Matsɛmɛ II, 18:7 - BAIBLO ALOO NGMAMI KLƆUKLƆU Ɔ

⁷ Enɛ ɔ he je ɔ, Yawɛ hu piɛ e he, nɛ e yeɔ manye ngɛ nɔ́ tsuaa nɔ́ mi. E tsɔ́ Asiria matsɛ ɔ hɛ mi atuã, nɛ e kua lɛ sɔmɔmi.

Matsɛmɛ II, 18:7 ပူးပေါင်းရင်းမြစ်များ

Matsɛmɛ II, 16:7

Ahaz tsɔ ya de Asiria matsɛ, Tiglat Pileser ke, “O tsɔlɔ kɛ o binyumu ji mi. Siria matsɛ, kɛ Israel matsɛ ba tua mi, lɔ ɔ he ɔ, ba nɛ o ba je ngmlaa ha mi.”

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

La 60:12

Nɛ́ Mawu kɛ wɔ ngɛ nɛ ɔ, wa maa ye kunimi. Lɛ ji nɔ nɛ maa ye wa he nyɛli ɔmɛ a nɔ ha wɔ.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

La 1:3

E ngɛ kaa tso nɛ a du ngɛ pa tue, nɛ woɔ yiblii ngɛ be nɛ sa mi. E bahi gbli we gblegbleegble. E yeɔ manye ngɛ nɔ́ tsuaa nɔ́ mi.

Kronika II, 32:30

Matsɛ Hezekia nɛ ɔ nɔuu tsi Gihon pa a ngɛ yiti je nɛ e ha nɛ nyu ɔ ba be ngɛ David ma a bonyoku je. Nɔ́ tsuaa nɔ́ nɛ Hezekia pee ɔ, e ye manye ngɛ mi.

Kronika II, 31:21

Hezekia ya nɔ saminya, ejakaa nɔ́ tsuaa nɔ́ nɛ e ngɛ pee ɔ, e peeɔ kɛ e tsui tsuo, kɛ Mawu gbeye yemi, Yawɛ we ɔ he ní tsumi jio, mlaa a nɔ yemi jio.

Samuel I, 18:14

nɛ e yeɔ manye ngɛ nɔ́ tsuaa nɔ́ mi; ejakaa Yawɛ kɛ lɛ ngɛ.

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Matsɛmɛ II, 18:20

E bi ke, “O susu kaa nya puu nɛ a kɛ peeɔ ga kɛ hwuu ta lo? Mɛnɔ nɔ o ngɔ o hɛ ngɔ fɔ loko o tsɔ ye hɛ mi atuã a?

Samuel I, 18:5

He tsuaa he nɛ Saul tsɔ David ɔ, e ya yeɔ manye. Enɛ ɔ he ɔ, Saul wo lɛ asafoatsɛ, nɛ nɔ́ nɛ ɔ sa Saul tsɔli, kɛ nihi tsuo a hɛ mi.

Samuel II, 8:6

David to tabohi a hi hehi ngɛ Damasko; nɛ Siria bi ɔmɛ ba plɛ pee David sɔmɔli, nɛ a tsuɔ tó kɛ haa lɛ. Yawɛ ha nɛ David ye kunimi ngɛ he tsuaa he.

Mose I, 21:22

Jamɛ a be ɔ mi ɔ, Abimelek kɛ e tatsɛ Fikol ba Abraham ngɔ. Abimelek de Abraham ke, “Nɔ́ tsuaa nɔ́ nɛ o ngɛ pee ɔ, Mawu piɛɔ o he.

Samuel II, 8:14

David to tabohi a hi hehi ngɛ Edom zugba a nɔ tsuo; nɛ Edom bi ɔmɛ ba plɛ pee e sɔmɔli. Yawɛ ha David ye kunimi ngɛ he tsuaa he.

Matsɛmɛ II, 18:14

Yuda matsɛ, Hezekia tsɔ ya de Asiria matsɛ ɔ ngɛ Lakish ke, “I tɔ o nɔ. I kpa mo pɛɛ nɛ o je ye zugba a nɔ; tue gblami saisaa nɛ o ma ha mi ɔ, ma pee.” Asiria matsɛ ɔ sɛ ke a ya de Yuda matsɛ, Hezekia ke e ba ha lɛ sika hiɔ kilo akpe nyɔngma, kɛ sika tsu kilo akpe.

Yesaya 33:6

nɛ ma a maa ya nɔ saminya. E buu e ma a he be tsuaa be; nɛ e haa ma mi bi ɔmɛ juɛmi kɛ nile. Yawɛ gbeye yemi ji nɔ́ ko nɛ he jua wa saminya kaa juetli agbo ha mɛ.

Yesaya 36:5

E bi lɛ ke, “Anɛ o susuu kaa nya puu peemi ji ga kɛ he wami nɛ a kɛ hwuɔ ta lo? Mɛnɔ nɔ po o ngɔ o hɛ kɛ fɔ loko o tsɔ ye hɛ mi atuã a?

Manyadali 1:19

Yawɛ piɛ Yuda he nɛ a kɛ ngɔ yoku nɔ zugba amɛ. Se ni nɛmɛ nɛ ngɛ kɔ̃ ɔ mi ɔ lɛɛ a nyɛ we nɛ a fie mɛ; ejakaa dade ta zugba lɛhi ngɛ a dɛ.

Matsɛmɛ II, 17:3

E ba mi kaa Asiria matsɛ, Shalmaneser ba tua lɛ, nɛ Hoshea ba pee e sɔmɔlɔ, nɛ e tsuɔ tó kɛ haa lɛ.