Matsɛmɛ II, 17:23 - BAIBLO ALOO NGMAMI KLƆUKLƆU Ɔ

²³ kɛ ya si Yawɛ je e hɛ ngɛ a he kaa bɔ nɛ e de to kɛ gu e tsɔli gbali ɔmɛ a nɔ ɔ. Lɔ ɔ he ɔ, a ngɔ Israel bi ɔmɛ nyɔguɛ kɛ je mɛ nitsɛmɛ a zugba a nɔ kɛ ho Asiria ya; nɛ a ngɛ lejɛ ɔ kɛ ba si mwɔnɛ ɔ.

Matsɛmɛ II, 17:23 ပူးပေါင်းရင်းမြစ်များ

Matsɛmɛ II, 17:6

Hoshea yi nɔ jeha nɛ ji nɛɛ ɔ mi ɔ, Asiria matsɛ ɔ ngɔ Samaria, nɛ e muɔ Israel bi ɔmɛ kɛ ho Asiria ya. E ngɔ ni komɛ ya to Hala, e ngɔ ni komɛ ya to Habor pa a nya ngɛ Gozan zugba a nɔ, nɛ e ngɔ ni komɛ hu ya to Media bi ɔmɛ a ma amɛ a mi.

Matsɛmɛ II, 17:13

Yawɛ gu gbali, kɛ ní nali a nɔ nɛ e kɛ slɔ Israel kɛ Yuda ke, “Nyɛɛ kpale kɛ je nyɛ blɔ yayami ɔmɛ a nɔ. Nyɛɛ ye ye mlaa amɛ nɛ i wo nyɛ nɛmɛ ɔmɛ, kɛ blɔ nya tomi ɔmɛ a nɔ. I ngɔ ní nɛ ɔmɛ ngɔ ha nyɛ kɛ gu ye tsɔli gbali ɔmɛ a nɔ.”

Amos 5:27

nɛ ma ngɔ nyɛ kaa nyɔguɛhi kɛ maa ya Damasko se tsitsaa a.” Yawɛ Tabohiatsɛ Mawu ɔ lɛ de.

Matsɛmɛ II, 17:20

Yawɛ kua Israel nina amɛ tsuo. E ha nɛ a na amanehlu, nɛ e ngɔ mɛ kɛ wo ní hali a dɛ mi kɛ ya si e je e hɛ ngɛ a nɔ kulaa.

Matsɛmɛ II, 17:18

Enɛ ɔ he je ɔ, Yawɛ mi mi fu Israel wawɛɛ nitsɛ, nɛ e je e hɛ ngɛ mɛ tsuo pɛpɛɛpɛ a nɔ, ja Yuda wɛtso ɔ pɛ.

Matsɛmɛ I, 14:16

Yawɛ ma je e nine ngɛ Israel he, ejakaa Yeroboam pee yayami, nɛ e ha nɛ Israel hu ya pee yayami.”

Mika 1:6

Lɔ ɔ he ɔ Yawɛ ke, “Ma ha nɛ Samaria maa pee kaa kuku ngɛ nga nɔ, he nɛ a ma du wai tsohi ngɛ. Ma kpɛne tɛhi ngɛ ma a mi kɛ wo kɔ̃ ɔ mi, nɛ ma a sisi tomi ɔ maa je kpo.

Matsɛmɛ I, 13:2

Kɛkɛ nɛ Yawɛ fa gbalɔ ɔ, nɛ e kpa ngmlaa ngɔ wo bɔ sami la tɛ ɔ ke, “Bɔ sami la tɛ! Bɔ sami la tɛ! Bɔ nɛ Yawɛ de ji nɛ ɔ nɛ: a ma fɔ binyumu ko ngɛ David we ɔ mi, nɛ a ma tsɛ e biɛ ke Yosia. E ma ba gbe osɔfo ɔmɛ nɛ a ngɛ tsopa kɛ e he via sãe ngɛ o nɔ ɔ, nɛ e maa sã nimlihi a wuhi ngɛ o nɔ.”

Matsɛmɛ I, 9:7

lɛɛ ma je ye ma, Israel kɛ je zugba a nɛ i ha mɛ ɔ nɔ. We nɛ ɔ hu nɛ i pee klɔuklɔu nɛ a ja mi ngɛ mi ɔ, ma je ye nine ngɛ he. Je ma amɛ tsuo pɛpɛɛpɛ maa wo Israel la, nɛ a maa ye e he fɛu.

Matsɛmɛ II, 17:22

Israel bi ɔmɛ ya nyɛɛ Yeroboam se, nɛ a pee yayami tsuo nɛ e pee ɔ hluu

Mose V, 32:20

E de ke, ‘Jehanɛ, i be a he piɛe hu; ma hyɛ nɔ́ nɛ maa ba a nɔ; nihi nɛ a tue mi ti, nɛ a yi a siwo nɔ.

Yoshua 23:13

nyɛ na nɛ nyɛɛ le kaa, ke nyɛ hia kɛ yaa a, Yawɛ, nyɛ Mawu ɔ be je ma nɛ ɔmɛ fiee kɛ je nyɛ blɔ mi hu. Mohu ɔ, nyɛ he nyɛli ɔmɛ maa pee kaa klama ko nɛ a tsɔ nyɛ, loo muɔ nɛ a tsua ngɛ nyɛ sisi. A maa pee kaa kpa nɛ a kɛ ngɛ nyɛ se mi fiae, nɛ maa sãã nyɛ, loo mio nɛ ngɛ nyɛ hɛngmɛ mi gbɔɔe. Nɔ́ nɛ ɔ ma tsa nɔ kɛ yaa si be nɛ nyɛ ti nɔ ko nɔ ko be piɛe ngɛ zugba kpakpa nɛ ɔ nɛ Yawɛ, nyɛ Mawu ɔ ngɔ ha nyɛ ɔ nɔ.

Manyadali 18:30

Dan bi ɔmɛ ngɔ amaga a kɛ ma si, nɛ a bɔni lɛ jami. Gershom binyumu Yonatan, Mose bibi ɔ, kɛ e bimɛ nɛ ba ngɛ e se ɔ, ye osɔfo ha Dan wɛtso ɔ kɛ ya si ligbi ɔ nɛ a nuu zugba a nɔ bi ɔmɛ nyɔguɛ.

Matsɛmɛ II, 3:3

Se kaa bɔ nɛ Matsɛ Yeroboam, Nebat binyumu ɔ pee ɔ, Yehoram hu nyɛɛ Israel hɛ mi kɛ pee yayami nɛ e kpa we.

Matsɛmɛ II, 13:23

se kɛ̃ ɔ, Yawɛ dloomi kɛ e mɔbɔ nami ngɛ a nɔ. Somi ɔ nɛ Yawɛ kɛ Abraham, kɛ Isak, kɛ Yakob so ɔ he je ɔ, e piɛ a he, nɛ e ha we nɛ a hɛ mi nɛ kpata; nɛ kɛ ba si mwɔnɛ ɔ hu e hɛ ji e ma a nɔ.

Matsɛmɛ II, 21:14

Ma a nɛ piɛ ɔ, ma kua mɛ, nɛ ma ngɔ mɛ kɛ wo a he nyɛli a dɛ mi. A maa ye a nɔ nɛ a maa ha a níhi;

Matsɛmɛ II, 23:27

Yawɛ de ke, “Ma kpata Yuda hɛ mi kaa bɔ nɛ i pee Israel ɔ; nɛ ma kua Yerusalem, ma nɛ i hla a, kɛ we ɔ nɛ i de ke lejɛ ɔ ji he nɛ i to nɛ a ja mi ngɛ ɔ.”

Matsɛmɛ II, 24:3

Yawɛ lɛ ha nɔ́ nɛ ɔ ba mi, bɔ nɛ pee nɛ e je Yuda ma a we ngɛ yayamihi nɛ Manase pee ɔ a he,

Matsɛmɛ II, 25:21

Babilonia matsɛ ɔ fia mɛ ní nɛ e gbe ngɛ Ribla, ngɛ Hamat zugba a nɔ. Bɔ nɛ a pee kɛ ngɔ Yuda bi ɔmɛ nyɔguɛ kɛ je a zugba a nɔ ji nɛ ɔ nɛ.

Nehemia 9:32

“Wa Mawu, mo Mawu kpetekpleenyɛ, mo nɛ o he ngɛ gbeye, nɛ o kɔni si wa. Moo lɛɛ o yeɔ o somi, kɛ si womi ɔmɛ a nɔ pɛpɛɛpɛ. Kɛ je benɛ Asiria matsɛmɛ ɔmɛ bɔni wɔ haomi kɛ ba su mwɔnɛ ɔ, moo hyɛ amanehlu sɔuu nɛ wa na! Wa matsɛmɛ ɔmɛ, wa ma nimeli ɔmɛ, wa osɔfo ɔmɛ, gbali ɔmɛ, wa nɛmɛ ɔmɛ, kɛ wa ma kpekpemi ɔ tsuo na nɔ́ tsɔ. Mo kai wɔ, ejakaa wa we amanehlu ɔ hiɛ tsɔ!

La 51:13

Kɛkɛ ɔ, ma tsɔɔ yayami peeli o mlaa a, konɛ a kpale kɛ ba o ngɔ.

Yesaya 7:8

Mɛni he je? Ejakaa Siria he wɛ pi Damasko nɛ ji e matsɛ ma a, nɛ Damasko he wɛ pi Rezin. Israel lɛɛ hiɛmɛ nɛ ɔ jeha nyingmi ekpa kɛ enuɔ ɔ, a ma kpata e hɛ mi butuu, bɔ nɛ e be nyɛe maa da si kaa ma hu.

Yeremia 7:15

Ma fie nyɛ kɛ je hiɛ ɔ kaa bɔ nɛ i fie nyɛ nyɛmimɛ ɔmɛ tsuo, nɛ ji Efraim nina a. Imi, Yawɛ lɛ i de.”

Yeremia 52:3

Yawɛ mi mi fu Yuda ma a, kɛ nihi nɛ ngɛ Yerusalem ɔ wawɛɛ nitsɛ kɛ ya si e je e hɛ ngɛ a nɔ. Zedekia tsɔ atuã kɛ wo Babilonia matsɛ, Nebukadnezar.

Hosea 12:3

Israel bi ɔmɛ a nɛ̃, Yakob nu e nyɛminyumu hayo ɔ nɛ a tsɛɛ lɛ Esau ɔ nane seja benɛ mɛ ni enyɔ ɔmɛ a ngɛ a nyɛ muklii mi nɛ a fɔ we mɛ lolo ɔ; nɛ benɛ Yakob ba wa a, e kɛ Mawu fia atlibo.

Mika 1:5

Ní nɛ ɔmɛ tsuo maa ba mi, ejakaa Israel ma a pee yayami kɛ si Mawu, nɛ a tsɔ e hɛ mi atuã. Israel atuã tsɔmi ɔ, mɛnɔ kɛ ba? Ma nguaa a nɛ a tsɛɛ Samaria a, lɛ! Mɛnɔ yeɔ fɔ kaa e kɛ amaga jami ba Yuda? Yerusalem nitsɛ!

Mika 2:5

Lɔ ɔ he ɔ, ke be su nɛ a maa kpale zugba a kɛ ha Yawɛ ma a, nyɛ ti nɔ ko nɔ ko be e blɔ fa mi nɔ́ ko nae.