Matsɛmɛ II, 18:10 - BAIBLO ALOO NGMAMI KLƆUKLƆU Ɔ

¹⁰ Jeha etɛ se ɔ, e ngɔ ma a. Benɛ a ngɔ Samaria a, jamɛ a be ɔ mi ɔ, Hezekia ná jeha ekpa momo ngɛ e sɛ ɔ nɔ, nɛ Israel matsɛ, Hoshea hu na jeha nɛɛ.

Matsɛmɛ II, 18:10 ပူးပေါင်းရင်းမြစ်များ

Mika 7:13

Se zugba a hɛ mi ma kpata; ejakaa nihi nɛ ngɛ zugba a nɔ ɔ, yiwutsotsɛmɛ ji mɛ.

Mika 6:16

Ní nɛ ɔmɛ maa ba mi, ejakaa nyɛ ya ye Matsɛ Omri mlaa amɛ a nɔ, nɛ níhi nɛ e bi Ahab pee ɔ, nyɛ hu nyɛ pee jamɛ a ní ɔmɛ nɔuu. Nyɛ ya nyɛɛ a blɔ yayami ɔmɛ a nɔ. Enɛ ɔ he je ɔ, ma kpata nyɛ hɛ mi pɛsɛpɛsɛ. Je ma amɛ ma li nyɛ, nɛ a maa ye nyɛ he fɛu; nɔ tsuaa nɔ nɛ maa na nyɛ ɔ maa hie nyɛ.” Yawɛ lɛ de.

Amos 6:7

Enɛ ɔ he je ɔ, nyɛ ji kekleekle nihi nɛ a maa nuu nyɔguɛ kɛ ho. Nɛ nyɛ bua jɔmi ɔ se maa po.

Amos 3:11

Lɔ ɔ he ɔ, he nyɛli ma ba sa ma a yi. A maa ywia a mɔ ɔmɛ, nɛ a maa ha ní ngɛ a we saminyawiiwi ɔmɛ a mi.”

Hosea 13:16

A maa gbla Samaria tue, ejakaa e tsɔ ye hɛ mi atuã. Ta ma kpata ma a mi bi ɔmɛ a hɛ mi; a maa ngɔ a bimwɔwi ɔmɛ ngɔ fiaa si, nɛ a kɛ klaate ma fɛ yihɔyi ɔmɛ a mi mi.”

Mose IV, 32:41

Yair nɛ je Manase wɛtso ɔ mi ɔ hu ya tua kɔpe komɛ, nɛ e ngɔ mɛ, nɛ e wo mɛ biɛ ke Havot Yair (e sisi ji Yair kɔpehi).

Matsɛmɛ II, 17:6

Hoshea yi nɔ jeha nɛ ji nɛɛ ɔ mi ɔ, Asiria matsɛ ɔ ngɔ Samaria, nɛ e muɔ Israel bi ɔmɛ kɛ ho Asiria ya. E ngɔ ni komɛ ya to Hala, e ngɔ ni komɛ ya to Habor pa a nya ngɛ Gozan zugba a nɔ, nɛ e ngɔ ni komɛ hu ya to Media bi ɔmɛ a ma amɛ a mi.

Yesaya 10:9

Kalno ma a, kɛ Karkemish ma a nɛɛ, mɛni slɔɔto ngɛ a kpɛti? Anɛ Hamat ma a be kaa Arpad ma a lo? Samaria kɛ Damasko ɔ nɛɛ, slɔɔto ko ngɛ a kpɛti lo?