Matsɛmɛ II, 2:16 - BAIBLO ALOO NGMAMI KLƆUKLƆU Ɔ

¹⁶ nɛ a de lɛ ke, “Hyɛ, nyumuhi katsɛmɛ nyingmi enuɔ sɔuu ji wɔ ngɛ hiɛ ɔ. Wa kpa mo pɛɛ, ha nɛ waa ya nɛ wa ya hla o nyɔmtsɛ ɔ, kaa alini Yawɛ mumi ɔ nu lɛ nɛ e ya sake lɛ ngɔ fɔ yo ko nɔ, aloo kɔ́ ko mi lo.” Elisha he nɔ ke, “Dɛbi, nyɛ ko ya!”

Matsɛmɛ II, 2:16 ပူးပေါင်းရင်းမြစ်များ

Matsɛmɛ I, 18:12

Ke i je o ngɔ kɛ ho piɔ ɔ, Yawɛ mumi ɔ ma ba ngɔ mo kɛ ho he ko ya nɛ i li. Nɛ e maa ba mi kaa ke i ya de Ahab ke o ngɛ hiɛ ɔ, nɛ e ba, nɛ e ba nɛ mo ɔ, e maa gbe mi. Mo kai kaa kɛ je ye jokuɛ mi tɔɔ ɔ, i yee Yawɛ gbeye.

Ni Tsumi 8:39

Benɛ a je nyu ɔ mi ɔ, Nyɔmtsɛ ɔ Mumi ɔ ngɔ Filipo kɛ je. Sɔmɔlɔ nɔkɔtɔma a nɛ́ lɛ hu; se e pue nɔ kɛ ho kɛ nyami babauu.

Ezekiel 40:2

I na ngɛ nina a mi nɛ Mawu mumi ɔ ngɔ mi kɛ ba Israel zugba a nɔ; nɛ e ngɔ mi ya fɔ yo gagaa ko yi mi. I na nɔ́ ko kaa ma ngɛ yo ɔ nɔ ngɛ ye hɛ mi.

Ezekiel 11:24

Ngɛ nina a mi ɔ, Mawu mumi ɔ kɛ mi ba Babilonia ekohu ngɛ ni nɛmɛ nɛ a nuu kɛ ho ma se ya a a ngɔ.

Ezekiel 8:3

E je nɔ́ ko kpo kaa nine kɛ nu ye yi bwɔmi. Kɛkɛ nɛ ngɛ nina a mi ɔ, Mawu mumi ɔ wo mi kɛ gu kɔɔhiɔ mi kɛ ya su Yerusalem. E ngɔ mi kɛ ya ma Yawɛ we ɔ we omleyi je agbo ɔ mi. Amaga ko nɛ Mawu hiee wawɛɛ ɔ maa si ngɛ lejɛ ɔ.

Ezekiel 3:14

Yawɛ he wami ba ye nɔ wawɛɛ nitsɛ; nɛ benɛ mumi ɔ wo mi kɛ yaa a, e dɔ mi, nɛ ye bua jɔɛ kulaa.

Matsɛmɛ II, 2:7

nɛ gbali a kuu ɔ mi nihi nyingmi enuɔ nyɛɛ a se. Eliya kɛ Elisha ya da si ngɛ Yordan pa a nya, nɛ gbali nyingmi enuɔ ɔmɛ hu ho ya da si ngɛ a se, nɛ blɔ bɔɔ ngɛ a kpɛti.