Matsɛmɛ II, 2:12 - BAIBLO ALOO NGMAMI KLƆUKLƆU Ɔ

¹² Benɛ Elisha na nɔ́ nɛ ɔ, e kpa ngmlaa nɛ e de ke, “Tsaatsɛ! Tsaatsɛ! Israel ta zugba lɛhi kɛ a we okpɔngɔ ta buli!” Nɛ e nɛ lɛ hu. Lɔ ɔ se ɔ, Elisha gba lɛ nitsɛ e tade ɔmɛ a mi enyɔ.

Matsɛmɛ II, 2:12 ပူးပေါင်းရင်းမြစ်များ

Matsɛmɛ II, 13:14

Ligbi ko, benɛ gbalɔ Elisha fɔɔ si kɛ gbenɔ hiɔ ɔ, Israel matsɛ, Yehoash ba slaa lɛ, nɛ e fo ya pue e nɔ; nɛ e de ke, “Tsaatsɛ! Tsaatsɛ! Mo ji Israel he falɔ kpanaa!”

Kpojemi 11:12

Jehanɛ ɔ, gbali enyɔ ɔmɛ nu gbi ko nɛ pɛ wawɛɛ kɛ je hiɔwe. Gbi ɔ de mɛ ke, “Nyɛɛ ba hiɛmɛ nɛ ɔ!” Nɛ benɛ a he nyɛli ɔmɛ ngɛ mɛ hyɛe ɔ, a ho hiɔwe ya ngɛ bɔku mi.

Efesobi 4:8

Ngmami ɔ ke, “Benɛ e yaa hiɔwe lokoo ɔ, e ngɔ nihi nɛ e nuu nyɔguɛ ɔ kɛ ho; e ha nimli adesahi nike níhi.”

2 Korintobi 5:4

Be mi nɛ wa ngɛ bo tsu nɛ ɔ mi kɛ mwɔɔ ɔ, wa he hiaa wɔ, nɛ wa faa huu. Pi kaa wa suɔ kaa waa ngmɛɛ wa zugba nɛ ɔ nɔ bo tsu ɔ he, se mohu kaa waa ngɔ hiɔwe nɔ́ ɔ hu kɛ ha wa he. Kɛkɛ ɔ, nɔ́ nɛ ngɛ wami ɔ ma tsake nɔ́ nɛ gboɔ ɔ.

2 Korintobi 5:2

Be mi nɛ wa ngɛ bo tsu nɛ ɔ mi ɔ, wa hɛ jaa, nɛ wa faa huu kaa a ngɔ wa tsu nɛ je hiɔwe ɔ ngɔ wo wɔ.

Ni Tsumi 8:2

Nyumuhi Mawu gbeye yeli komɛ ya dla Stefano gbogboe ɔ, nɛ a nyɛ ya ha lɛ kɛ awe nyami.

Ni Tsumi 1:9

Benɛ e de enɛ ɔ se ɔ, a ngɛ lɛ hyɛe nɔuu nɛ a wo lɛ kɛ ho hiɔwe ya, nɛ bɔku ba sa lɛ kɛ ho nɛ a nɛ lɛ hu.

Yohane 3:13

Nɔ ko yɛ hiɔwe gblee kaa ja Nɔmlɔ Bi ɔ, nɔ nɛ je hiɔwe kple si kɛ ba a.”

Luka 24:51

Benɛ e ngɛ mɛ gbae ɔ, e je a he, [nɛ a ngɔ lɛ kɛ ho hiɔwe ya.

Luka 2:15

Benɛ bɔfo ɔmɛ si to hyɛli ɔmɛ, nɛ a kpale kɛ ho hiɔwe ya a, to hyɛli ɔmɛ de a he ke, “Nyɛ ha nɛ waa ya Betlehem, nɛ wa ya hyɛ nɔ́ nɛ ba, nɛ Nyɔmtsɛ ɔ je tsɔɔ wɔ nɛ ɔ.”

Marko 16:19

Benɛ Nyɔmtsɛ Yesu kɛ mɛ tu munyu se ɔ, a ngɔ lɛ kɛ ho hiɔwe ya, nɛ e ya hi si ngɛ Mawu hiɔ nɔ.

Yesaya 37:21

Kɛkɛ nɛ Amoz binyumu Yesaya tsɔ ke a ya de Hezekia ke, “Yawɛ, Israel Mawu ɔ ke, kue nɛ o fa ha lɛ ngɛ Asiria matsɛ, Senakerib he ɔ, e nu.”

Yesaya 37:15

nɛ e fa kue ke,

Abɛ Womi 30:4

Mɛnɔ lɛ ya hiɔwe nɛ e kpale kɛ ba zugba hyɛ? Mɛnɔ lɛ bua kɔɔhiɔ nya kɛ wo e dɛ mi hyɛ? Mɛnɔ lɛ yɛ wo mi nyu ɔ tsuo kɛ wo bo mi, nɛ e fi nya hyɛ? Aloo mɛnɔ lɛ ma buna ngɛ je ɔ mi nyagbe he ɔmɛ? Kɛ a tsɛɔ lɛ kɛɛ? E bi ɔ hu, mɛni ji e biɛ? Tse o le?

Ni Tsumi 27:24

nɛ e de mi ke, ‘Paulo, koo ye gbeye! Ja a kɛ mo ya da Kaisare ɔ hɛ mi kokooko. Mawu na mo mɔbɔ saminya, nɛ e he o kɛ nihi tsuo nɛ ngɛ lɛ ɔ mi ɔ nyɛ yi wami.’

Yesaya 37:4

Asiria matsɛ tsɔ e we asafoatsɛngua a kɛ ba jɛ Mawu hɛ kalɔ ɔ. Wa heɔ yeɔ kaa Yawɛ, o Mawu ɔ nu kikɛmɛ a jɛmi ɔ, nɛ ni nɛmɛ nɛ bɔ musu nɛ ɔ, e maa gbla a tue. Lɔ ɔ he ɔ, moo fa kue ha Yawɛ kɛ ha wa ti ni nɛmɛ nɛ piɛ ngɛ hiɛ ɔ.”

Fiɛlɔ 7:19

Nile woɔ ní lelɔ he wami kulaa pe ma nɔ yeli nyɔngma nɛ ngɛ ma ko mi.

Abɛ Womi 11:11

Nimli kpakpahi a ní peemi ní kpakpahi haa ma yaa nɔ. Se yiwutsotsɛmɛ a nya mi munyu haa ma hɛ mi kpataa.

Hiob 22:30

Nihi nɛ pee we yayami ko ɔ, Mawu heɔ a yi wami. Mo hu ke o he tsɔ ɔ, Mawu ma he o yi wami ja nɔuu.

Mose I, 37:34

Kɛkɛ nɛ Yakob kɛ aywilɛho hía e he tade ɔmɛ, nɛ e bu kpekpe ya bo; nɛ e nyɛ ya ha e bi ɔ ligbi babauu.

Matsɛmɛ II, 2:13

E ngɔ Eliya tade ɔ nɛ je e he nɔ si ɔ, nɛ e kpale ya da si ngɛ Yordan pa a tue.

Matsɛmɛ II, 5:13

E tsɔli ɔmɛ ba e ngɔ nɛ a ba de lɛ ke, “Tsaatsɛ! Nɔ́ nguaa ko nɛ gbalɔ ɔ fa mo ke o pee jinɛ o ko pee we lo? Mɛni he je mɔ nɛ o be nyɛe nɛ o ya du o he kɛkɛ kaa bɔ nɛ e de ɔ, konɛ a tsa mo ɔ?”

Matsɛmɛ II, 6:21

Benɛ Israel matsɛ ɔ na mɛ ɔ, e bi Elisha ke, “Tsaatsɛ, ma gbe mɛ lo? Ma gbe mɛ lo?”

Mose I, 5:24

Enok kɛ Mawu hi si saminya e wami be ɔ tsuo. Lɔ ɔ se ɔ, a nɛ lɛ hu; ejakaa Mawu ba ngɔ lɛ kɛ ho.

Manyadali 17:10

Mika de lɛ ke, “Ba hi ye ngɔ, nɛ o ba pee ye tsɛ kɛ ye osɔfo. Ma ha mo niye ní, tade, kɛ sika hiɔ yi nyɔngma daa jeha.”