Matsɛmɛ II, 2:3 - BAIBLO ALOO NGMAMI KLƆUKLƆU Ɔ

³ Kɛkɛ nɛ gbali a kuu ɔ nɛ ngɛ Betel ɔ ba Elisha ngɔ, nɛ a ba bi lɛ ke, “Anɛ o le kaa mwɔnɛ ligbi nɛ ɔ, Yawɛ maa ngɔ o nyɔmtsɛ ɔ kɛ je o he lo?” Elisha he nɔ ke, “Ee, i le; nyɛ ma nyɛ nya!”

Matsɛmɛ II, 2:3 ပူးပေါင်းရင်းမြစ်များ

Matsɛmɛ II, 4:38

Benɛ Elisha kpale e se kɛ ba Gilgal ɔ, jamɛ a be ɔ mi ɔ, hwɔ ba zugba a nɔ. Ligbi ko, benɛ gbali a kuu ɔ hii si ngɛ e hɛ mi nɛ e ngɛ mɛ ní tsɔɔe ɔ, e de e tsɔlɔ ɔ ke, “Ngɔɔ pɔ buɛ agbo ɔ kɛ ma la nɔ, nɛ o pee ní ha gbali a kuu ɔ nɛ a ye.”

Matsɛmɛ II, 4:1

Gbali ɔmɛ a kuu ɔ mi no ko e yo ya fa kue ha Elisha, nɛ e de lɛ ke, “O tsɔlɔ, nɛ ji imi lɛɛ ye huno ɔ, e gbo. Nɛ kaa bɔ nɛ o le ɔ, o tsɔlɔ ɔ yeɔ Yawɛ gbeye. Se nyumu ko nɛ e ya pa sika ngɛ e dɛ ɔ ba nu ye binyumuwi enyɔ ɔmɛ kɛ pee e nyɔguɛhi.”

Matsɛmɛ II, 9:1

Gbalɔ Elisha tsɛ gbali a kuu ɔ mi no kake, nɛ e de lɛ ke, “Mo dla o he nɛ o hɛɛ nu kɛ tɔ nɛ ɔ kɛ ya Ramot ngɛ Gilead.

Matsɛmɛ I, 20:35

Ngɛ Yawɛ fami nya a, gbali a kuu ɔ mi no ko de e nyɛmi gbalɔ ko ke e fia lɛ nɔ. Se e nyɛmi ɔ kua.

Ni Tsumi 22:3

“Yuda no ji mi; nɛ a fɔ mi ngɛ Tarso ngɛ Kilikia mohu, se Yerusalem hiɛmɛ nɛ ɔ nɛ a lɛ mi ngɛ. Gamaliel lɛ tsɔɔ mi ní. A tsɔse mi bɔ nɛ sa ngɛ wa nɛmɛ ɔmɛ a mlaa a nya. I kplɛɛ we nɔ́ ngɛ Mawu he kaa bɔ nɛ nyɛ tsuo nyɛ ngɛ pee mwɔnɛ nɛ ɔ.

Yesaya 8:18

Nyɛ nɛ mi, kɛ ye bimɛ ɔmɛ nɛ Yawɛ ke mi ɔ. Yawɛ Tabohiatsɛ ɔ nɛ e matsɛ sɛ ngɛ Zion yo ɔ nɔ ɔ tsɔ wɔ ke waa ngɔ sɛ gbi nɛ ɔmɛ kɛ ba ha Israel ma a.

Matsɛmɛ II, 5:22

Gehazi he nɔ ke, “Dɛbi! I hɛɛ we sane yobu ko. Ye nyɔmtsɛ ɔ lɛ tsɔ mi ke ma ba de mo ke amlɔ nɛ ɔ nɔuu nɛ gbali a kuu ɔ mi nihewi enyɔ je Efraim yo ɔ nɔ kɛ ba e ngɔ. Lɔ ɔ he ɔ, e kpa mo pɛɛ nɛ o ha mɛ sika hiɔ yi akpe etɛ, kɛ he dlami tade saminyawiiwi enyɔ.”

Matsɛmɛ II, 2:15

Benɛ gbali a kuu ɔ nɛ ngɛ Yeriko ɔ na lɛ ɔ, a de ke, “Eliya mumi ɔ ba Elisha nɔ.” A ya nɛ a ya kpee lɛ, nɛ a kpla si ngɛ e hɛ mi;

Matsɛmɛ II, 2:7

nɛ gbali a kuu ɔ mi nihi nyingmi enuɔ nyɛɛ a se. Eliya kɛ Elisha ya da si ngɛ Yordan pa a nya, nɛ gbali nyingmi enuɔ ɔmɛ hu ho ya da si ngɛ a se, nɛ blɔ bɔɔ ngɛ a kpɛti.

Matsɛmɛ II, 2:5

Kɛkɛ nɛ gbali a kuu ɔ nɛ ngɛ Yeriko ɔ ba Elisha ngɔ, nɛ a ba bi lɛ ke, “Anɛ o le kaa mwɔnɛ ligbi nɛ ɔ, Yawɛ maa ngɔ o nyɔmtsɛ ɔ kɛ je o he lo?” Elisha he nɔ ke, “Ee, i le; nyɛ ma nyɛ nya!”

Matsɛmɛ I, 18:4

Benɛ Yezebel ngɛ Yawɛ gbali ɔmɛ gbee ɔ, Obadia ngɔ gbali lafa ngɔ laa ngɛ tɛ puɔhi a mi, nɛ e ha mɛ niye ní kɛ nyu; gbali nyingmi enuɔ ngɛ kuu kake mi, nɛ nyingmi enuɔ hu ngɛ kuu kake mi).

Samuel I, 19:20

e tsɔ nihi ke a ya nu lɛ kɛ ba. Se benɛ tsɔli ɔmɛ na gbali a kuu ɔ nɛ a ngɛ doe, nɛ a ngɛ huhui kpae, nɛ Samuel hu ngɛ a kpɛti kaa a nyatsɛ ɔ, Mawu mumi ɔ ba Saul tsɔli ɔmɛ a nɔ, nɛ mɛ hu a bɔni domi kɛ huhui kpami.

Mose V, 33:3

Yawɛ suɔ e ma a; nihi nɛ ji e ni klɔuklɔu ɔmɛ ɔ, e baa a yi. Lɔ ɔ he ɔ, wa kplaa si ngɛ e nane nya; wa jaa lɛ, nɛ wa yeɔ e mlaa amɛ a nɔ.

Samuel I, 10:5

Lɔ ɔ se ɔ, nyɛ maa ya Mawu yo ɔ nɔ ngɛ Gibea, he nɛ Filisti bi ɔmɛ a ta a pueɔ si ngɛ ɔ. Nyɛ ma a mi sɛmi pɛ nyɛɛ kɛ gbali a kuu ko maa kpe nɛ a kple si kɛ je yoku ɔ nɔ kɛ ma kɛ a dɛ mi kpa saku, miɛ, kɛ bɛ. Nyɛ maa na kaa a ngɛ doe, nɛ a ngɛ huhui kpae.

Matsɛmɛ II, 6:1

Ligbi ko ɔ, gbali a kuu ɔ nɛ Elisha ngɛ a nɔ hyɛe ɔ de lɛ ke, “Hyɛ, he nɛ wa ngɛ nɛ ɔ klee we ha wɔ hu.

Amos 7:14

Kɛkɛ nɛ Amos he nɔ nɛ e de Amazia ke, “Pi gbalɔ ji mi, nɛ pi gbalɔ bi ji mi hulɔ. To hyɛlɔ ji mi, nɛ i tsuɔ ngmɔkɔ tso he ní.