Matsɛmɛ II, 2:19 - BAIBLO ALOO NGMAMI KLƆUKLƆU Ɔ

¹⁹ Ligbi ko ɔ, Yeriko ma mi bi ɔmɛ ba de Elisha ke, “Wa nyɔmtsɛ! Kaa bɔ nɛ o le ɔ, wa ma nɛ ɔ ngɛ fɛu saminya. Se mohu ɔ, wa nyu ɔ hí; e haa yihi a mi saneɔ.”

Matsɛmɛ II, 2:19 ပူးပေါင်းရင်းမြစ်များ

Mose II, 23:26

Yo ko mi be sanee, nɛ yo ko hu be yosa pee ngɛ zugba a nɔ. Ma ha o wami se maa kɛ.

Mose V, 28:11

Yawɛ ma ha nyɛ bimɛ, we mi lohwehi, kɛ ngmɔ niba ní babauu ngɛ zugba nɛ e wo nyɛ nɛmɛ ɔmɛ si ke e maa ngɔ kɛ ha nyɛ ɔ nɔ.

Mose IV, 12:11

e de Mose ke, “Ye nyɔmtsɛ, i kpa mo pɛɛ, koo gbla wa tue ngɛ kuasia nɛ wa je, kɛ yayami nɛ wa pee nɛ ɔ he.

Mose II, 15:23

Benɛ a su Mara a, a nyɛ we nɛ a nu nyu nɛ ngɛ lejɛ ɔ, ejakaa e dooɔ. Enɛ ɔ he je ɔ, a wo lejɛ ɔ biɛ ke Mara, nɛ a de ke a wo lɛ jamɛ a biɛ ɔ, ejakaa nyu ɔ dooɔ.

Mose II, 7:19

Yawɛ kpale de Mose ke, “De Aaron ke, ‘Ngɔɔ o tso ɔ, nɛ o kpã o nine mi ngɛ Egipt pa amɛ, nyu dɔ ɔmɛ, kɛ taku ɔmɛ tsuo a nɔ, nɛ a mi nyu ɔ kulaa ma plɛ pee muɔ. A maa na muɔ ngɛ he tsuaa he ngɛ Egipt, ngɛ tso buɛhi, kɛ tɛ buɛhi a mi.’ ”

Matsɛmɛ I, 16:34

E yi nɔ ɔ, Hiel nɛ je Betel ɔ ya kpale ma Yeriko ma a ekohu. Kaa bɔ nɛ Yawɛ gu Nun binyumu Yoshua nɔ de to ɔ, benɛ Hiel to Yeriko ma a sisi pɛ nɛ e bitɛte nɛ a tsɛɛ Abiram ɔ gbo, nɛ benɛ e ma agbo ɔmɛ pɛ nɛ e sekpɛ binyumu nɛ a tsɛɛ lɛ Segub ɔ hu gbo.

Hosea 9:14

Lɔ ɔ he ɔ, Yawɛ, i kpa mo pɛɛ, ke yi ɔmɛ ngɔ hɔ ɔ, hɔ ɔ nɛ sane, nɛ nyu nɛ ta a nyɔ mi.

Matsɛmɛ I, 18:7

Benɛ Obadia ngɛ e blɔ ɔ nɔ kɛ yaa a, e kɛ Eliya ya kpe tlukaa. Obadia le Eliya mi tso, nɛ e kpla si ngɛ e hɛ mi, nɛ e bi ke, “Anɛ mo tutuutu lo, ye nyɔmtsɛ Eliya?”

Yoshua 6:26

Jamɛ a be ɔ mi ɔ, Yoshua ka kita ke, “Nɔ tsuaa nɔ nɛ maa ka kaa e maa ma Yeriko ekohu ɔ, Yawɛ nɛ gbiɛ lɛ. Nɔ nɛ maa to sisi ɔ, e bitɛte nɛ gbo, nɔ nɛ maa gbe nya nɛ a maa ma nya agbo ɔ, e binakutso nɛ gbo.”

Yoshua 6:17

Nyɛ kpata ma a kɛ e mi nɔ́ tsuaa nɔ́ hɛ mi ha Yawɛ; Rahab, yo ajuama a, kɛ nɔ tsuaa nɔ nɛ kɛ lɛ ngɛ e we ɔ mi ɔ, mɛ pɛ a yi nɛ na wami; ejakaa e ngɔ slaali ɔmɛ nɛ wa tsɔ ɔ kɛ laa.

1 Timoteo 5:17

Asafo nikɔtɔmahi nɛ tsuɔ ní saminya, titli ni nɛmɛ nɛ fiɛɔ, nɛ a tsɔɔ ní hulɔ ɔ, a hyɛ nɛ a wo a hɛ mi nyami totoe enyɔ.

Matsɛmɛ I, 18:13

Anɛ o nui kaa benɛ Yezebel ngɛ Yawɛ gbali ɔmɛ gbee ɔ, i ngɔ a ti nihi lafa ngɔ laa ngɛ tɛ puɔhi a mi, nɛ i ha mɛ niye ní kɛ nyu lo? I ngɔ gbali nyingmi enuɔ ngɔ to he kake, nɛ i ngɔ nyingmi enuɔ hu ngɔ to he kake.

Matsɛmɛ II, 2:18

Kɛkɛ nɛ a kpale a se kɛ ba Elisha ngɔ ngɛ Yeriko, he nɛ e hii si ngɛ mɛ mlɛe ngɛ ɔ. Nɛ e de mɛ ke, “Anɛ i de we nyɛ ke nyɛ ko ya lo?”

Matsɛmɛ II, 2:20

Elisha de mɛ ke, “Nyɛɛ ngɔ ngo kɛ wo ka ehe mi nɛ nyɛ kɛ ba ha mi.” A ngɔ ba ha lɛ,