Matsɛmɛ II, 17:4 - BAIBLO ALOO NGMAMI KLƆUKLƆU Ɔ

⁴ Jeha ko mi ɔ, Hoshea tsu we tó kɛ ha Asiria matsɛ ɔ kaa bɔ nɛ e peeɔ daa jeha a; mohu ɔ, e tsɔ ya bi yemi kɛ buami ngɛ Egipt matsɛ, So ngɔ. Asiria matsɛ ɔ ngɔ nɔ́ nɛ ɔ kaa atuã tsɔmi, nɛ e nu Hoshea ngɔ wo tsu.

Matsɛmɛ II, 17:4 ပူးပေါင်းရင်းမြစ်များ

Kronika II, 32:11

Hezekia deɔ nyɛ ke Yawɛ, nyɛ Mawu ɔ ma kpɔ nyɛ kɛ je wa dɛ mi. Se anɛ nyɛ li kaa Hezekia ngɛ nyɛ mlɔɔe, nɛ e ma ha nɛ mi mi hwɔ, kɛ kuma maa gbe nyɛ lo?

Matsɛmɛ II, 25:7

A gbe Zedekia binyumu ɔmɛ ngɛ e hɛ mi. Lɛ nitsɛ lɛɛ a ta e hɛngmɛhi, nɛ a bɔ lɛ pã; nɛ a ngɔ lɛ kɛ ho Babilon ya.

Matsɛmɛ II, 24:20

Yawɛ mi mi fu Yuda ma a, kɛ nihi nɛ ngɛ Yerusalem ɔ wawɛɛ nitsɛ kɛ ya si e je e hɛ ngɛ a nɔ.

Matsɛmɛ II, 24:1

Benɛ Yehoyakim ngɛ tsɛ yee ɔ, Babilonia matsɛ, Nebukadnezar hia ta ba tua Yuda. Yehoyakim sɔmɔ lɛ jeha etɛ, nɛ lɔ ɔ se ɔ, e tsɔ atuã.

Matsɛmɛ II, 18:21

Ke o ngɛ blɔ hyɛe kaa Egipt ma ba piɛ o he ɔ, o ngɛ kaa nɔ ko nɛ e kɛ gla pee e dɛma tso; gla a maa ku nɛ e maa gbɔ e dɛ mi. Kikɛ nɛ ɔ Egipt matsɛ ɔ ngɛ, nɛ nɔ tsuaa nɔ nɛ ngɔɔ e hɛ ngɔ fɔɔ e nɔ ɔ, nɔ́ nɛ baa e nɔ ji nɛ ɔ nɛ.”

Mose V, 28:36

“Yawɛ maa ngɔ nyɛ, kɛ nyɛ matsɛ ɔ kɛ ya ma se he nɛ nyɛ li, he nɛ nyɛ nɛmɛ tete hí hyɛ; nyɛ ma ya sɔmɔ mawuhi nɛ a kɛ tso kɛ tɛ pee ngɛ lejɛ ɔ.

Matsɛmɛ II, 17:3

E ba mi kaa Asiria matsɛ, Shalmaneser ba tua lɛ, nɛ Hoshea ba pee e sɔmɔlɔ, nɛ e tsuɔ tó kɛ haa lɛ.

Matsɛmɛ II, 17:5

Enɛ ɔ se ɔ, Asiria matsɛ ɔ ya tua Israel zugba a tsuo; nɛ benɛ e su Samaria a, e sa ma a yi jeha etɛ.

Hosea 10:4

Nya puu sɔuu a peeɔ; a woɔ si nya mi gu. A kaa lakpa kita kɛ soɔ somihi. A plɛɔ nɔ́ nɛ da hɛ mi ngɔ buɔ si, nɛ nɔ́ nɛ dɛ hii nɔ yae. Enɛ ɔ he je ɔ, munyu yemi heɔ si kaa bɔ nɛ hu yaya puɛɔ ngmɔ nɔ niba ní ɔ.

Hosea 13:10

Nyɛ bi ke a to matsɛ ha nyɛ, nɛ nyɛ bi hu ke a ha nyɛ asafoatsɛmɛ; se nimli nɛ ɔmɛ ma nyɛ ma he nyɛ yi wami lo?

Hosea 8:10

A ya bɔ ma kpahi apaa ke a ba piɛ a he lɛɛ, se e be kɛe kulaa nɛ ma gbla a tue. Be kuku pɛ a be matsɛmɛ woe hu, nɛ a be ma nimeli hu hlae.

Hosea 12:2

Yawɛ kɛ Yuda ma a ná. E maa gbla Israel ma a hu tue ngɛ a je mi bami he. A he yayami ɔmɛ a he ɔ, e maa gbla a tue.