpe nɛ a kple si kɛ je yoku ɔ nɔ kɛ ma kɛ a dɛ mi kpa saku, miɛ, kɛ bɛ. Nyɛ maa na kaa a ngɛ doe, nɛ a ngɛ huhui kpae.

Amos 7:14

Kɛkɛ nɛ Amos he nɔ nɛ e de Amazia ke, “Pi gbalɔ ji mi, nɛ pi gbalɔ bi ji mi hulɔ. To hyɛlɔ ji mi, nɛ i tsuɔ ngmɔkɔ tso he ní.

Matsɛmɛ I, 20:35

Ngɛ Yawɛ fami nya a, gbali a kuu ɔ mi no ko de e nyɛmi gbalɔ ko ke e fia lɛ nɔ. Se e nyɛmi ɔ kua.

Matsɛmɛ II, 4:1

Gbali ɔmɛ a kuu ɔ mi no ko e yo ya fa kue ha Elisha, nɛ e de lɛ ke, “O tsɔlɔ, nɛ ji imi lɛɛ ye huno ɔ, e gbo. Nɛ kaa bɔ nɛ o le ɔ, o tsɔlɔ ɔ yeɔ Yawɛ gbeye. Se nyumu ko nɛ e ya pa sika ngɛ e dɛ ɔ ba nu ye binyumuwi enyɔ ɔmɛ kɛ pee e nyɔguɛhi.”

Matsɛmɛ II, 5:22

Gehazi he nɔ ke, “Dɛbi! I hɛɛ we sane yobu ko. Ye nyɔmtsɛ ɔ lɛ tsɔ mi ke ma ba de mo ke amlɔ nɛ ɔ nɔuu nɛ gbali a kuu ɔ mi nihewi enyɔ je Efraim yo ɔ nɔ kɛ ba e ngɔ. Lɔ ɔ he ɔ, e kpa mo pɛɛ nɛ o ha mɛ sika hiɔ yi akpe etɛ, kɛ he dlami tade saminyawiiwi enyɔ.”

Matsɛmɛ II, 6:1

Ligbi ko ɔ, gbali a kuu ɔ nɛ Elisha ngɛ a nɔ hyɛe ɔ de lɛ ke, “Hyɛ, he nɛ wa ngɛ nɛ ɔ klee we ha wɔ hu.

Matsɛmɛ II, 9:1

Gbalɔ Elisha tsɛ gbali a kuu ɔ mi no kake, nɛ e de lɛ ke, “Mo dla o he nɛ o hɛɛ nu kɛ tɔ nɛ ɔ kɛ ya Ramot ngɛ Gilead.