Matsɛmɛ II, 2:4 - BAIBLO ALOO NGMAMI KLƆUKLƆU Ɔ

⁴ Eliya de Elisha ke, “Yawɛ tsɔ mi Yeriko; lɔ ɔ he ɔ, i kpa mo pɛɛ nɛ o mlɛ mi ngɛ hiɛ ɔ.” Se Elisha de lɛ ke, “I na Mawu, nɛ i na mo nitsɛ o nane kaa i be o he jee.” Lɔ ɔ he ɔ, mɛ ni enyɔ ɔmɛ a pue nɔ kɛ ho Yeriko ya.

Matsɛmɛ II, 2:4 ပူးပေါင်းရင်းမြစ်များ

Matsɛmɛ II, 2:2

Ngɛ blɔ ɔ nɔ ɔ, Eliya de Elisha ke, “Yawɛ tsɔ mi Betel; lɔ ɔ he ɔ, i kpa mo pɛɛ nɛ o mlɛ mi ngɛ hiɛ ɔ.” Se Elisha de lɛ ke, “I na Mawu, nɛ i na mo nitsɛ o nane kaa i be o he jee.” Lɔ ɔ he ɔ, mɛ ni enyɔ ɔmɛ a pue nɔ kɛ ho Betel ya.

Yoshua 6:26

Jamɛ a be ɔ mi ɔ, Yoshua ka kita ke, “Nɔ tsuaa nɔ nɛ maa ka kaa e maa ma Yeriko ekohu ɔ, Yawɛ nɛ gbiɛ lɛ. Nɔ nɛ maa to sisi ɔ, e bitɛte nɛ gbo, nɔ nɛ maa gbe nya nɛ a maa ma nya agbo ɔ, e binakutso nɛ gbo.”

Luka 19:1

Yesu ya su Yeriko, nɛ e ngɛ mi poe kɛ yaa.

Matsɛmɛ II, 4:30

Yo ɔ de Elisha ke, “I na Mawu, nɛ i na mo nitsɛ hu o nane kaa i be o he jee.” Lɔ ɔ he ɔ, Elisha te si nɛ e kɛ yo ɔ ho.

Matsɛmɛ I, 16:34

E yi nɔ ɔ, Hiel nɛ je Betel ɔ ya kpale ma Yeriko ma a ekohu. Kaa bɔ nɛ Yawɛ gu Nun binyumu Yoshua nɔ de to ɔ, benɛ Hiel to Yeriko ma a sisi pɛ nɛ e bitɛte nɛ a tsɛɛ Abiram ɔ gbo, nɛ benɛ e ma agbo ɔmɛ pɛ nɛ e sekpɛ binyumu nɛ a tsɛɛ lɛ Segub ɔ hu gbo.

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Ni Tsumi 2:42

Nimli nɛ ɔmɛ kaseɔ ní be tsuaa be ngɛ bɔfo ɔmɛ a ngɔ; a kɛ mɛ peeɔ kake kɛ yeɔ ní, nɛ a kɛ peeɔ sɔlemi hulɔ.

Samuel I, 1:26

Hana de lɛ ke, “I kpa mo pɛɛ, ye nyɔmtsɛ, o kai mi lo? Imi ji yo ɔ nɛ o na be ko nɛ i daa si ngɛ hiɛ ɔ nɛ i ngɛ kue fae ha Yawɛ ɔ nɛ.

Yoshua 6:1

A ngmɛ Yeriko agbo ɔmɛ a mi kpɛii, bɔ nɛ pee nɛ Israel bi ɔmɛ ko na blɔ kɛ sɛ ma a mi. Nɔ ko nɔ ko ji kpo ɔ, nɔ ko nɔ ko bɛ mi.

Rut Womi 1:16

Se Rut ha lɛ heto ke, “Mo ko nyɛ ye nɔ doo ke ma si mo; ha nɛ waa ho kɛkɛ. He tsuaa he nɛ o yaa a, ma ya; nɛ he tsuaa he nɛ o maa hi ɔ, lejɛ ɔ ma hi. O je kɛ wɛ maa pee imi hu ye je kɛ wɛ, nɛ o Mawu maa pee ye Mawu.