Matsɛmɛ II, 17:41 - BAIBLO ALOO NGMAMI KLƆUKLƆU Ɔ

⁴¹ Lɔ ɔ he ɔ, je ma nɛ ɔmɛ sɔmɔɔ Yawɛ, nɛ a jaa mɛ nitsɛmɛ a we amaga amɛ hulɔ. Nɛ bɔ nɛ tsɛmɛ ɔmɛ pee blema a, ja nɔuu nɛ bimɛ ɔmɛ, kɛ bibimɛ ɔmɛ ngɛ pee kɛ ba si mwɔnɛ ɔ.

Matsɛmɛ II, 17:41 ပူးပေါင်းရင်းမြစ်များ

Zefania 1:5

Nɔ tsuaa nɔ nɛ kuɔɔ kɛ yaa tsu yi mi, nɛ e ya jaa pu, loo nyɔhiɔ, loo dodoe ɔ, ma kpata e hɛ mi. Nihi nɛ a jaa imi Yawɛ, nɛ a woɔ si ke a maa nyɛɛ ye se, se a kɛ mawu ɔ nɛ a tsɛɛ Milkom ɔ biɛ kaa kita a, mɛ hu ma kpata a hɛ mi.

Mateo 6:24

“Nɔ ko be nyɛe ma sɔmɔ nyɔmtsɛmɛ enyɔ; eko ɔ, e maa nyɛ nɔ kake, nɛ e maa suɔ nɔ kake; aloo e maa pee nɔ kake suɔmi nya ní, nɛ nɔ kake ɔ lɛɛ e be lɛ bue fɛɛ. O be nyɛe ma sɔmɔ Mawu kɛ sika tsuo.

Matsɛmɛ I, 18:21

Eliya hɛ lɛ kɛ su ma a he, nɛ e bi mɛ ke, “Kɛ yaa si mɛni be loko nyɛ maa pee nyɛ juɛmi ngɛ nɔ́ enyɔ nɛ ɔmɛ a he? Ke Yawɛ ji Mawu ɔ, nyɛ ja lɛ; ke Baal ji Mawu ɔ, nyɛ ja lɛ.” Se ma a ha we lɛ heto.

Matsɛmɛ II, 17:40

Se ni ɔmɛ bui Mawu tue, nɛ a ya nɔ kɛ a blema kusumi ní ɔmɛ a peemi.