Matsɛmɛ II, 18:3 - BAIBLO ALOO NGMAMI KLƆUKLƆU Ɔ

³ Hezekia ya wo e nɛ̃ David nane, nɛ e ní peepee sa Yawɛ hɛ mi.

Matsɛmɛ II, 18:3 ပူးပေါင်းရင်းမြစ်များ

Matsɛmɛ II, 20:3

“Yawɛ lee, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

Hiob 33:27

E kɛ bua jɔmi ma de ngɛ ma hɛ mi ke, “I pee yayami. I pee we nɔ́ nɛ da blɔ, se kɛ̃ ɔ, Mawu na mi mɔbɔ.

Kronika II, 29:2

Hezekia ya wo e nɛ̃ David nane, nɛ e pee Yawɛ suɔmi nya ní.

Matsɛmɛ II, 22:2

Yosia ní peemi níhi sa Yawɛ hɛ mi. E ya wo e nɛ̃ David nane ngɛ nɔ́ tsuaa nɔ́ peemi mi, nɛ e ye Mawu mlaa amɛ tsuo a nɔ sisiisi.

Matsɛmɛ I, 15:11

Asa pee Yawɛ suɔmi nya ní kaa bɔ nɛ e nɛ, David pee ɔ pɛpɛɛpɛ.

Matsɛmɛ I, 15:5

Yawɛ pee nɔ́ nɛ ɔ, ejakaa David wami be ɔ tsuo ɔ, e pee Yawɛ suɔmi nya ní. Mlaa amɛ nɛ Yawɛ wo lɛ ɔ, e tɔ we ekoeko pe sane ɔ nɛ ya ba ngɛ e kɛ Hit no Uria a kpɛti ɔ pɛ.

Matsɛmɛ I, 11:38

Ke o maa bu mi tue kɛ pi si, nɛ o maa ye ye mlaa amɛ a nɔ, nɛ o maa pee ye suɔmi nya ní kaa bɔ nɛ ye tsɔlɔ David pee ɔ, lɛɛ i kɛ mo maa hi si daa. Ma wo mo tsɛ ngɛ Israel, nɛ ma ha nɛ o nina maa ye tsɛ ngɛ o se kaa bɔ nɛ i pee ha David ɔ.

Matsɛmɛ I, 11:4

nɛ benɛ e ba bwɔ ɔ, a ha nɛ e bɔni mawu kpahi jami. Salomo yi Yawɛ, e Mawu ɔ anɔkuale kɛ pi si kaa bɔ nɛ e tsɛ David pee ɔ.

Matsɛmɛ I, 3:14

Nɛ ke o maa bu mi tue, nɛ o maa ye ye mlaa amɛ a nɔ kaa bɔ nɛ o tsɛ David pee ɔ, ma ha o wami se maa kɛ.”

Mose V, 6:18

Nɔ́ tsuaa nɔ́ nɛ Yawɛ de ke e da, loo e hi ɔ, nyɛɛ pee. Ke nyɛ pee ja a, e maa hi ha nyɛ, nɛ nyɛ ma nyɛ ya ngɔ zugba kpakpa a nɛ Yawɛ wo nyɛ nɛmɛ ɔmɛ si ke e ma ha mɛ ɔ;

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

Efesobi 6:1

Bimɛ, nyɛɛ bu nyɛ fɔli tue kaa nihi nɛ ngɛ Nyɔmtsɛ ɔ sɔmɔe, ejakaa nɔ́ nɛ sa nyɛ peemi ji nɛ ɔ nɛ.

Romabi 7:12

Lɔ ɔ he ɔ, mlaa a ngɛ klɔuklɔu, kita a hu ngɛ klɔuklɔu; e da, nɛ e hi hulɔ.

La 119:128

Lɔ ɔ he ɔ, i buɔ o mlaa amɛ tsuo, se blɔhi nɛ dɛ ɔ lɛɛ i sume.

Mose V, 10:12

“Jehanɛ, Israel bi, nyɛɛ bu nɔ́ nɛ Yawɛ, nyɛ Mawu ɔ ngɛ hlae kaa nyɛɛ pee ɔ tue. Nyɛ ja Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ pɛpɛɛpɛ. Nyɛɛ suɔ lɛ, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.

Matsɛmɛ II, 12:3

Se wɔ jami he ɔmɛ ɔ, e puɛ we mɛ; enɛ ɔ he je ɔ, ma a sãã bɔ, kɛ tsopa kɛ e he via ngɛ lejɛ ɔmɛ kɛ mwɔɔ.

Matsɛmɛ II, 14:3

E pee nɔ́ nɛ sa Yawɛ hɛ mi, se e be kaa e nɛ̃ David; e ya wo e tsɛ Yoash nane.

Yesaya 38:3

“Yawɛ, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.