Matsɛmɛ II, 17:3 - BAIBLO ALOO NGMAMI KLƆUKLƆU Ɔ

³ E ba mi kaa Asiria matsɛ, Shalmaneser ba tua lɛ, nɛ Hoshea ba pee e sɔmɔlɔ, nɛ e tsuɔ tó kɛ haa lɛ.

Matsɛmɛ II, 17:3 ပူးပေါင်းရင်းမြစ်များ

Samuel II, 8:2

E ya tua Moab bi ɔmɛ hulɔ nɛ e ye a nɔ. E ha nɛ ni ɔmɛ hwɔ si ngɛ zugba, nɛ e gba a mi etɛɛtɛ. Ni etɛ tsuaa ni etɛ mi ɔ, e gbe ni enyɔ, nɛ e kɛ nɔ kake he ke lɛ. Lɔ ɔ he ɔ, Moab bi ɔmɛ ba pee David sɔmɔli, nɛ a tsuɔ tó kɛ haa lɛ.

Samuel II, 8:6

David to tabohi a hi hehi ngɛ Damasko; nɛ Siria bi ɔmɛ ba plɛ pee David sɔmɔli, nɛ a tsuɔ tó kɛ haa lɛ. Yawɛ ha nɛ David ye kunimi ngɛ he tsuaa he.

Matsɛmɛ II, 15:19

Asiria matsɛ, Tiglat Pileser ba tua Israel; nɛ Menahem ha lɛ sika hiɔ kilo akpe nyingmi etɛ kɛ eywiɛ, bɔ nɛ pee nɛ Tiglat Pileser nɛ e piɛ e he, nɛ e matsɛ yemi ɔ nɛ da si.

Matsɛmɛ II, 15:20

Menahem he sika nɛ ɔ kɛ je Israel niatsɛmɛ ɔmɛ a dɛ; e tsu niatsɛ tsuaa niatsɛ sika hiɔ yi nyingmi enuɔ. Kɛkɛ nɛ Asiria matsɛ ɔ kpale kɛ ho e ma mi ya.

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Matsɛmɛ II, 17:2

E pee yayami kɛ si Yawɛ, se e yayami ɔ sui Israel matsɛmɛ ɔmɛ nɛ nyɛɛ e hɛ mi ɔ a nɔ́ ɔ.

Matsɛmɛ II, 17:4

Jeha ko mi ɔ, Hoshea tsu we tó kɛ ha Asiria matsɛ ɔ kaa bɔ nɛ e peeɔ daa jeha a; mohu ɔ, e tsɔ ya bi yemi kɛ buami ngɛ Egipt matsɛ, So ngɔ. Asiria matsɛ ɔ ngɔ nɔ́ nɛ ɔ kaa atuã tsɔmi, nɛ e nu Hoshea ngɔ wo tsu.

Matsɛmɛ II, 18:31

Nyɛ ko bu Hezekia tue. Asiria matsɛ ngua a ngɛ nyɛ dee ke nyɛɛ kɛ lɛ ba kpata. Kɛkɛ ɔ, nyɛ maa ye nyɛ he, nɛ nɔ tsuaa nɔ maa ye lɛ nitsɛ e wai kɛ ngmɔkɔ yiblii, nɛ nɔ tsuaa nɔ maa nu lɛ nitsɛ e vu mi nyu

Matsɛmɛ II, 18:7

Enɛ ɔ he je ɔ, Yawɛ hu piɛ e he, nɛ e yeɔ manye ngɛ nɔ́ tsuaa nɔ́ mi. E tsɔ́ Asiria matsɛ ɔ hɛ mi atuã, nɛ e kua lɛ sɔmɔmi.

Nehemia 9:32

“Wa Mawu, mo Mawu kpetekpleenyɛ, mo nɛ o he ngɛ gbeye, nɛ o kɔni si wa. Moo lɛɛ o yeɔ o somi, kɛ si womi ɔmɛ a nɔ pɛpɛɛpɛ. Kɛ je benɛ Asiria matsɛmɛ ɔmɛ bɔni wɔ haomi kɛ ba su mwɔnɛ ɔ, moo hyɛ amanehlu sɔuu nɛ wa na! Wa matsɛmɛ ɔmɛ, wa ma nimeli ɔmɛ, wa osɔfo ɔmɛ, gbali ɔmɛ, wa nɛmɛ ɔmɛ, kɛ wa ma kpekpemi ɔ tsuo na nɔ́ tsɔ. Mo kai wɔ, ejakaa wa we amanehlu ɔ hiɛ tsɔ!

Yesaya 17:4

Bɔ nɛ Yawɛ de ji nɛ ɔ nɛ: “Be ma nɛ Israel hɛ mi nyami ɔ tsuo maa ta; sa a, a ná ní kpɔtɔɔ, se jehanɛ lɛɛ a maa ye ohia.

Yesaya 8:8

He nyɛli ɔmɛ ma ba gu Yuda zugba a nɔ kaa pa nɛ hyi ywia nga kɛ su nɔ konɔ tɔɔ, nɛ e ha nɔ́ tsuaa nɔ́ nɔ.” Mawu kɛ wɔ ngɛ! E bli e pɛlihi a mi kɛ ngɛ zugba a he bue.

Ezekiel 23:5

Ohola je ye se ya puɛ gba. E kɛ ni nɛmɛ nɛ je Asiria mohu ya pee e suɔli.

Hosea 10:14

Enɛ ɔ he ɔ, ta ma ba tua nyɛ, nɛ nyɛ mɔ ɔmɛ tsuo a hɛ mi ma kpata kaa bɔ nɛ Matsɛ Shalman kpata Betabel hɛ mi ngɛ ta mi ɔ. Jamɛ a ligbi ɔ, a nuu nyɛmɛ kɛ a bimɛ tsuo ngɔ fiaa si nɛ a gbe mɛ.

Hosea 10:4

Nya puu sɔuu a peeɔ; a woɔ si nya mi gu. A kaa lakpa kita kɛ soɔ somihi. A plɛɔ nɔ́ nɛ da hɛ mi ngɔ buɔ si, nɛ nɔ́ nɛ dɛ hii nɔ yae. Enɛ ɔ he je ɔ, munyu yemi heɔ si kaa bɔ nɛ hu yaya puɛɔ ngmɔ nɔ niba ní ɔ.

Hosea 8:10

A ya bɔ ma kpahi apaa ke a ba piɛ a he lɛɛ, se e be kɛe kulaa nɛ ma gbla a tue. Be kuku pɛ a be matsɛmɛ woe hu, nɛ a be ma nimeli hu hlae.

Mose III, 26:25

Ma ha ta ma ba tua nyɛ; ma ngɔ ta a kɛ gbla nyɛ tue. Ke nyɛ bua nyɛ he nya kɛ laa nyɛ he ngɛ ma amɛ a mi ɔ, ma ha hiɔ nɛ be tsa ba maa sɛ nyɛ kpɛti; ma ngɔ nyɛ ngɔ wo nyɛ he nyɛli ɔmɛ a dɛ mi.