Matsɛmɛ II, 2:24 - BAIBLO ALOO NGMAMI KLƆUKLƆU Ɔ

²⁴ Elisha plɛ hyɛ mɛ, nɛ e tsɛ Yawɛ biɛ kɛ gbiɛ mɛ. Kɛkɛ nɛ osisiblisi eyo enyɔ je nga mi kɛ ba, nɛ a ba tsɔtslɔɔ jokuɛwi nyumuwi ɔmɛ a kpɛti nimli nyingmi eywiɛ kɛ enyɔ a mi.

Matsɛmɛ II, 2:24 ပူးပေါင်းရင်းမြစ်များ

Ni Tsumi 5:9

Jehanɛ Petro bi lɛ ke, “Kɛ pee kɛɛ nɛ nyɛ pee nyɛ nya kake kɛ ye Nyɔmtsɛ ɔ Mumi ɔ lakpa a, nyɛ susu kaa nyɛ maa ye nyɛ he lo? Hyɛ, nihi nɛ ya pu o huno ɔ, mɛ lɛ a kpale kɛ ma a nɛ; a ma wo mo hu kɛ ho!”

Ni Tsumi 5:5

Benɛ Anania nu munyu nɛ ɔ, e tsɔ fia si, nɛ e gbo. Nihi tsuo nɛ nu sane nɛ ba a ye gbeye wawɛɛ nitsɛ.

Amos 7:17

Enɛ ɔ he je ɔ, Amazia, Yawɛ ngɛ mo dee ke, ‘O bimɛ ma gbo ngɛ ta nga nɔ. He nyɛli ma ba ngɔ o ma a, nɛ o zugba a maa pee ni kpahi a nɔ nɛ a maa dla. O yo maa bɔ ajuama ngɛ ma a mi, nɛ mo nitsɛ lɛɛ a maa ngɔ mo kɛ ho, nɛ o ma ya gbo ngɛ ma se. A maa nuu Israel bi ɔmɛ nyɔguɛ kɛ maa ho.’ ”

Hosea 13:8

Ma ba tua nyɛ kaa osisiblisi nɛ a nu e bimɛ. Ma fɛ nyɛ mi, nɛ ma ye lo ɔ ngɛ lejɛ ɔ nɔuu kaa jata; ma tsɔtslɔɔ nyɛ mi kaa bɔ nɛ lohwe dikalɔ peeɔ ɔ.

Ni Tsumi 8:20

Se Petro de lɛ ke, “O kɛ o sika a tsuo hɛ mi nɛ kpata, ejakaa o susuu kaa Mawu nɔke nɔ́ ɔ, sika a kɛ heɔ!

Marko 11:21

Petro kai nɔ́ nɛ ba a, nɛ e de Yesu ke, “Tsɔɔlɔ, hyɛ, ngmɔkɔ tso ɔ nɛ o gbiɛ ɔ ngla!”

Marko 11:14

Yesu de ngmɔkɔ tso ɔ ke, “Nɔ ko nɔ ko be o yiblii yee hu gblegbleegble!” E kaseli ɔmɛ nu nɔ́ nɛ e de ɔ.

Kɔmɔ Yemi 3:65

Moo gbiɛ mɛ, nɛ o ha a tsui nɛ ye mɛ

Yeremia 28:16

Lɔ ɔ he ɔ, Yawɛ nitsɛ ke e ma je mo kɛ je je ɔ mi. O ma gbo jeha nɛ ɔ mi nɔuu, ejakaa o de ma a ke a tsɔ atuã kɛ wo Yawɛ.”

Matsɛmɛ I, 20:36

Lɔ ɔ he ɔ, gbalɔ ɔ de e nyɛmi ɔ ke, “Akɛnɛ o bui Yawɛ fami ɔ tue he je ɔ, ke o je ye ngɔ pɛ kɛkɛ jata ko maa gbe mo.” Nɛ benɛ e je e ngɔ pɛ jata ko ya na lɛ nɛ jata a gbe lɛ.

Matsɛmɛ I, 19:17

Nɔ tsuaa nɔ nɛ maa tu fo kɛ je Hazael klaate nya a, Yehu maa gbe lɛ; nɛ nɔ nɛ maa tu fo kɛ maa je Yehu klaate nya a, Elisha maa gbe lɛ.

Matsɛmɛ I, 13:24

nɛ e kuɔ. Benɛ e ngɛ blɔ ɔ nɔ kɛ yaa a, e kɛ jata ya kpe, nɛ jata a gbe lɛ. E gbogboe ɔ tlɔ blɔ ɔ mi ngɛ lejɛ ɔ, nɛ teji ɔ kɛ jata a daa si ngɛ he.

Samuel II, 17:8

Hushai ya nɔ nɛ e de ke, “Mo nitsɛ o le kaa o tsɛ kɛ e we bi ɔmɛ ɔ, katsɛmɛ ji mɛ, nɛ a hɛ mi pee klamaklama kaa osisiblisi nɛ nɔ ko ya muɔ e bimɛ ngɛ nga nɔ. Jehanɛ se hu, o tsɛ ɔ, ta bulɔ kpanaa ji lɛ; e hí e we bi a kpɛti nyɔ mi.

Manyadali 9:57

Jehanɛ hu, yi wu tso níhi nɛ Shekem bi ɔmɛ pee ɔ, Mawu ha lɛ tsuo kpale bu mɛ nitsɛmɛ a yi mi; nɛ Yerubaal binyumu Yotam gbiɛmi ɔ ba a nɔ.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Mose I, 9:25

e de ke, “A gbiɛ Kanaan! E maa pee e wetsɛmɛ ɔmɛ a nyɔguɛ.

2 Korintobi 10:6

Nɛ ke nyɛ tsake pee anɔkuale tue buli ɔ, wɔɔ lɛɛ wa pee klaalo nɛ wa maa gbla ni nɛmɛ nɛ tsakee we ɔ a tue.

Abɛ Womi 28:15

Matsɛ yiwutsotsɛ nɛ ngɛ tsɛ yee ngɛ nihi nɛ a ní ngɛ mɔbɔ a nɔ ɔ, e ngɛ kaa jata nɛ ngɛ huae, aloo osisiblisi nɛ e hɛ mi wo la.

Abɛ Womi 17:12

Afani nɔ́ nɛ o kɛ osisiblisi nɛ a nuu e bimɛ maa kpe, pe nɔ́ nɛ o kɛ kuasia nɛ ngɛ biɛe maa kpe.

Manyadali 9:20

Se ke pi ja ji sane ɔ, lɛɛ la nɛ je Abimelek mi ya sã Shekem bi ɔmɛ kɛ Bet Milo bi ɔmɛ; jehanɛ, e je Shekem bi ɔmɛ kɛ Bet Milo bi ɔmɛ a mi ya sã Abimelek.”

Matsɛmɛ II, 2:25

Benɛ Elisha je lejɛ ɔ, e pue nɔ kɛ ho Karmel yo ɔ nɔ ya. Pee se ɔ, e kpale e se kɛ ba Samaria.

Mose III, 26:22

Ma ngmɛɛ pu mi lohwe dikali a he ngɔ pue nyɛ nɔ, nɛ a maa gbe nyɛ bimɛ; a ma kpata nyɛ we mi lohwehi a hɛ mi, nɛ ma ha nyɛ nɔ ma gbɔ, nɛ nimli be hiɛe ngɛ blɔ ɔmɛ a nɔ hu.

Abɛ Womi 19:29

Tue gblami fɔɔ si ha he nɔ woli. Kuasiahi lɛɛ a maa fia a se mi kpa.