Matsɛmɛ II, 18:8 - BAIBLO ALOO NGMAMI KLƆUKLƆU Ɔ

⁸ E gbe Filisti bi ɔmɛ kɛ ya pue Gaza kɛ e huza amɛ a nɔ tɔɔ, nɛ e kpata ma wawihi, kɛ ma nguahi tsuo a hɛ mi.

Matsɛmɛ II, 18:8 ပူးပေါင်းရင်းမြစ်များ

Yesaya 14:29

Filistia bi, nyɛ bua ko jɔ kulaa kaa tso nɛ a kɛ fiaa nyɛ ɔ mi ku. Ke sinɔ kake gbo ɔ, ekpa nɛ e duɔ nya wa pe kekle nɔ́ ɔ ba yeɔ e nane mi. Sinɔ hlui ko ma pɛ, nɛ sinɔ pɛlitsɛ maa je mi.

Matsɛmɛ II, 17:9

Israel bi ɔmɛ pee níhi nɛ dɛ blɔ ngɛ laami mi kɛ si Yawɛ, a Mawu ɔ. A ma jami hehi ngɔ ha a he ngɛ kɔpekɔpe ɔmɛ, kɛ ma ngua amɛ tsuo a mi.

Kronika II, 28:18

Jamɛ a be ɔ mi nɔuu ɔ, Filisti bi ɔmɛ hu ba tua mahi nɛ ngɛ kɔ̃ ɔ mi ngɛ bonyoku je ɔ, kɛ mahi nɛ ngɛ Yuda leneyi je ɔ. Filisti bi ɔmɛ ngɔ ma nɛ ɔmɛ, nɛ a hi a mi: Bet Shemesh, Aiyalon, kɛ Gederot. A ngɔ Soko kɛ Timna, kɛ Gimzo, kɛ kɔpehi nɛ bɔle ma nɛ ɔmɛ.

Yesaya 5:2

E hu zugba a nɔ, e je tɛhi nɛ ngɛ mi ɔ tsuo, nɛ e du wai tso kpakpahi ngɛ mi. E ma mɔ ko nɛ a maa hi mi kɛ bu ngmɔ ɔ he, e tsua muɔ nɛ a maa nga wai yiblii kɛ wo mi. E mlɛ kɛ ya si be nɛ wai yiblii ɔ fu; se wai yiblii ɔmɛ tsuo dooɔ.

Kronika II, 26:10

E ma mɔhi ngɛ nga a nɔ hulɔ, nɛ e tsua vuhi fuu, ejakaa e ngɛ lohwehi babauu ngɛ kɔ̃ ɔ mi, kɛ nga a nɔ. Akɛnɛ e suɔ humi he je ɔ, e wo e ma mi bi ɔmɛ he wami, nɛ a hu wai ngmɔhi ngɛ yoku ɔmɛ a nɔ, kɛ kɔ̃ ɔmɛ a mi.

Kronika I, 4:41

Yuda matsɛ, Hezekia yi nɔ ɔ, nihi nɛ a wo a biɛ ta nɛ ɔ ya Gerar nɛ a ya gbɛ lejɛ ɔ ma mi bi ɔmɛ a bo tsuhi, nɛ a kpata Meun bi ɔmɛ a hɛ mi. A fie ni ɔmɛ kɛ je ma a mi, nɛ a hi lejɛ ɔ, ejakaa niye ní ngɛ lejɛ ɔ kɛ ha a lohwe ɔmɛ.

Mose V, 2:23

Nihi nɛ je pa kpɔ Kreta nɔ ɔ, hi Mediterenia wo nya zugba a nɔ be ko. Mɛ lɛ a gbe Avim bi ɔmɛ nɛ hi lejɛ ɔ sa a, nɛ a ngɔ a zugba a tsuo nɛ ngɛ leneyi je ɔ kɛ ya su Gaza tɔɔ.)

Yoshua 15:47

Ekomɛ ji Ashdod, kɛ Gaza, kɛ a he mahi kɛ kɔpehi, hluu kɛ ya su pa a he ngɛ Egipt huzu ɔ nya, kɛ Mediterenia wo ɔ hu nya.

Matsɛmɛ I, 5:4

Se jehanɛ lɛɛ Yawɛ, ye Mawu ɔ ha mi tue mi jɔmi ngɛ ye huza amɛ a mi he tsuaa he; i be he nyɛli, nɛ nɔ ko hu ti si kɛ wui mi.