Matsɛmɛ II, 19:34 - BAIBLO ALOO NGMAMI KLƆUKLƆU Ɔ

³⁴ Ngɛ ye biɛ ɔ he, kɛ si nɛ i wo ye tsɔlɔ David he je ɔ, ma bu ma nɛ ɔ he; nɛ nɔ́ ko nɔ́ ko be a he sae.’ ”

Matsɛmɛ II, 19:34 ပူးပေါင်းရင်းမြစ်များ

Matsɛmɛ II, 20:6

Ma ngɔ jeha nyɔngma kɛ enuɔ kɛ piɛ o wami ligbi ɔmɛ a he ha mo. Ma je o kɛ ma nɛ ɔ kɛ je Asiria matsɛ ɔ dɛ mi. Jehanɛ, ngɛ ye biɛ ɔ he, kɛ si nɛ i wo ye tsɔlɔ David he je ɔ, ma bu ma nɛ ɔ he.”

Matsɛmɛ I, 15:4

Se kɛ̃ ɔ, David he ɔ, Yawɛ, e Mawu ɔ ha lɛ binyumu, nɛ bi nɛ ɔ ba ye e se ngɛ Yerusalem, nɛ e ha nɛ matsɛ yemi ɔ da si.

Yesaya 31:5

Bɔ nɛ lohwe pɛlitsɛ tee kɛ bɔleɔ e tsu kɛ buu e bimɛ a he ɔ, ja imi, Yawɛ Tabohiatsɛ ɔ ma bu Yerusalem he, nɛ ma fa e he.”

Yeremia 33:26

Ní nɛ ɔmɛ nɛ i nyɛ pee he je ɔ, somi nɛ i kɛ Yakob nina, kɛ ye tsɔlɔ David so ɔ hu ma ye nɔ sisiisi. Ma hla David nina ko nɛ e ye Abraham, Isak, kɛ Yakob a nina a nɔ. Ma na ye ma a mɔbɔ, nɛ ma ha nɛ a ma ná a he ekohu.”

Yeremia 33:21

I kɛ ye tsɔlɔ David so somi kaa e nina maa ye matsɛ daa. Jehanɛ se hu, i kɛ osɔfohi nɛ je Levi wɛtso ɔ mi ɔ hu so kaa a ma sɔmɔ mi daa be tsuaa be. Kikɛmɛ a somi nɛ ɔmɛ ɔ, nɔ ko nɔ ko be nyɛe maa po a mi.

Yesaya 38:6

Ma he o kɛ Yerusalem yi wami kɛ je Asiria matsɛ ɔ dɛ mi, nɛ ma bu ma a he.”

Efesobi 1:6

E sa kaa wa je Mawu yi kaa e gu e dloomi nɛ hɛ mi ngɛ nyami ɔ nɔ ngɔ e bi nɛ e suɔ ɔ ngɔ ke wɔ yaka gu!

Yesaya 48:11

Imi nitsɛ ye he i pee ha; ee, imi nitsɛ ye he ma pee ha. Ejakaa mɛni he je e sa kaa a puɛ ye biɛ? I be ye hɛ mi nyami ngɔe kɛ ha nɔ kpa ko.”

Yesaya 43:25

Se imi nɔuu ji Mawu nɛ ngɔɔ o he yayami ngɔ paa mo. I be o he yayami ɔmɛ kaie hu.

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Mose V, 32:27

Se i be blɔ ngmɛe nɛ a he nyɛli ɔmɛ nɛ a fĩa ke mɛ lɛ a ye ye ma a nɔ, be mi nɛ imi, Yawɛ nitsɛ nɛ i kpata a hɛ mi.’

Efesobi 1:14

Si nɛ Mawu wo e ni ɔmɛ ɔ, mumi ɔ e kɛ ma nɔ mi kaa wa nine maa su nɔ. Nɛ enɛ ɔ woɔ wɔ he wami kaa Mawu ma ha e we bi maa ye a he kulaa. Nyɛ ha wa je e yi kɛ wo e hɛ mi nyami.

Ezekiel 36:22

“Lɔ ɔ he ɔ, de Israel bi ɔmɛ ke bɔ nɛ imi Nyɔmtsɛ Yawɛ i ngɛ dee ji nɛ ɔ nɛ: Nɔ́ nɛ i yaa pee nɛ ɔ, pi nyɛ Israel bi ɔmɛ nyɛ he, se mohu ye biɛ klɔuklɔu ɔ nɛ nyɛ ble ngɛ ma amɛ a mi he nɛ nyɛ ya a, lɔ ɔ he je.

Yesaya 48:9

“Bɔ nɛ pee nɛ a je ye biɛ yi he je ɔ, i tsi ye mi mi la a nya; i tsi nya, konɛ ma ko kpata nyɛ hɛ mi.

Matsɛmɛ II, 8:19

Se Yawɛ sume kaa e ma kpata Yuda hɛ mi, ejakaa e wo e tsɔlɔ David si kaa e nina maa ye matsɛ kɛ maa ya neneene.

Hosea 1:7

Se Yuda ma a lɛɛ, ma suɔ a sane. Imi Yawɛ, a Mawu ɔ, ma he a yi wami. Pi ta nga nɔ nɛ ma pee nɔ́ nɛ ɔ ngɛ; pi klaate, loo kɛ̃ɛ̃ kɛ kɛ̃ɛ̃ mi bi, loo okpɔngɔhi kɛ a nɔ hili nɛ ma ngɔ kɛ tsu nɔ́ nɛ ɔ.”

Zakaria 9:8

Ma bu ye zugba a he nɛ nɔ ko kó ba tua mɛ. I be yiwutsotsɛmɛ blɔ ngmɛe hu nɛ a ba ye ye ma a nɔ. Imi nitsɛ i ngɛ hyɛe kɛ ye hɛngmɛ paa.