Matsɛmɛ II, 17:32 - BAIBLO ALOO NGMAMI KLƆUKLƆU Ɔ

³² Nimli nɛ ɔmɛ jaa Yawɛ hulɔ. Enɛ ɔ he je ɔ, a hla ni komɛ kɛ je a kpɛti, nɛ a wo mɛ osɔfohi, konɛ a sã bɔ kɛ ha Yawɛ ha mɛ ngɛ piɛ ɔmɛ a mi ngɛ yoku ɔmɛ a nɔ.

Matsɛmɛ II, 17:32 ပူးပေါင်းရင်းမြစ်များ

Matsɛmɛ I, 12:31

Jehanɛ, Yeroboam ma jami hehi ngɛ yoku ɔmɛ a nɔ. E hla ma a mi nimli saisaa nɛ e wo mɛ osɔfo; nihi nɛ ji Levi wɛtso ɔ mi po, e wo mɛ osɔfo.

Matsɛmɛ II, 17:29

Se kɛ̃ ɔ, je ma tsuaa je ma pee mawu ha a he, nɛ a ngɔ ya to jami hehi nɛ Samaria bi ɔmɛ to ngɛ ma amɛ a mi he nɛ a ngɛ ɔ. Je ma amɛ tsuo to a we amaga amɛ ngɛ ma amɛ a mi he nɛ a ngɛ ɔ.

Zefania 1:5

Nɔ tsuaa nɔ nɛ kuɔɔ kɛ yaa tsu yi mi, nɛ e ya jaa pu, loo nyɔhiɔ, loo dodoe ɔ, ma kpata e hɛ mi. Nihi nɛ a jaa imi Yawɛ, nɛ a woɔ si ke a maa nyɛɛ ye se, se a kɛ mawu ɔ nɛ a tsɛɛ Milkom ɔ biɛ kaa kita a, mɛ hu ma kpata a hɛ mi.

Matsɛmɛ II, 23:19

Janu gegu nɛ Israel matsɛmɛ ɔmɛ ma ngɛ Samaria ma amɛ a mi nɛ a kɛ wo Yawɛ mi mi la a, Yosia gbɛ mɛ tsuo, nɛ e pee bɔ sami la tɛhi ngɛ lejɛ ɔ kaa bɔ nɛ e pee Betel nɔ́ ɔ pɛpɛɛpɛ.

Matsɛmɛ I, 13:33

Ní nɛ ɔmɛ kulaa a se ɔ, Matsɛ Yeroboam kpale we kɛ ji e blɔ yayami ɔmɛ a nɔ; se mohu e hlaa nihi kɛ jeɔ ma a mi he tsuaa he, nɛ e woɔ mɛ osɔfohi kɛ haa ní tsumi ngɛ jami he ɔmɛ. Nɔ tsuaa nɔ nɛ suɔ kaa e maa ye osɔfo ɔ, kɛkɛ Yeroboam wo lɛ osɔfo.

Matsɛmɛ I, 13:31

Benɛ a dla lɛ se ɔ, gbalɔ nɔmoyo ɔ de e binyumu ɔmɛ ke, “Ke i gbo ɔ, nyɛɛ pu mi ngɛ yɔkɔ nɛ ɔ mi ngɛ gbalɔ nɛ ɔ kasa nya.

Matsɛmɛ II, 17:25

Benɛ a ba lejɛ ɔ kekleekle ɔ, a ja we Yawɛ, lɔ ɔ he ɔ, Yawɛ ha nɛ jatahi ba sɛ a kpɛti, nɛ jata amɛ gbe a ti ni komɛ.

Matsɛmɛ II, 17:33

Lɔ ɔ he ɔ, a sɔmɔɔ Yawɛ, nɛ a jaa mɛ nitsɛmɛ a mawu ɔmɛ hulɔ, kaa bɔ nɛ a peeɔ ngɛ hehi nɛ a je kɛ ba a.

Ezra 4:2

a ba na Zerubabel, kɛ we puɔ nya dali ɔmɛ, nɛ a de mɛ ke, “Nyɛ ha nɛ waa piɛ nyɛ he kɛ ma Mawu we ɔ, ejakaa Mawu kake ɔ nɛ nyɛ jaa a, lɛ wɔ hu wa jaa. Kɛ je Asiria matsɛ, Esarhadon nɛ ngɔ wɔ kɛ ba hiɛmɛ nɛ ɔ yi nɔ ɔ, lɛ ji Mawu nɛ wa jaa nɛ wa sãã bɔ kɛ haa.”

Matsɛmɛ I, 12:33

Nyɔhiɔ kpaanyɔne ɔ we ligbi nyɔngma kɛ enuɔ ɔ, Yeroboam yaa Betel ya sãã tsopa kɛ e he via ngɛ bɔ sami la tɛ nɛ e puɛ ɔ nɔ. Kikɛmɛ a ligbi nɛ ɔ ji ligbi nɛ lɛ nitsɛ e ngɔ kɛ pee nyami ligbi ha Israel ma a.

Matsɛmɛ II, 17:41

Lɔ ɔ he ɔ, je ma nɛ ɔmɛ sɔmɔɔ Yawɛ, nɛ a jaa mɛ nitsɛmɛ a we amaga amɛ hulɔ. Nɛ bɔ nɛ tsɛmɛ ɔmɛ pee blema a, ja nɔuu nɛ bimɛ ɔmɛ, kɛ bibimɛ ɔmɛ ngɛ pee kɛ ba si mwɔnɛ ɔ.