Matsɛmɛ II, 2:1 - BAIBLO ALOO NGMAMI KLƆUKLƆU Ɔ

¹ Benɛ e piɛ bɔɔ nɛ Yawɛ maa ngɔ Eliya kɛ ho hiɔwe ya ngɛ lasiogblee mi ɔ, jamɛ a be ɔ, Eliya kɛ Elisha ngɛ nyɛɛe kɛ je Gilgal.

Matsɛmɛ II, 2:1 ပူးပေါင်းရင်းမြစ်များ

Mose I, 5:24

Enok kɛ Mawu hi si saminya e wami be ɔ tsuo. Lɔ ɔ se ɔ, a nɛ lɛ hu; ejakaa Mawu ba ngɔ lɛ kɛ ho.

Hebribi 11:5

Hemi kɛ yemi he ɔ, a ngɔ Henok kɛ ho hiɔwe ya, konɛ e ko gbo. A nɛ́ lɛ, ejakaa Mawu ngɔ lɛ kɛ je. Ngmami ɔ ye odase kaa loko a maa ngɔ lɛ kɛ ho ɔ, e pee nɔ́ nɛ sa Mawu hɛ mi.

Matsɛmɛ I, 19:11

Yawɛ de lɛ ke, “Jee kpo nɛ o ya da si ngɛ ye hɛ mi ngɛ yo ɔ nɔ.” Kɛkɛ nɛ Yawɛ ba be kɛ ho, nɛ e ha kɔɔhiɔ nɛ nya wa ba fia yo ɔ, nɛ e ywia tɛ sa amɛ, se Yawɛ be kɔɔhiɔ ɔ mi. Kɔɔhiɔ ɔ kpa fiami, nɛ zugba mimiɛ; se Yawɛ be zugba mimiɛmi ɔ mi.

Yoshua 5:9

Lɔ ɔ se ɔ, Yawɛ de Yoshua ke, “Mwɔnɛ ɔ, i jé Egipt nyɔguɛ peemi zo ɔ kɛ je nyɛ nɔ.” Lɔ ɔ he ɔ, a wo lejɛ ɔ biɛ ke Gilgal, nɛ jã nɛ a tsɛɛ lejɛ ɔ kɛ ba si mwɔnɛ ɔ.

Yoshua 4:19

Kekleekle nyɔhiɔ ɔ we ligbi nɛ ji nyɔngma a nɔ ɔ, ma a po Yordan pa a, nɛ a ya to si ngɛ Gilgal, ngɛ Yeriko ma a beleku je.

Kpojemi 11:12

Jehanɛ ɔ, gbali enyɔ ɔmɛ nu gbi ko nɛ pɛ wawɛɛ kɛ je hiɔwe. Gbi ɔ de mɛ ke, “Nyɛɛ ba hiɛmɛ nɛ ɔ!” Nɛ benɛ a he nyɛli ɔmɛ ngɛ mɛ hyɛe ɔ, a ho hiɔwe ya ngɛ bɔku mi.

Ni Tsumi 1:9

Benɛ e de enɛ ɔ se ɔ, a ngɛ lɛ hyɛe nɔuu nɛ a wo lɛ kɛ ho hiɔwe ya, nɛ bɔku ba sa lɛ kɛ ho nɛ a nɛ lɛ hu.

Luka 9:51

Benɛ be ɔ nɛ a maa ngɔ Yesu kɛ je je nɛ ɔ mi kɛ ya hiɔwe ɔ su ta a, e muɔ e yi mi kpɔ kaa e maa ya Yerusalem.

Hiob 38:1

Kɛkɛ nɛ Yawɛ kɛ Hiob tu munyu kɛ je kɔɔhiɔ nɛ nya wa mi.

Matsɛmɛ II, 4:38

Benɛ Elisha kpale e se kɛ ba Gilgal ɔ, jamɛ a be ɔ mi ɔ, hwɔ ba zugba a nɔ. Ligbi ko, benɛ gbali a kuu ɔ hii si ngɛ e hɛ mi nɛ e ngɛ mɛ ní tsɔɔe ɔ, e de e tsɔlɔ ɔ ke, “Ngɔɔ pɔ buɛ agbo ɔ kɛ ma la nɔ, nɛ o pee ní ha gbali a kuu ɔ nɛ a ye.”

Matsɛmɛ II, 2:11

Benɛ a ngɛ ní sɛɛe kɛ yaa a, ta zugba lɛ nɛ la okpɔngɔhi ngɛ gblae ba gba mɛ ni enyɔ ɔmɛ a kpɛti; nɛ lasiogblee sá Eliya kɛ ho hiɔwe ya.

Matsɛmɛ I, 19:4

Se lɛ nitsɛ lɛɛ e nyɛɛ ligbi mluku kake kɛ ya nga a nɔ, nɛ e ya hi si ngɛ tso ko sisi, nɛ e ná nɛ e gbo. E sɔle ke, “Yawɛ, e hiɛ; moo gbe mi jehanɛ. E hi kaa ma gbo mohu; ejakaa ye nɛmɛ nɛ sɛ hlami ɔ, i hí pi mɛ.”

Matsɛmɛ I, 18:12

Ke i je o ngɔ kɛ ho piɔ ɔ, Yawɛ mumi ɔ ma ba ngɔ mo kɛ ho he ko ya nɛ i li. Nɛ e maa ba mi kaa ke i ya de Ahab ke o ngɛ hiɛ ɔ, nɛ e ba, nɛ e ba nɛ mo ɔ, e maa gbe mi. Mo kai kaa kɛ je ye jokuɛ mi tɔɔ ɔ, i yee Yawɛ gbeye.

Matsɛmɛ II, 1:18

Ni kpahi tsuo nɛ Matsɛ Ahazia pee ɔ, a ngma ngɛ Israel Matsɛmɛ ɔmɛ a Yi nɔ Sanehi Womi ɔ mi.