Matsɛmɛ II, 18:14 - BAIBLO ALOO NGMAMI KLƆUKLƆU Ɔ

¹⁴ Yuda matsɛ, Hezekia tsɔ ya de Asiria matsɛ ɔ ngɛ Lakish ke, “I tɔ o nɔ. I kpa mo pɛɛ nɛ o je ye zugba a nɔ; tue gblami saisaa nɛ o ma ha mi ɔ, ma pee.” Asiria matsɛ ɔ sɛ ke a ya de Yuda matsɛ, Hezekia ke e ba ha lɛ sika hiɔ kilo akpe nyɔngma, kɛ sika tsu kilo akpe.

Matsɛmɛ II, 18:14 ပူးပေါင်းရင်းမြစ်များ

Matsɛmɛ II, 18:7

Enɛ ɔ he je ɔ, Yawɛ hu piɛ e he, nɛ e yeɔ manye ngɛ nɔ́ tsuaa nɔ́ mi. E tsɔ́ Asiria matsɛ ɔ hɛ mi atuã, nɛ e kua lɛ sɔmɔmi.

Luka 14:32

Ke e na kaa e be nyɛe ɔ, be mi nɛ matsɛ kake ɔ ngɛ tsitsaa lokoo kɛ ma a, e maa tsɔ nihi ya kpee lɛ. A kɛ lɛ maa sɛɛ ní, konɛ tue mi jɔmi nɛ ba.”

Abɛ Womi 29:25

Ke o ngɛ nɔmlɔ adesa gbeye yee ɔ, o naa haomi; se ke o ngɔ o hɛ kɛ fɔ Yawɛ nɔ ɔ, nɔ́ ko nɔ́ ko be o he sae.

Matsɛmɛ I, 20:4

Ahab he nɔ ke, “Mo ya de ye nyɔmtsɛ, Matsɛ Benhadad ke i kplɛɛ nɔ́ nɛ e bi mi ɔ nɔ; imi nitsɛ, kɛ nɔ́ tsuaa nɔ́ nɛ i ngɛ ɔ, e níhi ji wɔ.”

Matsɛmɛ II, 10:5

Lɔ ɔ he ɔ, matsɛ we ɔ nɔ hyɛlɔ ɔ, amlaalo ɔ nɛ ngɛ ma a mi ɔ, ma nimeli ɔmɛ, kɛ matsɛ binyumu ɔmɛ a nɔ hyɛli ɔmɛ tsɔ ya de Yehu ke, “O tsɔli ji wɔ; nɛ nɔ́ tsuaa nɔ́ nɛ o ma de wɔ ke waa pee ɔ, wa maa pee. Wɔɔ lɛɛ wa be nɔ ko nɔ ko matsɛ woe; nɔ́ nɛ sa o hɛ mi ɔ, moo pee.”

Matsɛmɛ II, 14:19

E ba mi kaa a so Amazia yi nɔ ngɛ Yerusalem kaa a maa gbe lɛ. Lɔ ɔ he ɔ, e tu fo kɛ ho Lakish ya; se a tsɔ nihi kɛ nyɛɛ e se, nɛ a ya gbe lɛ ngɛ lejɛ ɔ.

Matsɛmɛ II, 19:8

Asiria asafoatsɛngua a nu kaa Asiria matsɛ ɔ hia kɛ je Lakish nɛ e kɛ Libna bi ya ngɛ ta hwue. Lɔ ɔ he ɔ, e ho nɛ e ya ná lɛ ngɛ lejɛ ɔ.

Yeremia 34:7

Jamɛ a be ɔ, Babilonia matsɛ ɔ tabo ɔ ya tua ma a momo, nɛ a kɛ Lakish kɛ Azeka hu ngɛ ta hwue. Ma nɛ ɔmɛ pɛ ji Yuda mahi nɛ a fia gbogbo ngɔ wo a he ɔ nɛ piɛ.

Matsɛmɛ II, 15:20

Menahem he sika nɛ ɔ kɛ je Israel niatsɛmɛ ɔmɛ a dɛ; e tsu niatsɛ tsuaa niatsɛ sika hiɔ yi nyingmi enuɔ. Kɛkɛ nɛ Asiria matsɛ ɔ kpale kɛ ho e ma mi ya.